قندهار امنیتی مسئوللری نینگ ایتیش‌لریچه، بوگون (شنبه ۲۷- جدی) توشدن آلدین ساعت ۱۰ اطرافیده نیچه هجومچی بمب جایلشتیریلگن بیر تانک دن فایده‌لنیش بیلن مذکور ولایت نینگ دامان تومنیده‌گی ملی خوفسیزلیک واسطه‌لرنینگ ورکشاپی گه هجوم قیلگن.
آتی فاش ایتیلیشی نی ایستمه‌گن خوفسیزلیک بیر منبع نینگ سلام‌وطندارگه ایتیشیچه، بمب جایلشتیریلگن تانک پارتله‌تیلگندن کیین، هجومچیلر حربی کییم بیلن ورکشاپ گه کیریب و ۴ ساعت امنیتی کوچلر بیلن آتیشگن.
قندهار حاکمی روح‌الله خان‌زاده نینگ ایتیشیچه، مذکور هجوم ده یالغیز ۴ هجومچی اولدیریلگن و باشقه هیچ کیم گه ضرر ییتیشمه‌گن.
قندهار حوزوی کسلخانه‌سیده‌گی داکترلردن بیری آتی فاش ایتیلیشی نی ایستمه‌ی سلام‌وطندارگه ایتیشیچه، ملی خوفسیزلیک ایشلاوچی‌لری نینگ ۳ یره‌داری حادثه محلیدن کسلخانه گه انتقال بیریلگن.
حادثه مسئولیتی نی طالبان گروهی بوینیگه آلگن.