تلگرام اساسچیسی پاول دوروف، فرانسه پایتختی پاریس یقینلیگی‌ده جایلشگن «لوبورگت» قونالغه‌سیده، مذکور مملکت پولیسی تامانیدن قولگه آلینگن.
رویترز آژانسی نینگ گزارش بیریشیچه، دوروف اوتگن شنبه کونی توش‌دن کیین فرانسه دن تشقریده شخصی اوچاغی‌دن توشیش چاغیده قولگه آلینگن.
بیزلرنینگ «ایکس» ترماغی ده هم تعقیب قیلینگ!
رویترز نینگ کوپه‌یتیریشیچه، دوروف تلگرام‌ده جنایی فعالیت‌لر گه رخصت بیریش عیبی بیلن قولگه آلینگن.
شونینگدیک فرانسه نینگ «TF1» تلویزیونی ترماغی گزارشی اساسیده، تلگرام اساسچیسی اوشبو مملکت پولیسی تامانیدن تیکشیریلیش مقصد قولگه آلینگن.
گزارشلر اساسیده، دوروف تلگرام‌ده ناظر کم‌لیگی خصوصیده تیکشیروو آستیده قرار تاپیشی ممکن.
بیزلرنینگ فیسبوک صحیفه‌میزگه باش اورینگ!
فرانسه پولیسی نینگ اعلام قیلیشیچه، تلگرام ده ناظر کم‌لیگی بو پلتفورمه‌ده جنایی فعالیت‌لر نینگ دوام قیلیشی گه سبب بولگن.
پاول دوروف، ۲۰۱۳-ییل‌ده تلگرام نی ایجاد قیلگن و بو پلتفورمه نینگ حاضر ایسه ۹۵۰ میلیون فعال فایده‌لنووچیسی بارلیگی تخمین قیلینماقده.
