ایکینچیلیک، چاروه‌چیلیک و ایچکی تولیدلر نینگ تورت کون‌لیک ۳۱-کوز کورگزمه‌سی، «معیاری ایشلب چیقریش دنیا بازاری گه قول تاپیش» آتیده بوگون (۲۵-میزان، چهارشنبه) کابل شهری بادام باغ ده یولگه قوییلدی.
ایکینچیلیک، سوغاریش و چاروه‌چیلیک وزیرلیگی مسئوللری نینگ ایتیشلریچه، بو کورگزمه ده ایکینچیلیک، باغدارچیلیک، چاروه‌چیلیک، ایکینچیلیک اوسکونه‌لری، طبی اوسیملیک، سوغاریش اوسکونه‌لری، قویاش دن برق ایشلب چیقریش اوسکونه‌لر و قول صناعتی کورگزمه گه قوییلگن.
ایکینچیلیک، سوغاریش و چاروه‌چیلیک وزیرلیگی سرپرستی عطاءالله عمری، مذکور کورگزمه مملکت اقتصادیاتینی قۉللب-قوتلش، ایکینچیلیک نی رواجلنتیریش، ایچکی تولیدلرنی دستکلش، ایچکی تولیدلردن فایده‌لنیشنی رواجلنتیریش، دهقان‌لرنی اۉزلرینی اۉزی تأمینلش، ایکینچیلیک و چاروه‌چیلیک بولیمیده ایچکی و تشقی سرمایه یاتقیزووچیلرنی ترغیب قیلیش مقصدیده یولگه قوییلگنینی اېته‌دی.
اونینگ کوپه‌یتیریشیچه: «۶۵ فایز ایکینچیلیک محصولات دن فایده‌لنیلمه‌یدی و سوداگرلر اونی ساتیش اوچون بازار قیدیریشی کېره‌ک. بو کورگزمه محصولات نی ساتیش اوچون یخشی فرصت دیر و تشقی مهمان‌لر کېره‌ک بولگن نرسه‌لرینی ساتیب آلیش‌لری ممکن.»
بیزلرنینگ فیسبوک صحیفه‌میزگه باش اورینگ!
اسلام امیرلیگی باش وزیری نینگ سیاسی اورین باسری محمد عبدالکبیر، قۉشنی مملکت‌لردن افغانستان نینگ ایکینچیلیک محصولاتی صادراتی گه توسیق بولمسلیک‌لرینی اېسته‌یدی.
اونگه کوره: «افغانستانده ایلچیخانه‌لری بولگن مملکت‌لردن، افغانستان نینگ ایکینچیلیک محصولاتی گه بازار تاپیشی اوچون یاردم بیریش‌لرینی اېسته‌یمیز و قۉشنی مملکت‌لر محصولاتی‌میز صادراتی گه توسیق‌لیک قیلمسلیگی لازم.»
اسلام امیرلیگی باش وزیری نینگ اقتصادی اورین باسری عبدالغنی برادر اوشبو مناسبت بیلن یولگه قوییلگن احتفالده ایتیشیچه، اسلام امیرلیگی ایچکی تولیدلرنی قۉللب-قوتلش و تشقی مملکت‌لردن وارد اېتیلگن ایکینچیلیک محصولات گه تېنگ‌لیکنی نظرگه آلیش مقصدیده سعی-حرکت قیلماقده.
بیزلرنینگ «ایکس» ترماغی ده هم تعقیب قیلینگ!
او، سوداگرلر و دهقان‌لردن، دنیا بازارلری گه قول تاپیش اوچون صفت، پروسس و پاکت‌لش خصوصیده دقت قیلیش‌لرینی اېسته‌یدی. «محصولاتی‌میزنی منطقه و دنیا بازارلری گه یېتکزیشی‌میز کېره‌ک و بو امکانیت گه قول تاپگن حالده پروسس و پاکت‌لش خصوصیده دقت قیلینیشی لازم.»
صناعت و سودا وزیرلیگی سرپرستی نورالدین عزیزی، اسلام امیرلیگی افغانستان نینگ ایکینچیلیک محصولاتی صادراتی اوچون ینگی ترانزیتی یوللرنی قوریش گه سعی-حرکت قیلماقده‌لیگیدن ایشانچ بیره‌دی.
اونینگ ایتیشیچه: «اسلام امیرلیگی بار کوچی بیلن افغانستان نینگ ایکینچیلیک محصولات‌لری ساتیلیشی اوچون ترانزیتی ینگی یوللرنی قوریش گه سعی-حرکت قیلماقده.»
اوشبو کورگزمه ده قتنشگن‌لردن بیرقطاری، سوداگرلیک توارلری اوچون بازار تاپیب و محصولات‌لری ساتیلیشی اوچون شرطنامه‌لر امضالنیش گه امید بیلدیره‌دی.
مذکور کورگزمه ده اشتراک اېتگنلردن بیری سیتا رستگار، بو گَل کورگزمه‌لر سوداگرلر بیلن کتّه-کیچیک شرطنامه‌لرنی امضالش گه زمینه یره‌تیشی ممکن دیېدی.
اونینگ کوپه‌یتیریشیچه: «بو کورگزمه بیزنی صادرات بولیمیده سوداگرلر و فعال کیشی‌لر بیلن تانیشتیره‌دی و شونینگدیک محصولات‌لریمیزنی تانیشتیریش و فعالیت‌لریمیز گه یاردم بیره‌دی، نهایت تورلی شرطنامه‌لر امضالنیشی ممکن.»
اوشبو کورگزمه ده، ایکینچیلیک، و چاروه‌چیلیک محصولات ۲۶۳ غرفه ده کورگزمه گه قوییلگن و ۵۶ غرفه عیاللر نینگ قول صناعتی گه اختصاص بیریلگن.
