قندوز محلی مسووللری نینگ ایتیش‌لریچه، اوشبو ولایت نینگ امام‌صاحب تومنیده امنیتی کوچلردن ۱۰ ته‌سی هلاک و باشقه ۳ ته‌سی یره‌لنگن.
قندوز ولایتی کینگش باشلیغی محمدیوسف ایوبی نینگ سلام‌وطندارگه ایتیشیچه، طالبان جنگریلری اوتگن کیچه ساعت ۷ اطرافیده امام‌صاحب تومنی نینگ «اوستامینگ و اسماعیل» منطقه‌سیده امنیتی کوچلر پوسته‌سی اوستیگه هجوم قیلگنلر.
قندوز ولایتی کینگش باشلیغی‌گه کوره، امنیتی کوچلر و طالبان جنگریلری آره‌سیده بولگن آتیشمه کیچه ساعت ۱۲ گه‌قدر دوام قیلگن و کمکی کوچلر اوشبو تومن نینگ «مامای ترافیک» منطقه‌سیده هدف آستیگه قرار بیریلگن.
ایوبی نینگ کوپه‌یتیریشیچه، آتیشمه‌لر عاقبتیده مردمی کوچلردن ۸ ته‌سی و ملی اردو کوچلریدن ۲ ته‌سی هلاک و باشقه ۳ ته‌سی یره‌لنگن.
۲۱۷ پامیر قول اردو قومندانلیگی سوزلاوچیسی عبدالهادی نظری نینگ بو واقعه‌نی تصدیق‌لگن، بیراق تلفات رقمی خصوصیده معلومات بیرمه‌گن.
طالبان گروهی اوشبو هجوم مسوولیتی‌نی بوینیگه آلگن.
