سلاموطندارنینگ ۲۱ یاش جملهدن ۱۱ قیز و ۱۰ ییگیت بیلن اوتکزگن صحبتی اساسیده، عایلهلر اۉز بالهلرینینگ مقصدلری و تنلاوی گه بولگن مناسبتی، اولرنینگ انگیزه و توانالیگی اوستیگه چقور تأثیر قوییب و بیرقطار یاشلرنینگ آرزولری گه قول تاپیشنی ناممکن قیلگن.
اوشبو گزارشده صحبت قیلگن یاشلرنینگ ایتیشلریچه، عایلهلرنینگ بالهلر گه بولگن مناسبتی، بالهلری باشقه مملکتلر فرهنگی تأثیریده قالیش، موفقیتسیزلیکدن قورقیش و عنعنهوی قرهشلرنی اۉز ایچیگه آلهدی.
بو یاشلر گه کوره، عایلهلرینینگ مناسبتی اولرنینگ مقصدلری گه ایریشیشنی قیینلشتیرگن و حیاتده اجتماعی و فرهنگی چېکلاولر گه دوچ قیلگن.
اوشبو گزارشده صحبت قیلگن یاشلر، عایلهلرینینگ قۉللب-قوتلشلریدن منتدارلیک بیلدیریب، عایلهلرینینگ بیلمسدن چېکلاولی مناسبتی اولرنینگ خلاقیتلری کمهیشی، کوچسیزلیک و ریسکنی قبول قیله آلمسلیک و ترقیاتی امکانیتلرنی قولدن بیریشلری گه سبب بولگنینی اېتگنلر.
بو گزارشده صحبت قیلگن ۲۱ یاشدن، ۱۱ نفری ایش و باشقه ۱۰ نفری اوقیش و تحصیل بولیمینی تنلشده عایلهلرنینگ قرهشی طفیلی، چېکلاو بیلن روپهره بولگنلرینی معلوم قیلگنلر.
کابللیک ۲۳ یاشر فرزاد حارث گه کوره، عایلهسینینگ رسمی ایشی بولیش طلبی اوچون شخصی ایش آچیش قراریدن واز کیچگن.
اوشبو یاشنینگ کوپهیتیریشیچه، رستورانت آچیب و غایهلریگه یېتیشیش گه قیزیقردی. «عایلهم مینی قیله آلمهی سنگ دیب ایشانیشمسدی؛ باشقهلر نیمه قیلدی سین قیلهسنگ؛ باشقهلرنی کور بو یولده زیان کورگن؛ بونی اویلشمهیدی که بیر یاش هدف بیلن آلغه بارسه موفق بولهدی.»
بیزلرنینگ فیسبوک صحیفهمیزگه باش اورینگ!
حارث گه کوره، کوپینچه عایلهلر بالهلرینینگ کوچینی اعتبار گه آلمسدن و عنعنهوی کوزهتیشلری بیلن، یاشلرنینگ خلاقیتی و انگیزهلری کمهیشی گه سبب بولهدی. «عایلهلر اېتهدی که بالهلری ییتّی-سکیز مینگ افغانی معاشی بولگن بولیمنی اوقیسینلر؛ حاضرگی زمانده یاشنینگ خلاقیتی و ایشانچی بو گَل ایشانچلر باعث یوق بولهدی.»
بامیان یشاوچیسی ۲۴ یاشر دینا گه کوره، حربی بولیمده ایشلش گه قیزیقردی؛ بیراق عایلهسینینگ باشقه فکر-ملاحظهسی اوچون بو اېستهگیگه اېته آلمهگن. اونینگ کوپهیتیریشیچه: «افغانستانده کوپینچه ایرککلر حربی بولیمده اېدیلر و عیاللر ایشلمسدی؛ مین بو بولیمگه ایشلش گه قیزیقردیم؛ عایلم رخصت بیرمسدی.»
اوشبو گزارشده صحبت قیلگنلردن باشقه بیرقطاری، عایلهلرینینگ اېستهگی و جمعیتدهگی سنتی قاعدهلر باعث قیزیقهدیگن بولیمنی تنله آلمهی و عایلهلرینینگ کېلهجکلری گه دایر حددن تشقری تشویشی، اولرنینگ مستقل بوله آلمسلیگی گه سبب بولگنینی اېتهدیلر.
