تخار درقد تومنی، تاجیکستان چیگره‌سیده آمو دریا آره‌سیده ییرلشگن جزیره بولیب و یشاوچیلری کیمه بیلن قتنه‌یدیلر.
درقد تومنی یشاوچیلری، موسومی سوو تاشقین‌لری دن نالیب سلام‌وطندار گه ایتیشلریچه، یاز موسومی ده سوو تاشقینی اوشبو تومن ده‌گی اورمان‌لرنی بوزیب و باشقه اونلب ایکینچیلیک ییر اوشبو دریا گه قوشیلیب کیتگن.
اولر گه کوره، آمو دریا نینگ سووی مینگلب متر افغانستان تامان سیلجیب کیلگن.
بیزلرنینگ فیسبوک صحیفه‌میزگه باش اورینگ!
تخار ولایتی درقد تومنی یشاوچیسی تاج‌محمد نینگ ایتیشیچه: «یاز موسومی ده سوو تاشقین‌لری باعث سوو دریا دن ۸ و ۱۰ متر کوتریله‌دی، ایکینچیلیک ییرلر، قبرستان‌لر و اورمان‌لر دریا گه قوشیلیب کیتماقده.»
درقد تومنی یشاوچیلریدن باشقه بیری حاجی‌جان گه کوره: «۱۰ یا که ۱۵ ییل آلدین درقد تومنی گه قره‌شلی منطقه‌لر حاضرگی تاجیکستان گه قالیب کیتگن.»
درقد تومنی اهالیسی، سوو تاشقین‌لری عاقبتیده نیچه قیشلاق بوزیلیشینی معلوم قیلیب ایتیشلریچه، حتا قبرستان‌لر دریا گه قوشیلیب کیتگن، حاضر دریا سووی پس توشگن حکومت دقت قیلمه‌گن حالده، کیله‌جک ده اورمان‌لر و ایکینچیلیک ییرلر شامل نیچه قیشلاق نی بوزیش احتمالی موجود دیر.
تخار درقد تومنی یشاوچیسی عبدالله نینگ کوپه‌یتیریشیچه: «بیز ایریم قیینچیلیک‌لر بیلن روپه‌ره‌میز، درقد تومنی اسلام‌آباد دن آلیب ارچهگذر گه قدر دریا ایکی تامان ده‌گی قبرستان‌لر نی آلیب کیتگن، سوو تاشقین‌لری پیتیده کسل‌لریمیزنی باشقه جای گه آلیب باره آلمه‌ی میز وفات ایته‌دیلر، ییلاولریمیز دریا گه قوشیلیب کیتماقده.»
عین‌حالده، درقد تومنی محلی مسئوللری موجود قیینچیلیک‌لرنی تصدیقلب ایتیشلریچه، سوو تاشقین‌لری طفیلی اورمان‌لر بوزیلگن بولسه ده، لیکن اولر دریا آره‌سی و اطرافی ده قالگن اورمان‌لر نینگ سقلشگه اولگورگنلر.
تخار ولایتی درقد تومنی اولسوالی شمس‌الدین همایون گه کوره: «کوپ بوزگن، دریا گه قوشیلیب کیته‌یاتگن ییرلر، ایکینچیلیک ییر ایمس، کوپراق درقدر تامانیدن اورمان‌لر دریا گه قوشیلیب کیتماقده.»
بیزلرنینگ «ایکس» ترماغی ده هم تعقیب قیلینگ!
درقد تومنی اورمان‌لرنی قوریقلش مدیری عین‌الدین مخلص نینگ ایتیشیچه: «اورمان‌لرنی دریا بوزیب اجره‌تگن و دریا اورته‌سی گه قالگن، هیچ کیم درخت‌لرنی کیسمسلیک و قوش‌لرنی آوله‌مسلیک اوچون کیمه بیلن باریب نظارت قیله‌میز»
شو بیلن بیرگه، سوو و برق وزیرلیگی تخار گه قیلگن سفری ده آمو دریا قیره‌لری مستحکم‌لنیشی دن ایشانچ بیریب، مذکور دریا قیره‌لری نینگ مستحکم‌لش ایشلری نهایی بولگن و سوو تاشقین‌لری باعث یشش اوی‌لر، ایکینچیلیک ییرلر و اورمان‌لر نی قوریقلش اوچون سعی‌وحرکت قیله‌یاتگنلرینی معلوم قیلگن.
سوو و برق وزیرلیگی سرپرستی عبداللطیف منصور نینگ ایتیشیچه: «دریا نینگ تهدیدی بولگن جایی‌لرنی مستحکم قیلماقده‌میز، حاضرگچه دولت بودجه‌سیدن آلتی میلیون افغانی صرفلنگن، یشاوچیلر سوو تهدیدلری دن امان بولیش اوچون تلاش قیله‌یپمیز.»
درقد، افغانستان شمال‌شرقی ده جایلشگن تومن‌لر دن بولیب و تاجیکستان چیگره‌سیده آمو دریا نینگ او تامانیده ییرلشگن یگانه تومن دیر، سیر سوولیگی باعث مذکور تومن نینگ کوپ سانده یشاوچیلری ایکینچیلیک و چاروه‌چیلیک ایشلر بیلن مصروف دیر.
