اسلامی امارت باش وزیری بیرینچی اورین باسری نینگ مطبوعاتی دفتری بیر خبرنامه ترقه‌تیب سلام‌وطندار گه ایتیشیچه، چین تشقی ایشلر وزیری وانگ یی بوگون کابل کیلیب و ملا عبدالغنی برادر بیلن اوچره‌شگن.
خبرنامه اساسیده، ملاعبدالغنی برادر اوشبو اوچرهشووده چین تشقی ایشلر وزیری، افغانستان گه عاید چین نینگ بوتون خواطرلری برطرف بولیشی خصوصیده ایشانچ بیرگن.
بیزلرنینگ فیسبوک صحیفه‌میزگه باش اورینگ!
شونینگدیک چین تشقی ایشلر وزیری مذکور اوچرهشووده ایتیشیچه، مملکتی افغانستان بیلن سوداگرلیک رابطه‌لرنی کینگه‌یتیریش اوچون تیار دیر.
خبرنامه‌ده چین تشقی ایشلر وزیری قولیدن نقل قیلینگن که: «چین کان‌لرنی قازیب چیقاریش، اقتصادی مرکزلر ایجاد ایتیلیشی و برق ساحه‌لریده سرمایه یاتقیزیش گه تیار دیر.» چین تشقی ایشلری وزیری نینگ ایتیشیچه، شونینگدیک مملکتی تیزلیککه مس عینک کانینی ایلشب چیقاریش ایشی نی باشله‌یدی.
شونده‌ی بیرحالده، اسلامی امارت تشقی ایشلر وزیرلیگی سوزلاوچیسی عبدالقهار بلخی نینگ ایتیشیچه، چین تشقی ایشلر وزیری کابل گه قیلگن سفریده افغانستان تشقی ایشلر وزیری امیرخان متقی بیلن اوچره‌شیب و ایکی تامان سیاسی، اقتصادی و ترانزیتی مسله‌لر اوستیگه بحث قیلگنلر.
امیرخان متقی اوشبو اوچرهشووده ایتیشیچه، چین شامل خلق‌ارا سرمایه یاتقیزووچیلر افغانستان‌ده سرمایه یاقیزیب و اوز منفعت‌لری گه علاوه افغان‌لر بیلن اقتصادی ثبات بولیمیده همکارلیک قیله‌آله‌دیلر و اسلامی امارت اولردن برچه تامانلمه حمایت قیلیشی ممکن.
او توییتر صحیفه‌سیده یازیشیچه: «افغانستان ثباتی منطقه و دنیا فایده‌سی گه دیر که اقتصادی و سیاسی بولیم‌نی کوچلنتیریش بیلن اوشبو ثبات کوچلنه‌دی.»
باشقه بیر تاماندن پترولیم و کان‌لر وزیرلیگی سوزلاوچیسی عصمت‌الله برهان نینگ سلام‌وطندار گه ایتیشیچه، چین تشقی ایشلر وزیری کابل گه قیلگن سفریدن کیین، شونینگدیک تیزلیککه اسلامی امارت‌دن بیر هیأت چین گه سفر قیلیشی کوتیله‌دی.
مفتی عصمت‌الله برهان نینگ ایتیشیچه: «شهاب‌الدین دلاور ییتکچیلیگیده اسلامی امارت هیأتی، کیله‌سی هفته یا ایرته چین سفر قیلیشی ممکن. انشاءالله اوییرده چین رسمی‌لری بیلن اوچره‌شیب ایریم مسئله‌لر باره‌سیده بحث ایته‌دیلر. بولر گه علاوه، اوشبو اوچره‌شوو تیوره‌گیده، ام‌سی‌سی رهبرلری بیلن اوچره ملاقات قیلیب و اولر نینگ هیأت‌لری هم کیلیشی ممکن.»
اسلامی امارت قدرت‌نی قولگه آلیشیدن کیین، چین تشقی ایشلر وزیری نینگ افغانستان گه بیرینچی سفری دیر.
چین تشقی ایشلر وزیری وانگ یی کابل گه سفر قیلیشی بیلن، روسیه نینگ افغانستان اوچون مخصوص نماینده‌سی ضمیر کابلوف، بیر هیأت ییتکچیلیگیده کابل ییتیب کیلدی. کابلوف بوگون اسلامی امارت تشقی ایشلر وزیرلیگی نینگ سرپرستی امیرخان متقی بیلن اوچره‌شگن.
اسلامی امارت تشقی ایشلر وزیرلیگی بیر خبرنامه ترقه‌تیب ایتیشیچه، اوشبو اوچرهشووده ایکی تامان، سیاسی، اقتصادی و ترانزیت مناسبت‌لرینی مستحکملش مسئله‌لرینی بحث گه آلگنلر. خبرنامه اساسیده، کابلوف اسلامی امارت سیاستینی برابر، منطقه و دنیا اونیمی گه دیب و «کابل‌ده حاکم دولت نینگ یوتوق‌لریدن خورسندلیک بیلدیرگن.»
بیزلرنینگ توییترده هم تعقیب قیلینگ!
متقی روسیه‌لیک هیأت نینگ کابل گه قیلگن سفرینی خوش قرشی‌لب ایتیشیچه، «یخشی صلاحیت» گه ایگه روسیه افغانستان بیلن ترقیاتی پروژه‌لر اوستیگه ایشله‌شی ممکن. تشقی ایشلر وزیرلیگی نینگ سرپرستی گه کوره، اسلامی امارت منطقه مناسبتلری و امنیتی باره‌سیده دقتلی دیر. اونینگ کوپه‌یتیریشیچه، اسلامی امارت حکومتی، افغانستان؛ آسیا مملکت‌لری نینگ ترانزیت و تجارت مرکزی بولیشنی ایسته‌یدی.
امیرخان متقی روسیه‌لیک هیأت گه ایتیشیچه، اوتگن ۲۰ ییل‌ده بنگوار ماده‌لری ایکیلیشی و قاچاق ایتیلیشی کوزگه کورینرلی درجه‌ده کوچه‌یگن که اسلامی امارت معتادلرنی درمانلش و بنگوار ماده‌لری اورنیده باشقه اونیملی نرسه اورنه‌تیش اوچون خلق‌ارا همکارلیکلرگه محتاج دیر.
