یاز موسومی ییتیب کیلیشی بیلن تخار ولایتی‌ده‌گی ایکینچیلر و باغ‌دارلر محصوللری نینگ توپلش بیلن شغللنگنلر. اولر اوتگن ییل گه قره‌گنده بو ییل حاصللری کوپه‌یگنی‌دن خورسند‌لیک قیلیب؛ بیراق محصوللری گه ماس بازار یوقلیگی‌دن شکایت قیله‌دیلر.
تخار ولایتی‌ده‌گی ایکینچیلر نینگ ایتیشلریچه، اوشبو ولایت‌ده ستندرد ساووق‌خانه‌لر یوقلیگی سبب محصوللری نینگ بازارلر گه عرضه قیلیب، آز قیمت گه ساته‌دیلر.
تخار ولایتی‌ده‌گی ایکینچیلردن امان‌الله نینگ ایتیشیچه: «ایکینچیلیک قیلگن‌میز بو ییل مناسب بازارلر یوق. بو میوه‌لرنی عرضه قیلگن‌میز و امکانیتی‌میز نی تولدیرمه‌گن.»
شونینگدیک اوشبو ولایت‌ده‌گی ایکینچیلردن باشقه بیری یوسف نینگ ایتیشیچه: «ساووق‌خانه‌میز بولگنی‌ده پیاز، کچالو، تربوز و قاوون نی ساووقخانه گه قویه‌میز و کیین مناسب قیمت گه ساته‌میز، لیکن ساووقخانه یوقلیگی سبب پلک‌دن چیقگنیده آز یا-ده کوپ قیمت گه ساتیش گه مجبورمیز.»
عین حالده، تخار ده میوه سوداگرلری نینگ ایتیشلریچه، مذکور ولایت ایکینچیلیک و باغدارلیک محصوللری نینگ باشقه ولایت‌لر و تشقی مملکتلر گه صادر بولمسلیگی، ستندرد ساووق‌خانه‌لر یوقلیگی و میوه اوچون بیللی بازارلر یوقلیگی، میوه‌لر نینگ تیزلیککه خراب بولیشی و آز قیمت بیلن ساتیلیشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
اولر مسئوللر آرقه‌لی ستندرد ساووق‌خانه‌لر بیلن بویوک میوه بازاری ایجاد بولیشی نی ایسته‌گنلر.
تالقان شهری‌ده‌گی سوداگرلردن امان‌الله نینگ ایتیشیچه: «دهقانلردن پمیدار ساتیب آلگنی‌میزده، اوشه کون ساتسه‌ک یخشی، باشقه کونگه قالگنی‌ده ایسه ستندرد ساووق‌خانه‌میز و امکانیت‌لریمیز یوق و پمیدار خراب بوله‌دی. نیاز بولگنی‌ده بیر سیر شفتالو ۶۰۰ افغانی دیر، لیکن ۱۵۰ افغانی ساتیله‌دی و بامیه هم شو رقم.»
شونینگدیک تالقان شهری‌ده‌گی سوداگرلردن صدیق‌الله نینگ ایتیشیچه: «قاوون نازک دیر و عمری آز. ایکی یا-ده اوچ کون سقلنمه‌یدی، لیکن تربوز یخشی و مقاومتی کوپ. اون کون سقلنه‌دی. ساووقخانه بولگنی‌ده ایکی-اوچ آی سقلنه‌دی.»
شونده‌ی بیرحالده، تخار ایکینچیلیک، سووغاریش و چاروه‌چیلیک ریاستی مسئوللری ایکینچیلر و باغ‌دارلر برابریده‌گی قیین‌چیلیکلر نی قبول قیلیب، بیراق ایتیشلریچه، مذکور ریاست دایم ایکینچیلر و باغ‌دارلر ظرفیتی آشیشی و اولر نینگ حاصلاتی کوپه‌یشی مقصد، سعی‌وحرکت قیلگن.
تخار ولایتی ایکینچیلیک، سووغاریش و چاروه‌چیلیک ریاستی نینگ رواجلنتیریش مدیری عبدالاعلا رادمرد نینگ ایتیشیچه: «قیغو بیلن تخار ده منطقه ستندردلری گه ماس ساووق‌خانه‌میز یوق. افغانستان شمالی‌ده یالغیز مزارشریف ده ستندرد ساووقخانه بار. ایکینچیلیک وزیرلیگی تخار ولایتی‌‌ده باغ‌ده عاجل وضعیت‌لر بودجه‌سیدن بیر ساووقخانه قوریلیشی گه قرار آلینگن ایدی که ایشی یریم قالیب و پروسه‌سی لغو بولدی.»
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، مملکت نینگ قطار ولایت‌لریده ستندرد ساووق‌خانه‌لر یوقلیگی، قوشنی مملکت‌لردن وارد بوله‌دیگن ایکینچیلیک محصوللر بهاسی نینگ ایچکی محصوللر بهاسی گه قره‌گنده نیچه برابر بولیشی گه سبب بولگن.