Tag: کاج

جمعه کون – ۸ میزان، کابل غربی قسمیده جایلشگن کاج تعلیمی مرکزی گه خودکش هجوم اویوشتیریلیشی عاقبتیده اونلب قیز اوقووچی اولیب و یره‌لنیشیدن کیین، اوشبو دادخواهی‌لیک دنیا مملکت‌لری ده ینگره ماقده‌دیر.

افغانستان ده بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده (یوناما)، بیراز آلدین تویتر صحیفه‌سیده یازگن که، کابل نینگ غرب تامانیده‌ جایلشگن کاج تعلیمی مرکزی گه اویوشتیریلگن هجوم‌ده، ۵۳ کیشی هلاک و ۱۱۰ کیشی ایسه یره‌لنگن.

بلخ ده اونلب عیال اینیقسه بلخ بیلیم یورت اوقووچیلری، بوگون (دوشنبه، ۱۱-میزان) کابل غربیده کاج تعلیمی مرکزی گه اویوشتیریلگن هجوم گه قرشی عکس‌العمل کورستیب، اعتراض قیلگنلر.

هرات بیلیم یورتی‌ده قیز طلبه‌لردن قطاری، کاج تعلیمی مرکزی گه اویوشتیریلگن هجوم گه قرشی عکس‌العمل کورستیب اعتراض بیلدیرگنلر. مذکور طلبه‌لر، بوگون (یک‌شنبه، ۱۰-میزان) هرات بیلیم یورتی برابریده، «تعلیم حقی‌میز دیر»، «نسل‌ کش‌لیککه چیک قویینگ» و «جیم‌توریش خیانت‌ دیر» شعار‌لری نی ایتیب، تعلیمی مرکزلر گه هجوم توخته‌تیلیشی نی ایسته‌گنلر.

کابل ایمرجنسی کسل‌خانه‌سی اعلام قیلگن که، بوگون کابل غربی‌ نینگ دشت برچی ساحه‌سیده جایلشگن «کاج» تعلیمی مرکزی گه اویوشتیریلگن هجوم‌دن اوشبو کسل‌خانه گه ۲۲ یره‌دار انتقال بیریلگن. مذکور کسل‌خانه گه کوره، یره‌دارلر آره‌سیده ۲۰ عیال شامل دیر. 

کابل امنیه قوماندانلیگی سوزلاوچیسی خالد زدران، تویتر صحیفه‌سیده یازگن که، بیرینچی معلومات اساسیده بوگون ایرتنگ چاغی «کاج» تعلیمی مرکزی گه اویوشتیریلگن اوشبو پارتلش‌ده کمیده ۱۹ کیشی هلاک و ۲۷ کیشی ایسه یره‌لنگن.