محمد جوزجانی قلمی گه منسوب «ایمان ساوغهسی» اثری چاپ ایتیلدی.
ایمان ساوغهسی اثری ایکی بولیمدن عبارت دیر. بیرینچی بولیمده ایمان و اعتقادی سوراقلر و جوابلر، آچیق و ساده سۉزلر بیلن یازیلگن.
شو بیلن بیرگه، بالهلر اوچون اسلام، ملایکهلر، آسمانی کتابلر، قرآنکریم، پیغمبریمیز محمد (صلالله علیه والسلم)، مذهب، کعبهی شریف، نبوی مسجد، بیتالمقدس و باشقه ضروری موضوعلر حقیده اېنگ مهم سوراق و جوابلر عادی و توشونرلی اسلوبده یازیلگن.
شونینگدیک بو اثرنینگ ایکینچی بولیمی اېسه مسنونه دعالر، قنوت دعاسی، ایمان مجمل و ایمان مفصل، آلتی کلمه معنالری بیلن و همده عملی نماز اوقیشنی اۉز ایچیگه آلهدی.
بو اثر محمد جوزجانی تامانیدن توپلهنیلیب و یازووچینینگ شخصی پولیدن بلخ مرکزی مزارشریف شهریده «مهد فرهنگ باسمهخانهسی»ده ۱۰۰۰ تیراژده چاپ ایتیلگن.
اسلام دینی قاعدهلرینی اۉز ایچیگه سیغدیرگن بو اثر، مفتیلر و علمالر تامانیدن تصدیقلنگنی هم قید ایتیلگن.
