افغانستان قیته قوریلیشی اوچون امریکا خاص تیکشیروچی اداره‌سی یا-ده (سیگر) امریکا تشقی ایشلر و ملی مدافعه وزیرلیکلری و امریکا خلق ارا رواجلنتیریش مسوول‌لریگه بیر نامه یوباریب یازیشیچه، افغانستان دولتی فساد نی آلدینی آلیش اوچون ییترلیچه اقدام قیلمه‌گن.
اوشبو نامه‌گه کوره، افغانستان حکومتی نینگ اصلاحات قاعده‌لری، ییغین و کاغذ یوزیده محدود بولیب قالگن و یاردم قیلووچی اولکه‌لرنینگ نظارتی کوپه‌یگنیدن کیین اصلاحات و چاره و تدبیلر خصوصده توجه قیلینگن.
سیگر نینگ کوپه‌یتیریشیچه، افغانستان دولتی فساد رقمی نی آزه‌یتیریش خصوصده بیللی بیر حرکتلر قیلمه‌گن و دولت یوقاری مرتبه‌لی کیشیلرنی قولگه آلیش گه قادر بولمه‌گن.
سیگر تامانیدن ترقه‌تیلگن گزارشگه کوره، افغانستانده‌گی فساد امریکا نینگ ماموریتی نی کوچیسیز قیلگن و افغانستان‌نی قیته‌قوریش، تینچ‌لیک نی تامین قیلیش، قانون حاکمیتی و اقتصاد رشدی نینگ آزه‌یشی گه سبب بولگن.
افغانستان حکومتی اوشبو موضوع نی رد قیلیب ایتیشیچه، افغانستان حکومتی بیرگن سوزلرینی عملگه آشیریش ده صادق دیر. جمهور رئیس سوزلاوچیسی نینگ اورین باسری دواخان مینه‌پال گه کوره، حکومت اصلاحات کیلتیریش ده اقدام قیلگن و ژنیو کنفرانسی گه کوپینچه یوتوق بیلن باره‌دی.
ژنیو کنفرانسی جاری ییل نوامبر آیی نینگ ۲۳ نچی و ۲۴ نچی کونلریده بولیب اوتیشی گه قرار قیلینگن و اوشبو کنفرانسگ ه امریکا شامل افغانستانگ ه یاردم ایته‌دیگن ۷۰ اولکه قتنه‌شیب، تورت ییل بوییچه افغانستانگه مالی یاردم بیریش خصوصده قرار آله‌دیلر.
انه شوحالده سیگر، افغانستان گه یاردم ایته‌دیگن اولکه‌لردن افغانستان دولتی نینگ فساد گه قرشی کوره‌ش خصوصیده قرار آلیش‌لرینی سوره‌گن.
