کانلر و پترولیم وزیرلیگی مسئوللری نینگ ایتیشلریچه، افغانستان توپراغی‌ده تاپی پروژه‌سی نینگ قالگن حقوقی قیین‌چیلیگی حلی بیلن، اوشبو پروژه نینگ عملی ایشی قیته باشلنیشی ممکن.
مذکور وزیرلیک سوزلاوچیسی همایون افغان نینگ ایتیشیچه، افغانستان و تورکمنستان بو پروژه حقوقی ایشی نینگ مکمل شکلده حل قیلینیشی اوچون سعی‌وحرکت قیلماقده. جناب افغان نینگ کوپه‌یتیریشیچه: «بو پروژه افغانستان اوچون اونملی دیر و حاضرگچه افغانستان ده اوشبو پروژه نینگ حقوقی قیین‌چیلیگی اونملی بیر بولیمی حل بولگن و افغانستان و تورکمنستان قوشمه شکلده اوشبو پروژه نینگ باشقه بولیم‌لری حل قیلینیشی اوچون سعی‌وحرکت قیلماقده‌لر که تیزلیککه اونینگ عملی ایشلری باشلنیشی ممکن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلام امیرلیگی تشقی ایشلر وزیرلیگی اوتگن کون مذکور وزیرلیک سرپرستی امیرخان متقی، کابل ده تورکمنستان ایلچیسی خواجه عوضوف بیلن اوچره‌شگنی‌دن خبر بیریب و ایتیشیچه، ایکی تامان تاپی پروژه‌سی باشلنیشی برابریده‌گی قیین‌چیلیک‌لر حلی اوچون اوچره‌شگنلر.
مذکور وزیرلیک سوزلاوچسی اورین‌باسری ضیاءاحمد تکل نینگ ایتیشیچه: «تشقی ایشلر وزیری افغانستان توپراغی‌ده تاپی پروژه‌سی نینگ قالگن مسئله‌لری حلی اوچون افغانستان‌لیک تامان‌لر نی سعی‌وحرکتی خصوصیده امیدوارلیک قیلگن که بو پروژه نینگ عملی ایشی نی باشلسه. امیرخان متقی افغانستان نینگ تیگیشلی اداره‌لری اوشبو پروژه قانونی سندلری بیتیشی و ایش باشلنیشی زمینه‌سی یره‌تیلیشی اوچون سعی‌وحرکت قیلیشلری نی ایتگن.»
اقتصادی مسئله‌لر بیلرمانلریدن قطاری، افغانستان ده تاپی پروژه‌سی ایشی باشلنیشی نی اونملی دیب و ایتیشلریچه، تاپی پروژه‌سی نینگ عملی ایشی بو پروژه گه شامل مملکت‌لر نینگ ایسته‌کسیزلیگی سبب، قیته باشلنمه‌‌یدی.
اقتصادی مسئله‌لر بیلرمانلریدن و بیلیم یورت اوقیتووچیسی احمدفرید عارفی نینگ سلام‌وطندار گه ایتیشیچه: «تاپی پروژه‌سی افغانستان اوچون فایده‌لی بولگن پروژه‌لردن بیری دیر، لیکن نظام اوزگرگنی، خلق‌ارا جمعیتلری آرقه‌لی اسلام امیرلیگی نینگ رسمیت گه تانیلمسلیگی و امنیت‌دن فایده‌لنه‌دیگن مملکت‌لر اعتمادسیزلیگی و افغانستان ده بو پروژه مصونیتی، اونینگ عمل گه آشیریلیشی نی کیچیکتیرگن؛ فایده‌لنه‌دیگن مملکت‌لر بو پروژه‌دن یوقاری خره‌جت آلماقچینلر.»
بیزلرنینگ «ایکس» ترماغی ده هم تعقیب قیلینگ!
تاپی پروژه‌سی ۲۰۱۶-ییل تورکمنستان، افغانستان، پاکستان و هندوستان رهبرلری آرقه‌لی یولگه قوییلگن؛ بیراق منطقه‌یی توسیق‌لیکلر و مملکت‌ده سیاسی توزوم اوزگریشی سبب، حاضرگچه بو پروژه عمل گه آشیریلمه‌گن.
ایتیش کیره‌ک که، تاپی تورکمنستان گازی نی افغانستان گاز پیپی‌‌دن پاکستان و هندوستان گه انتقال بیره‌دی.
