ینگی‌لیکده افغانستان اوچون ایران مخصوص وکیلی و ایلچیسی حسن کاظمی قمی، اسلام امیرلیگی افغانستان ده تیل، مذهبی و قومی تعصب‌لری گه قول اورماقده‌لیگینی ادعا قیلگن.
افغانستان اوچون ایران مخصوص وکیلی و ایلچیسی ایران ییتکرمه‌لریدن بیری بیلن اوتکزگن صحبتلریده اورغولشیچه، اسلام امیرلیگی نینگ بو یانده‌شووی افغانستان ده‌گی قیین‌چیلیکلرنی کوپه‌یتیره‌دی و تیزلیک بیلن اونگه چیک قوییلیشی کیره‌ک.
بیزلرنینگ فیسبوک صحیفه‌میزگه باش اورینگ!
شونینگدیک حسن کاظمی قمی اسلام امیرلیگی برابریده دنیا باسیم‌لری گه اشاره قیلیب و ایتیشیچه، بو حکومت نینگ اینیقسه عیاللر بولیمی‌ده‌گی حاضرگی یانده‌شووی، اونینگ دنیا بیلن تعامل قیلیشینی قیین‌چیلیک بیلن روپه‌ره قیلگن.
اسلام امیرلیگی تشقی ایشلر وزیرلیگی، افغانستان اوچون ایران مخصوص وکیلی و ایلچیسی نینگ بیاناتی گه قرشی عکس‌العمل بیلدیریب و ایتیشیچه، مذکور مملکت‌ده هیچ قنده‌ی تعصب یوق؛ ترورچیلیک تهدیدلر اورته‌دن کیتیب و شونینگدیک مملکت‌لر بیلن سرپرست حکومت علاقه‌لری اوتگن اوچ ییل‌ده یوتوقلر گه ایگه بولگن دیر.
بیزلرنینگ «ایکس» ترماغی ده هم تعقیب قیلینگ!
بوتوغریده تشقی ایشلر وزیرلیگی سوزلاوچیسی اورین‌باسری ضیااحمد تکل نینگ ایتیشیچه: «اسلام امیرلیگی برچه افغانستان‌لیکلرنی اوز یشاوچیلری کبی کوره‌دی و هیچ کیم گه قرشی تعصبی یوق؛ برچه افغانستان‌لیک‌لر حقوقی محفوظ دیر. اسلام امیرلیگی نینگ رسمی اورینی‌ده، تیل، مذهبی و قومی تعصب نینگ ارزشی یوق.»
شونینگدیک افغانستان اوچون ایران مخصوص وکیلی و ایلچیسی، اسلام امیرلیگی‌دن همه‌شمول حکومت شکل‌لنیشینی ایسته‌گن که بوندن آلدین هم بو ایسته‌ک، نیچه مرته دنیا اینیقسه منطقه مملکت‌لری آرقه‌لی بیان بولگن.
