تخار ده «سپین‌زر شهرچه‌سی»نینگ قوریلیش ایشی ۷۰۰ میلیون‌دن آرتیق افغانی خره‌جت بیلن باشلنگن. مملکت شمال‌شرق حوزه‌سیده «سپین‌زر شرکتی» مسئوللری‌نینگ ایتیشلریچه، مذکور ییریک و اونملی لایحه بو شرکت هماهنگ‌لیگی بیلن خصوصی بیر شرکت آرقه‌لی عملگه آشیریله‌دی و حاضر ایسه اونینگ قوریلیش ایشی رسمی شکلده باشلنگن.
بیزلرنینگ فیسبوک صحیفه‌میزگه باش اورینگ!
بو لایحه‌نینگ عملگه آشیرووچی شرکت مسئولی صلاح‌الدین صدیقی‌گه کوره، ۷۰۰ میلیون‌دن آرتیق افغانی خره‌جت کوتارگن مذکور لایحه، تخار محلی اداره‌سی هماهنگ‌لیگی بیلن اوشبو ولایت مرکزی تالقان شهری‌ده ۶۰ جریب ییرده عملگه آشیریلیب و اونینگ فایده‌لنیش گه تاپشیریلیشی بیلن تالقان شهری رواجلنیشی یانیده، مملکت اقتصادی ترقیاتی و شونینگدیک ایش فرصت‌لری یره‌تیلیشی خصوصیده فایده‌لی بولیشی ممکن.
تالقان بلدیه‌سی نقیب‌الله محمدی، مذکور شهر‌ده سپین‌زر شهرچه‌سی‌نینگ قوریلیشینی اهالی و حکومت اوچون اینگ اونملی لایحه دیب و ایتیشیچه، اونینگ فایده‌‌لنیشی بیلن تالقان شهری‌ده فعالیتی بولگن ارپه و بوغدای بازاری و باشقه بازارلر، مذکور شهرچه‌گه اوتیب و تالقان شهری‌ده گوجوم‌لیک کمه‌یشیگه یاردم بیریشی ممکن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، مذکور سوداگرلیک شهرچه‌سیده، ارپه و بوغدای بازاری، دارو بازاری، قوروق و تازه میوه بازاری، فوتسال ساحه‌سی، سپورت انجمن‌لری، توی هوتلی، مسجد و شونینگدیک موتر ساتیله‌دیگن دکان‌لر‌نینگ ستندرد شکلده قوریلیشی ممکن.
