بیرلشگن ملتلر تشکیلاتی نینگ افغانستان ایشلری بوییچه کاردیناتوری فریدون سینیرلی اوغلو، اوتگن هفته پنجشنبه کوندن بویان افغانستان ده دیر، او اوشبو سفری دایرهسیده اسلام امیرلیگی نینگ قطار رسمیلری بیلن اوچرهشگن.
اسلام امیرلیگی تامانیدن ترقهلگن بیانیه اساسیده، فریدون سینیرلی اوغلو، جمعه کونی، ۲ سرطان، اسلام امیرلیگی باش وزیرلیگی نینگ سرپرستی مولو عبدالکبیر بیلن اوچرهشووی ده، اسلام امیرلیگی و بیرلشگن ملتلر تشکیلاتی اورتهسیدهگی مناسبتلرنی قندهی یخشیلش بوییچه ایش باشلهگنیدن خبر بیرگن.
اسلام امیرلیگی بیر بیانیه ترقهتیب، اوشبو اوچرهشووده جناب سینیرلی اوغلو، افغانستان وضعیتی بارهسیده مستقل روشده گزارش تیارلشیدن ایشانچ بیرگنینی ادعا قیلگن.
بیزلرنینگ فیسبوک صحیفهمیزگه باش اورینگ!
بوندن آلدین، بیرلشگن ملتلر تشکیلاتی نینگ ایکی اورین باسری افغانستان گه قیلگن علیحده سفرلری ده، سرپرست حکومت رسمیلری بیلن اوچرهشیب و تورلی موضوعلرنی بحث آلگنلر؛ بیراق بیرلشگن ملتلر تشکیلاتی یوقاری مرتبهلی رسمیلری نینگ سفرلریدن نیچه کون اوتگن بولسه ده، لیکن اسلام امیرلیگی و بیرلشگن ملتلر تشکیلاتی نینگ مناسبتلری هیچ اوزگرمهگن.
بیراق اسلام امیرلیگی، اوشبو سفرلر و اوچرهشوولردن خورسندلیک قیلهدی.
سلاموطندار بیلن صحبت اوتکزگن اسلام امیرلیگی سوزلاوچیسی نینگ اورین باسرلریدن بلال کریمی، حاضرگی حکومت اوز سیاستلرینی اوزگرمسلیگی اوستیده تأکید ایتسه ده؛ لیکن حاضرگی وضعیت دن چیقیش اوچون بو کبی اوچرهشوولر و سفرلرنی اونملی عنوان قیلهدی.
اونگه کوره: «خواطر گه سبب بولگن مسئلهلر بو کبی اوچرهشوولرده بحث گه آلینهدی و یخشی نتیجه بیریش گه امیدوار میز.»
عینحالده، بیرلشگن ملتلر تشکیلاتی خوفسیزلیک کینگشی اوتگن هفته افغانستان وضعیتی گه دایر ییغیلیشی ده، قتیق روشده اسلام امیرلیگی نینگ سیاستی اینیقسه انسان حقلری رعایت ایتیلمسلیگیدن تنقید ایتگن.
برچهسی بیلن، ایش بیلرمانلر افغانستان ده حاضرگی وضعیت دن قوتیلیش اوچون، اسلام امیرلیگی و دنیا همجمعیت نینگ تعامل قیلیشی اوستیده تأکید ایتهدیلر.
بیزلرنینگ توییترده هم تعقیب قیلینگ!
سیاسی ایش بیلرمان محمدباقر محسنی گه کوره: «افغانستان نینگ اقتصادی و سیاسی قیینچیلیگی باعث، بیرلشگن ملتلر تشکیلاتی اعضاسی بولیشی ضرور دیر، شونی اوچون فریدون سینیرلی اوغلو نینگ ملاقاتی و سفرینی مثبت بهالهی من.»
سیاسی ایش بیلرمانلردن باشقه بیری میرویس آشفته نینگ ایتیشیچه: «اوشبو ملاقاتلر ایریم موردلرده حاضرگی حکومت اوچون مثبت بولیشی ممکن، بیراق بو کبی ملاقاتلر اسلام امیرلیگی تن آلینیشی گه سبب بولسه؛ ممکنسیز دیر.»
ایتیش کیرهک که، دنیا همجمعیت قریب اوتگن ایکی ییل ده اسلام امیرلیگی بیلن مناسبتینی بیر آز حفظ قیلگن بولسه ده؛ بیراق دنیا همجمعیت اسلام امیرلیگینی تن آلیش اوچون حاضرگچه هیچ علاقه کورستمهگن.