پاکستان دن افغانستان‌لیک قاچقین‌لر نینگ جبر دن چیقریش جریانی گه دایر اسلام امیرلیگی و پاکستان حکومتی آره‌سیده کیسیکین‌لیک‌لر اوج آلماقده ایکن، ینگی‌لیکده پاکستان حکومتی افغانستان سوداگرلری نینگ توارلری یوکلنگن موترلر گه چیکلاو یره‌تگن.
افغانستان توپراغیدن تروروچیلیک تهدید‌لر بارلیگی خصوصیده مملکتلر خواطرلری دوامی‌ده، سرپرست حکومت سوزلاوچیسی منطقه و دنیا مملکت‌لری گه ینه بیر مرته، افغانستان توپراغیدن باشقه مملکتلر گه قرشی قوللنیلیشی خصوصیده رخصت بیریلمه‌سلیگی‌دن ایشانچ بیرگن.
بیرلشگن ملت‌لر تشکیلاتی بشرحقلری عالی کمیساری، پاکستان پولیسی افغانستان‌لیک قاچقین‌لر نینگ بیزاوته قیلیشیدن خواطر بیلدیرماقده ایکن، سونگی کون‌لرده تورخم و اسپین‌بولدک بندرلری دن مملکت گه قیتگن قطار قاچقین‌لر نینگ ایتیشلریچه، پاکستان پولیسی اوشبو مملکت دن قاچقین‌لر نینگ جبر دن چیقریش پیتیده، اولر گه ظلم قیلیب و برچه نرسه‌لرینی تارتیب آلگن.
سوداگرلیک و صناعت وزیرلیگی مسئوللری نینگ ایتیشلریچه، اوتگن کون اسلام‌آباد ده افغانستان، پاکستان و اوزبیکستان آره‌سیده اوچ تامان‌لمه سوداگرلیک ییغین یولگه قوییلگن. اوشبو وزیرلیک سوزلاوچیسی آخوندزاده عبدالسلام جواد نینگ سلام‌وطندار گه ایتیشیچه، مذکور ییغین‌ده افغان-ترانس تیمیر یولی پروژه‌سی، صادرات و واردات یول‌لری کوچلنیشی، آستقورمه‌لر کوچه‌یشی، سوداگرلیک خصوصیده‌گی توسیق‌لیکلر کمه‌یشی و مملکتلر آره‌سیده سوداگرلیک کوچلنیشی حقیده بحث و صحبت قیلگنلر. اونینگ کوپه‌یتیریشیچه، شونینگدیک مذکور ییغین‌ده اوچ تامان سوداگرلیک و ترانزیتی همکارلیک بیتیمی نی امضا قیلگنلر.
قاچقین‌لر وزیرلیگی مسئوللری نینگ ایتیشلریچه، حاضرگچه ۳۵۱ مینگ‌دن آرتیق افغانستان‌لیک قاچقین ایران، پاکستان و تورکیه مملکت‌لریدن چیقریلگن که، بو آره ۲۳۹ مینگ ۶۱۴ کیشی پاکستان‌دن چیقریلگن دیر.
پاکستان دن مملکت گه قیتگن قاچقین عایله‌لر دن بیرقطاری سلام‌وطندار بیلن اوتکزگن صحبت‌لری ده ایتیشلریچه، اولکه گه قیتیش پیتیده پاکستان پولیسی نینگ یامان یانده‌شووی و اوشبو مملکت دن جبر دن چیقریلیش‌لری باعث، باله‌لری نینگ میه‌سی گه سلبی تاثیر قیلگن.
رادیو پاکستان، اوشبو مملکت نینگ دولتی میدیاسی بوگون (دوشنبه، ۲۲-عقرب)، حاضرگچه پاکستان دن ۲۲۰ مینگ ۳۹۸ افغانستان‌لیک یشاوچیسی نینگ افغانستان گه قیتگنی نی اعلام قیلگن دیر.
