تخار محلی مسئوللری، اوشبو ولایت ده تیل‌تانکی ده یانغین یوز بیریشی عاقبتیده کیچیک یاشر بیر باله هلاک بولیب و باشقه ایکی کیشی یره‌لنگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
تخارامنیه قوماندان‌لیگی سوزلاوچیسی عبدالمبین صافی گه کوره، پنج‌شنبه کونی، ۲۱ ثور، عصر چاغی ساعت ۵:۴۰ اطرافی ده، مذکور ولایت نینگ ینگی‌قلعه تومنی سپورت چمنی یقینیده ییرلشگن تیل‌تانکی ده جنراتور برقی شارت قیلیشی باعث یانغین یوز بیریب و نتیجه ده، تیل‌تانکی ایگه‌سی نینگ کیچیک یاشر بیر باله‌سی قربان بولیب و باشقه ایکی کیشی یره‌لنگن.
او نینگ کوپه‌یتیریشیچه، مذکور یانغین باعث «مازدا» رسوملی بیر موتر همده تیل‌تانکی ده ۲۴ مینگ دالرلیک تیل بوتونلی کویگن.
بیزلرنینگ توییترده هم تعقیب قیلینگ!
تخارامنیه قوماندان‌لیگی سوزلاوچیسی گه کوره، یانغین ینگی‌قلعه تومنی امنیتی کوچلری و محل یشاوچیلری نینگ همکارلیگی بیلن نیچه ساعت دن کیین اوچیریلگن.
عین‌حالده، ینگی‌قلعه تومنیده‌گی منبع‌لر، اوشبو واقعه باعث محل یشاوچیلری بیر میلیون دن آرتیق افغانی زیان کورگنینی معلوم قیله‌دیلر.
