هرات امنیتی مسؤل‌لری نینگ ایتیش‌لریچه، آدم اوغیرلاوچی‌لر اوشبو ولایت بوییچه ایکینچیلیک ریاستی باشلیغی نینگ ۱۲ یاشر اوغلی‌نی اوغیرلگن.
هرات پولیس قومندانلیگی نینگ سوزلاوچیسی عبدالاحد ولی‌زاده گه کوره، آدم اوغیرلاوچی‌لر اوشبو باله‌نی اوتگن کونی (دوشنبه، ۲۲- جدی) هرات شهری سیکیزینچی ناحه گه تیگیشلی بولگن “قول اردو” منطقه‌سیدن اوغیرله‌گن.
جناب ولی‌زاده نینگ کوپه‌یتیریشیچه، اوغیرلنگن باله آزاد ایتیلیشی اوچون کشفی نهادلر تلاشی بولگن.
انه‌شوحالده هرات ولایتی یشاوچیلری، کشفی و امنیتی نهادلر ایشیدن جدی صورتده تنقید ایتیب ایتیش‌لریچه، آدم اوغیرلش رقمی هیچ بیر زمان اوشبو ولایتده آزه‌یمه‌گن.
اوشبو کیشی‌لر گه کوره، بوندن بیر آی آلدین بیر داکتر هرات شهریدن اوغیرلنگن؛ لیکن حاضر گچه امنیتی و کشفی نهادلر اوغیرلنگن داکترنی آزاد قیلیش ده موفق بولمه‌گن. یشاوچی‌لر نینگ ایتیش‌لریچه، آدم اوغیرلاوچیلیک واقعه‌لری هرات ولایتی خلقی نینگ حیاتی نی قیین‌لشتیرگن.
ایتیش لازم که حاضر گچه اوشبو قضیه مسؤلیتی نی کیشی یاده گروه اوز بوینیگه آلمه‌گن.
بوندن ۳ آی آلدین ۹ یاشر عبدالرووف مکتب تامان کیتیب باره دیگن پیتده حربی کیمیده بولگن ناتانیش قورالی کیشی‌لر تامانیدن بلخ ولایتیده اوغیرلنگن، لیکن ۳ آی اوتیشی بیلن هم عبدالرووف آزاد ایتیلمه‌گن.