پاکستان دن افغانستان‌لیک ناقانونی قاچقین‌لر نینگ قولگه آلیش و جبر دن چیقریش جریانی گه دایر مناسبت‌لر دوام ایتر ایکن، خلق‌ارا کیچیریم تشکیلاتی ینگی‌لیکده ترقه‌تگن بیانیه‌سیده، پاکستان افغانستان‌لیک قاچقین‌لر نینگ چیقریش دن سیاسی فایده‌لنه‌دی تیزلیک بیلن توخته‌تیشینی سوره‌گن.
پاکستان ییتکیرمه‌لری نینگ معلوماتی گه بناً، اوشبو مملکت تشقی ایشلر وزیرلیگی سوزلاوچیسی ممتاز زهرابلوچ جمعه کونی، ۱۹-عقرب، مطبوعاتی ییغیلیش ده، پاکستان سونگی کون‌لرده‌گی قیینچیلیکلر گه قره‌مسدن افغانستان بیلن مناسبتینی سقله‌گنینی معلوم قیلگن.
بیر نومبر آیی دن کیین پاکستان دولتی تامانیدن اوشبو مملکت دن عایله‌لری بیلن جبر دن چیقریلگن باله‌لردن بیرقطاری نینگ ایتیشلریچه، دایمی یشش اوی‌لری یوق‌‌لیگی و کیله‌جک‌لری نامعلوم‌لیگی دن خواطر ده‌لر.
بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا)، سه‌شنبه کونی، ۱۶-عقرب، ترقه‌تگن بیانیه‌سیده، سونگی کون‌لرده پاکستان دن جبردن چیقریلگن افغانستان‌لیک قاچقین‌لر نینگ ۶۰ فایزینی باله‌لر تشکیل بیریشینی ایتگن.
پاکستان دن افغانستان‌لیک قاچقین‌لر نینگ جبر دن چیقریش جریانی دوام ایتماقده ایکن، اوشبو مملکت دن جبر دن چیقریلگن عایله‌لر نینگ باله‌لری روحی قیینچیلیک بیلن روپه‌ره بولگنلر.
بوگون (پنج‌شنبه، ۱۱-عقرب ۲ نومبر) گه تینگ، پاکستان حکومتی اوشبو مملکت ده قانونی حجت‌سیز افغانستان‌لیک قاچقین‌لر نینگ جبر دن چیقریش جریانینی باشله‌گن، معلومات‌لر گه بناً، پاکستان پولیسی بو مملکت نینگ تورلی شهرلری ده افغانستان‌لیک قاچقین‌لر نینگ اوی‌لری گه باستیریب کیریب و اولر نی قولگه آلماقده.
قندهار ده باغ‌دارلردن قطاری نینگ ایتیشلریچه، اوشبو ولایت‌ده انار محصول‌لری بیر تامان‌دن اوسیم‌لیک آفت‌لری سبب زیان کوریب و باشقه بیر تامان‌دن انار صادراتی جریانی‌ده کوپینچه قیینچیلیکلر بیلن روپهرهلر. اولر نینگ کوپه‌یتیریشلریچه، شونینگدیک پاکستان تامانی سپین‌بولدک چیگره‌سیده، اولر گه قیینچیلیک یره‌ته‌دی.
اسلام امیرلیگی سوزلاوچیسی ذبیح‌الله مجاهد، سه‌شنبه کونی، ۹-عقرب، اوز صحیفهسیده «پاکستان و باشقه اولکه‌لر ده افغانستان‌لیک قاچقین‌لر گه عاید اسلام امیرلیگی نینگ بیانیه‌سی» نی ترقه‌تیب، قوشنی مملکتلر دن «اسلامی اخوت قاعده‌لری» اساسی ده افغانستان‌لیک قاچقین‌لر بیلن یخشی یانده‌شیش‌لرینی سوره‌گن.
ارگ، سه‌شنبه کونی، ۹-عقرب، اوز ایکس صحیفهسیده، اسلام امیرلیگی باش وزیری نینگ اداری اورین باسری، پاکستان دن جبر دن چیقریلگن قاچقین‌لر نینگ قیینچیلیگینی یقین‌دن کوریش اوچون تورخم گه سفر قیلگنینی یازگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
