قریب ایکی ییل‌دن بیری تعلیم‌دن محروم قالگن قیزلر نینگ ایتیشلریچه، امید‌سیزلیک و روحی قیین‌چیلیک‌لردن قوتولیش و عایله نیازلریدن بیر بولیمی نی تامین‌لش اوچون، شهرده ایشلش گه مجبور بولگنلر.
کابل شهری نینگ دشت‌برچی منطقه‌سیده سبزه‌وات ساته‌دیگن ۱۲ یاشر هدیه نینگ ایتیشیچه، ۱۴۰۱-ییل‌ده ۷-صنف گه اوتیشی کوتیله‌ر ایکن، بیراق قیزلر تعلیمی نینگ منع بولگنی و اقتصادی قیین‌‌چیلیک سبب، درس اورنیده سرک‌لرده ایشلش گه مجبور بولگن. اونینگ کوپه‌یتیریشیچه: «ایرتنگ‌دن آخشم‌گچه، ایشله‌یمن. بیر ییل‌دن بیری سبزه‌وات ساتیش گه یوز کیلتیرگن‌مین. کوپینچه آرزولریم بار ایدی؛ قلم یولی آرقه‌لی آته و آنه‌م گه نان تاپیش نی ایسته‌ر ایدیم. درس‌لریم‌دن کوپینچه‌سی نی اونوتتیم. حاضر ایسه درس اوقه آلمه‌یشیم اوچون کوپ افسوس قیله‌من و ایرتنگ‌دن آخشم‌گچه سبزه‌وات ساته‌من.»
بیزلرنینگ فیسبوک صحیفه‌میزگه باش اورینگ!
هدیه نینگ آنه‌سی گه کوره، حاضر ایکی قیزی مکتب گه باریش‌دن محروم بولگن که، اونینگ قورقیته‌دیگن نرسه قیزلری اونینگ تقدیریگه اوخشب، سوادسیز قالیشی دیر.
ایکی ییل آلدین ۷-صنف گه اوتیشی کوتیلگن قیزلردن سعیده نینگ ایتیشیچه، اوی‌ده قالیب روحی قیین‌چیلیک‌که چلینمه‌یشی اوچون، ییگولیک نرسه‌لر ساتیله‌دیگن بیر دکان ایجاد قیلیب، روزی نی بو رقم اوتکزه‌دی.
سعیده نینگ کوپه‌یتیریشیچه، اوقووچی ییگیت‌لر نینگ کوریش بیلن، کوپ قیغوره‌دی؛ چونکه بوندن بویان درس اوقه آلمه‌ی و کیچه و کوندوز ایشلش گه مجبور دیر. «مکتب‌لر یاپیلدی، افسرده بولگن‌‌مین. آته‌م بو دکان نی توزه‌تدی. اهالی گپ‌له‌یدی، بو ایش قیزلر گه ایمس دیه‌دیلر.» سعیده قیغو بیلن ایتیشیچه، درس‌لریدن اوزاق بولگنی، سونگی کون‌لر خط‌لر نینگ اوقه آلمه‌یشی گه سبب بولگن. او اسلام امیر‌لیگی‌دن او و باشقه قیزلر گه قیته درس اوقیش فرصتی نینگ بیریلیشی نی ایسته‌گن.
بیزلرنینگ توییترده هم تعقیب قیلینگ!
شونینگدیک مکتب‌دن محروم قالگن قیزلردن باشقه بیری ثنا نینگ ایتیشیچه، قرانغو و نابیللی بیر کیله‌جک بیلن روپه‌ره بولگنی اوچون، تیکووچیلیک بیر ایشخانه‌ده ایشله‌یدی. «مکتب گه باریب، درس اوقه آلمه‌یش اوچون کوپ قیغوره‌من. ایکی ییل‌دن بیری کوزیمیز مکتب‌لر ایشیگی آچیلیشی نی کوتیب تورگن. ایرتنگ‌دن آخشم‌گچه ایشله‌یمن. افسوس قیله‌من؛ چونکه درس اوقیش وقتیم دیر. چیزگن مقصد و آرزولریم نابود بولدی.»
ایتیش کیره‌ک که، آلتینچی صنف‌دن یوقاری قیزلر یوزیگه مکتب‌لر ایشیگی نینگ یاپیلگنیدن قریب ایکی ییل اوتگن. گرچند اوشبو مدت‌ده، قیز اوقووچیلر و عیال یشاوچیلردن قطاری، کوپینچه ناراض‌لیک نمایشلر یولگه قوییش بیلن اسلام امیر‌لیگی تامانیدن تعلیم زمینه‌سی یره‌تیلیشی نی ایسته‌گنلر؛ بیراق حاضرگچه قیزلر یوزیگه مکتب‌لر ایشیگی نینگ قچان آچیلیشی بیللی ایمس.
