تخار ده اوز باشیمچه‌لیک دارو استعمال قیلیش، اوشبو ولایت یشاوچیلری اورته‌سیده ساغلیق جدی تشویش‌لرگه ایلنگن. مذکور ولایت اوزاق بولیم‌لر یشاوچیلریدن قطاری‌نینگ ایتیشلریچه، شفاکار کم‌لیگی و قولی بیر شکلده دارو ساتیب آلیش سبب، اوز باشیمچه‌لیک دارو استعمال قیلیش‌گه یوز کیلتیرگنلر.
تخار یشاوچیلریدن قطاری‌نینگ ایتیشلریچه، اوزاق بولیم‌لرده ییترلی ساغلیق مرکزلر یوقلیگی اوچون بویوکلر مصلحتی بیلن نسخه‌سیز شکلده داروخانهلردن دارو ساتیب آله‌دیلر.
اولردن قطاری‌نینگ کوپه‌یتیریشیچه، اوز باشیمچه‌لیک دارو استعمال قیلیش‌دن کیین ساغلیق قیین‌چیلیک‌لر و باشقه کسل‌لیک‌لر گه چلینگنلر. تخار ولایتی رستاق تومنی یشاوچیسی جلال‌الدین‌نینگ ایتیشیچه: «کوپینچه پیت بویوکلر آرقه‌لی تورلی‌خیل دارولر استعمال قیلینیشی ایتیلگن که داروخانه گه باریب نسخه‌سیز شکلده دارو ساتیب آلیشیمیز‌گه سبب بولگن. بو ایشلرنینگ ضررلری هم بار.»
شونینگدیک تالقان شهری یشاوچیسی عبدالکریم‌نینگ ایتیشیچه، اوز باشیمچه‌لیک دارو استعمال قیلیش طفیلی معده کسل‌لیگی‌گه چلینگن. «اوز باشیمچه‌لیک دارو استعامل قیله‌ر ایدیم که کیین ایچ‌پایلوری‌گه چلیندیم.»
بیزلرنینگ فیسبوک صحیفه‌میزگه باش اورینگ!
تخار ولایتی یشاوچیلریدن باشقه بیر قطاری، یشاوچیلر آره‌سیده اقتصادی قیین‌چیلیک‌لرنی اوز باشیمچه‌لیک دارو استعمال قیلیش سببلری‌دن بیری دیب و ایتیشلریچه، شفاکار گه باریش کوپینچه خره‌جت کوتاره‌دی و انه شوو سبب داروخانهلردن نسخه‌سیز شکلده دارو ساتیب آلیش گه مجبورلر.
اوشبو ولایت یشاوچیلریدن محمد قیوم‌نینگ ایتیشیچه: «بعضا کسل بولگنیم‌ده شفاکارگه مراجعت قیلیش کیره‌ک، بیراق خره‌جتی کوپه‌یشی اوچون داروخانه‌لر گه باریب و دارو آله‌من که مصرفی آز بوله‌دی.»
تخار ده داروخانهلردن قطاری‌نینگ ایگه‌لری، داروخانهلرده مسلکی کیشی‌لر کم‌لیگی‌نی بو وضعیت عامللری‌دن دیب و ایتیشلریچه، داروخانهلردن قطای‌ده مسلکی کیشی‌لر یوقلیگی، اهالی‌نینگ قولی بیر شکلده دارو ساتیب آلیشی‌گه سبب بولگن.
مذکور ولایت‌ده‌گی داروخانهلردن بیری‌نینگ ایگه‌‌سی لطف‌الله گه کوره: «تخار ولایتی داروخانه‌لریدن کوپ قطاری‌ده مسلکی کیشی‌لر بار، بیراق بیر قطار داروخانهلرده غیرمسلکی کیشی‌لر دارو ساته‌دی که انه شوو رقم وضعیت‌گه سبب بوله‌دی.»
شونده‌ی بیرحالده، بو ولایت‌ده‌گی داروسازلر یشاوچیلر‌دن کسل بولگنلری چاغیده شفاکار گه مراجعت قیلیب، نسخه آلیش بیلن دارو آلیشلری‌نی ایسته‌گنلر.
اولر اوز باشیمچه‌لیک دارو استعمال قیلیش‌نی کسل‌لر آره‌سیده باشقه بیر قطار کسل‌لیک‌لر اورته گه کیلیشی سببلری‌دن بیری دیب و ایتیشلریچه، بو وضعیت‌نینگ دوام قیلگنی، کسل اوچون یامان عاقبت گه ایگه بولیشی ممکن.
بو توغریده داروسازلردن سید‌آصف حبیبی‌نینگ ایتیشیچه: «اوز باشیمچه‌لیک دارو استعمال قیلیش‌نینگ ضررلری هم بار. بوتون مملکت اهالی‌سیدن اوز باشیمچه‌لیک دارو استعمال قیلمسلیکلرینی ایسته‌یمین. اولر متخصص شفاکار و داروسازلردن مصلحت آلیشلری کیره‌ک.»
بیزلرنینگ «ایکس» ترماغی ده هم تعقیب قیلینگ!
لیکن تخار ساغلیق‌نی سقلش ریاستی مسئوللری، اوشبو ریاست ایشلاوچیلری آرقه‌لی دایم مذکور ولایت مرکزی و تومن‌لری‌ده‌گی داروخانه‌لر و دارولر‌نینگ عمده شکلده ساتیله‌دیگن جای‌لرنینگ تیکشیریلیشی‌نی بیان قیلگنلر.
اولر‌نینگ کوپه‌یتیریشلریچه، داروخانهلرده حضوری بولگن غیرمسلکی کیشی‌لر بیلن جدی شکلده یانده‌شیله‌دی و انه شوو سبب، داروخانهلردن قطارینی هم مهرلاک قیلگنلر.
تخار ساغلیق‌نی سقلش ریاستی‌نینگ نظارت و تیکشیریش عمومی آمری غلام‌سرور رحمانی‌گه کوره: «اوتگن ایکی آی‌ده، ساغلیق مرکزلر، داروخانه‌لر و دارولر‌نینگ عمده شکلده ساتیله‌دیگن جای‌لر تیکشیریلگن که ۵۰دن آرتیق داروخانه و ساغلیق مرکز تخلف باعث یاپیلگن.»
ساغلیق‌نی سقلش وزیرلیگی مسئوللری، اوز باشیمچه‌لیک، بی‌جا و حددن تشقری دارو استعمال قیلینیش‌‌نینگ، کسل‌لر وجودیده میکروبلر کوچلنیشی و دارولر تاثیر‌سیزلیگی کوپه‌یشی ممکن دیگن ایدیلر.
