غزنی نینگ اوزاق منطقه‌لریده‌گی عیاللردن قطاری خواطر بیلدیریب و ایتیشلریچه، نیچه مدت‌دن بویان نابیللی بیر شکلده تیری کسللیکلری گه چلینگنلر.
غزنی نینگ خوگیانی تومنی یشاوچیسی و تیری کسللیگی نینگ دوالنیشی اوچون غزنی شهری گه بارگن شهناز نینگ ایتیشیچه، اونینگ یانیده سینگیلی هم تیری کسللیگی گه چلینگن.
اونینگ کوپه‌یتیریشیچه: «یوزیم گه بیر تورلی دانه تاپیلگن؛ اوچ آی بوله‌دی که بو قیین‌چیلیککه چلینگن‌مین. بازاردن دارو آلدیم؛ لیکن فایده قیلمه‌دی. بیلمه‌یمن بو قیین‌چیلیک هوا نینگ ایسیق‌لیگی اوچون می یا-ده باشقه نرسه.»
بیزلرنینگ «ایکس» ترماغی ده هم تعقیب قیلینگ!
غزنی یشاوچیلریدن باشقه بیری ثریا نینگ ایتیشیچه، تیری کسللیگی اوچون کوپینچه دارو مصرف قیلگن؛ بیراق نتیجه بیرمه‌گن.
اونینگ کوپه‌یتیریشیچه: «کوپینچه کرم‌لردن قوللندیم؛ لیکن تیریم نی بیحد خراب قیلدی؛ تیریم یاریلگن. قولیم و تیرم گه قیزیل دانهلر تاپیلگن. ساووق بولگنی‌ده قولیم و یوزیم جزیله‌یدی.»
شونینگدیک غزنی شهریده‌گی درمانی مرکزلردن بیری گه قیزی نینگ تیری کسللیگی دوالنیشی اوچون بارگن وحید‌الله نینگ ایتیشیچه: «بیر تورلی قیزیل دانهلر تیری گه تاپیلگن؛ انه شوو سبب شفاکار یانیگه کیلتیردم که مشوره آلسم که نیمه قیین‌چیلیگی بار و بو دانهلر خوفلی بولمه‌سین.»
باشقه بیر تاماندن، غزنی ولایتی‌ده‌گی گوزللیک بولیمی شفاکاری عبدالمتین بها نینگ ایتیشیچه، قیشلاقلرده عیاللر و قیزلر قیین ایشلر، چاروه‌چیلیک، ایکینچیلیک و اوز باشیمچه‌لیک شکلده دارو قوللنیشلری سبب، کوپراق تیری کسللیکلری گه چلینه‌دیلر.
اونینگ کوپه‌یتیریشیچه: «یاز موسومی‌ده کوپراق عیا‌للرده انتانی و فنگس یا-ده تیری کسللیکلری کوریله‌دی؛ ساووق موسوم‌ده هم بیر قطار کسل‌لیکلر بار؛ تیرینی قوریشی، تیری نینگ مرطوبلیگی نی اورته‌دن کیتکزه‌دی. اونینگ یانیده باشقه عامل‌لر غزنی ده اوز باشیمچه‌لیک شکلده دارو قوللنیش اونینگ سبب‌لریدن باشقه بیری دیر.»
بیزلرنینگ فیسبوک صحیفه‌میزگه باش اورینگ!
غزنی ساغلیق‌نی سقلش باشلیغی رسول‌خان نظری نینگ ایتیشیچه، تیری کسللیکلری دوالنیشی بولیمی‌ده کوپراق درمانی امکانیت یره‌تیلیشی اوچون سعی‌وحرکت قیله‌دیلر.
اونینگ کوپه‌یتیریشیچه: «غزنی ولایتی کسل‌خانه‌سیده حاضرگچه تیری کسللیکلری بولیمی‌ده شفاکار یوق ایدی؛ بیراق حاضر ایسه حوزه‌ای کسل‌خانه‌سی نینگ ینگی تشکیلی‌ده تیری بولیمی نی هم فعال قیلگن‌میز و شفاکارلر نینگ استخدام قیلیش ایشی دوام قیلماقده و امکانیت گه قدر دارو و دستلبکی درمان صورت تاپه‌دی.»
ایتیش کیره‌ک که، هوا نینگ افلاسلیگی، روحی قیین‌چیلیکلر، ناسالم آوقتلنیش و صفتی قویی آرایشی ماده‌لردن قوللنیش، تیری کسللیکلری گه چلینیش عامللریدن دیر.
