کابل بادام‌باغ ده بوگون (چهارشنبه، ۲۶ میزان)، «افغانستان نینگ خودکفالیگی تامان آدیم و ایکینچیلیک محصولات گه بازار قیدیریش» عنوانیده، ایکینچیلیک محصولات نینگ ۲۹_کورگزمه‌سی تورت کونگچه آچیلگن.
ایکینچیلیک، سوغاریش و چاروه‌چیلیک وزیرلیگی سرپرستی عطاءالله عمری، مذکور کورگزمه یولگه قوییلیشی دن مقصد ایکینچیلیک محصولات نی حمایت قیلیش دیب ایتیشیچه، اوشبو وزیرلیک مملکت بویلب آزیق_آوقت خوفسیزلیگی تامینلنیشی مقصدیده سعی‌وحرکت قیلماقده.
او نینگ ایتیشیچه: «بو کورگزمه دهقان‌لر نی قوللب_قوتلش مقصدیده یولگه قوییلگن، آزیق_آوقت خوفسیزلیگی تامینلنیشی و خودکفا بولیش اوچون تلاش قیله‌یپمیز، نیچه کون آلدین قوش‌تیپه باردیم بو مملکت ده آزیق_آقت خودکفالیگی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
مذکور ییغیلیش ده اسلام امیرلیگی باش وزیرلیگی نینگ اداری اورین باسری عبدالسلام حنفی گه کوره، مملکت نینگ ۸۰ فایز اهالیسی ایکینچیلیک ایشلری بیلن مصروف دیر و ۶۰ فایز عایله‌لر ایکینچیلیک آرقه‌لی احتیاج‌لرینی تامینله‌ماقده.
او نینگ کوپه‌یتیریشیچه، سونگی ییل‌لرده ایچکی درآمدلر نینگ ۲۱ و ۳۳ فایزینی ایکینچیلیک محصولات آرقه‌لی تامینله‌گنلر.
عبدالسلام حنفی گه کوره: «سونگی ییل‌لرده ایچکی درآمدلر نینگ ۲۱ و ۳۳ فایزینی ایکینچیلیک محصولات آرقه‌لی تامینله‌ی ماقده‌میز، بیر سنه ده ایکینچیلیک بولیمیده اولکه بویلب ۱.۲ میلیون کیشی گه ایش زمینه‌سی یره‌تیلیشی ممکن، بیر سنه ده افغانستان ایکینچیلیگی هر ییلی بیش فایز آشگن تقدیرده، افغانستان ده کمبغل‌لیک سانی سیزیلرلی درجه ده کمه‌یشی ممکن.»
عینی‌حالده، سرپرست حکومت باش وزیرلیگی نینگ اقتصادی اورین باسری عبدالغنی برادر نینگ ایتیشیچه، دهقان‌لر سنتی سوغاریش سیستمی دن قوللـه‌نیش‌لری باعث اونچه‌لیک درآمد قیله آلمه‌یدیلر.
او نینگ کوپه‌یتیریشیچه: «مملکت ده‌گی دهقان‌لر سنتی سوغاریش سیستمی دن قوللـه‌نیش‌لری باعث، ایکینچیلیک ییرلری و باغ‌لری دن یخشی حاصل آلیشه آلمه‌یدی و اسلام امیرلیگی ایکینچیلیک نی زمانه‌وی لشتیریش اوچون سعی‌وحرکت قیلماقده.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، مذکور کورگزمه ده اشتراک ایتگن‌لردن بیرقطاری، ایچکی محصولات سوداسی اوچون بو کبی کورگزمه‌لر یولگه قوییلیشینی اونیملی دیب و یشاوچیلردن مملکت تولیدی و محصولاتی دن قوللـه‌نیش‌لرینی سوره‌یدیلر.
اوشبو کورگزمه ده اشتراک ایتگن‌لردن کلیم‌الله سراج گه کوره: «یشاوچیلردن اولکه تولیدلرینی استعمال قیلیش‌لرینی ایسته‌یمیز، بو ییرده‌گی محصولات افغانستان تولیدی دیر.»
مذکور کورگزمه ده اشتراک ایتگنلر دن باشقه بیری یلدا حسینی نینگ ایتیشیچه: «یولگه قوییله‌دیگن کورگزمه‌لر بیز اوچون اونیملی دیر و یشاوچیلر قول توقیمه‌لرنی ساتیب آلیش اوچون بو ییر ده کیله‌دیلر.»
تورت کون‌لیک اوشبو کورگزمه محصولات‌لری ۲۶۳ غرفه ده نمایش گه قوییلگن و اولر دن ۵۶ غرفه، عیاللر نینگ قول توقیمه‌لری گه اختصاص بیریلگن.
ایتیش کیره‌ک که، ایکینچیلیک محصولات نینگ بیرینچی کورگزمه‌سی، مملکت بویلب دهقان‌لرنی ترغیب قیلیش اوچون ۱۳۹۸-ییل ده کابل بادام‌باغی ده یولگه قوییلگن، اوندن کیین اوشبو کورگزمه هر ییلی ایکینچیلیک، سوغاریش و چاروه‌چیلیک وزیرلیگی تامانیدن یولگه قوییله‌دی.