بیزلرنینگ «ایکس» ترماغی ده هم تعقیب قیلینگ!
کابللیک ۲۲ یاشر مریمنینگ ایتیشیچه، تحصیل قیلیش اوچون عایلهسینینگ ناراضیلیگی طفیلی ژورنالیزم بولیمینی اوقیشدن محروم قالگن. اونینگ کوپهیتیریشیچه: «ایناغم و آنم کوپ قرشیلیک کورسهتر دیلر و بو بولیمنی اوقیمه دییشردی، فارغ بولیب و یېتکرمهلرده ایشلهسنگ، باشقهلر فلانینینگ قیزی تلویزیونده ایشلهیدی دیب بیز گه طعنه بیریشنی ایتر اېدیلر.»
بو یاشلر، عایلهلرنینگ حددن تشقری تشویش و قرهشلری، اولرنینگ حیات یولی اۉزگریشی و ترقیات جریانی سُست بولیشی گه سبب بولگنینی اېتهدیلر.
افغانستاندهگی قانون-قاعده اساسیده، یاشلر عایلهلرینینگ اېستهگینی عملی قیلیش اوچون شخصی غایهلریدن واز کیچهدیلر؛ بو ایش انده-سنده یاشلرنی روحی قیینچیلیک بیلن روپهره قیلهدی.
بلخ یشاوچیسی فرهاد حبیبزاده گه کوره: «بیران وقت اۉزیم، عایله و جمعیت آرهسیدن بیرینی تنلش گه مجبور بولردیم؛ بو قیینچیلیک بیلن روپه بولیشیم گه سبب بولگن؛ عایلهمنینگ یخشی درآمدلی بولیش اوچون کوتیشلری، باسیم گه قرار تاپیشیم و تشویش قیلیشیم گه سبب بولگن.»
بغلانلیک شایستهنینگ ایتیشیچه، عایله و جمعیتدهگی فرقلی اویلیشلر تنلاو دایرهسی محدود بولیشی گه آلیب کېلگن. اونینگ کوپهیتیریشیچه: «جمعیتدهگی اېنگ ضرر کورهدیگن عیاللر دیر؛ یاشلرنینگ استرس و اضطرابلی بولیشی جمعیتدهگی ناتوغری توشینچهلر دیر که یاشلرنی غایهلریدن اوزاقلشتیرهدی.»
برچهسی بیلن، روانشناسلردن بیرقطارینینگ ایتیشلریچه، تنلاوده چېکلاو، عایلهوی و اجتماعی باسیملر و ایش امکانیتلریدن فایدهلنه آلمسلیک، یاشلرنینگ افسرده و ناامید بولیشی گه سبب بولهدی.
روانشناس محمد بلوچنینگ ایتیشیچه: «عایلهوی چېکلاو اینیقسه زورهوانلیک بیلن تربیت قیلهدیگن عایلهلر، روحی نقطهی نظردن عایله اعضالری و اوسمیرلرنینگ ساغلاملیگی اوستیگه سلبی تأثیر قوییب و بو افسردهلیک، اضطراب و خلقی اختلاللر گه سبب بولهدی.»
اسلام امیرلیگی امر معروف و نهی منکر وزیرلیگی سۉزلاوچیسی سیفالاسلام خیبر گه کوره، بو وزیرلیک یاشلرنینگ عایلهوی و اجتماعی قیینچیلیکلری گه ییچیم یول قیدیریش اوچون سعی-حرکت قیلماقده. اونینگ کوپهیتیریشیچه: «بیز عامهنی آگاهلنتیریش اوچون ایشلهیپمیز و یاشلرنی کوپراق بیلیم و مسلک اورگهنیش گه ترغیب قیلماقدهمیز؛ بوتون محتسبلر دقت بیلن ایشلهیدی و اۉز ایشلرینی یخشی شکلده عملگه آشیریب و مستقللیکّه ایریشیش اوچون قولیلیک یره تهدیلر.»
یاشلرنینگ ایشلش، اوقیش و تنلاوی گه نسبتن عایلهلرنینگ قرهشی، اولرنینگ ترقیاتی گه توسیق بولیب و انگیزهلری یوق بولیشی گه سبب بولهدی.
