بیرلشگن ملتلر تشکیلاتی نینگ ییگولیک ماده‌لر و خلق‌ارا آزیق_آوقت دستوری افغانستان ده آزیق_آوقت خوفسیزلیگی و انسان پرورلیک یاردملر دن ۱۰ میلیون محتاج کیشی محروم بولیشی دن خواطر بیلدیرگن بیر حالده، بوگون (چهارشنبه، ۱۰-عقرب)، اروپا اتفاقی و باشقه سکیز مملکت نماینده‌لری، قوشمه بیر بیانیه ترقه‌تیب، افغانستان گه انسان پرورلیک یاردم‌لری گه دوام بیریش‌لری دن ایشانچ بیرگنلر.
اروپا اتفاقی همده فرانسه، جرمنی، ایتالیا، جاپان ناروی، بریتانیا، کانادا و امریکا قوشمه ایالت‌لری تامانیدن قوشمه روشده ترقه‌لگن بیانیه اساسیده، اروپا اتفاقی و مذکور مملکت‌لر افغانستان ده‌گی محتاج کیشی‌لرنی قوللب-قوتلش اوچون انسان پرورلیک یاردم‌لری گه دوام بیره‌دیلر.
امریکا تشقی ایشلر وزیرلیگی تامانیدن ترقه‌لگن قوشمه بیانیه ده کیلیشیچه: «افغانستان خلقی نینگ انسانی و اقتصادی وضعیت‌‌لری گه قره‌گنده، افغانستان‌لیک ۲۹ میلیون کیشی تیز یاردم گه محتاج دیر. افغانستان گه انسان پرورلیک یاردملر گه دوام بیریلیشی اوستیگه تاکید ایتیله‌دی. چونکه انسان پرورلیک یاردملر کمه‌یماقده ایکن محتاج‌لر سانی آشگن.»
شونینگدیک، اروپا اتفاقی و باشقه سکیز مملکت نماینده‌لری، هرات ده زلزله طفیلی زیان کورگن‌لر قوللب_قوتلنیشی اوستیگه تاکید ایتگنلر.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی نینگ ییگولیک ماده‌لر و خلق‌ارا آزیق_آوقت دستوری سهشنبه کونی، ۸-عقرب، قوشمه بیر گزارش ترقه‌تیب دنیا ده آزیق_آوقت خوفسیزلیگی دن آگاه‌لنتیرگنلر، اوشبو نهادلر گه کوره، افغانستان آزیق-آوقت خوفسیزلیگی بیلن روپه‌ره بولگن ۱۸ مملکت آره‌سیده خواطرلی اولکه دییلگن.
اوشبو گزارش نینگ بیر بولیمی ده کیلیشیچه، یاردم بیریش اوچون بودجه کمه‌یشی بیلن افغانستان ده ۱۰ میلیون محتاج کیشی یاردملر دن محروم بوله‌دی: «افغانستان آزیق-آوقت خوفسیزلیگی بیلن روپه‌ره بولگن ۱۸ مملکت آره‌سیده خواطرلی اولکه تانیلگن، اوشبو مملکت نینگ کوپ سانده یشاوچیلری حاد آزیق-آوقت خوفسیزلیگی بیلن روپه‌ره دیر یا که روپه‌ره بولیش‌لری ممکن؛ بودجه کمه‌یشی بیلن افغانستان ده ۱۰ میلیون محتاج کیشی یاردملر دن محروم بوله‌دی.»
بیرلشگن ملتلر تشکیلاتی نینگ ییگولیک ماده‌لر و خلق‌ارا آزیق_آوقت دستوری، دنیا اولکه‌لری دن افغانستان شامل ۱۸ مملکت ده‌گی محتاج‌لر گه انسان پرورلیک یاردم‌لری گه دوام بیریش‌لرینی سوره‌گنلر.
کابل ده محتاج کیشی‌لردن بیرقطاری تیریکچیلیک احوال‌لری دن نالیب ایتیشلریچه، ییرده‌ی آوقت‌لری یوق، قوروق نان و سوو بیلن تیریکچیلیک قیلیشماقده.
احمدبلال نینگ ایتیشیچه: «ایش یوق اوتگن کون ۱۱۰ افغانی ایشله‌گندیم بو پول بیلن اوی گه قوروق نان آلیب باره‌میز، حاضرگچه یاردم آلگن یوق میز، بیر کون نان و باشقه بیر کون پیاوه بیلن تیریکچیلیک قیلماقده‌میز.»
بیزلرنینگ «ایکس» ترماغی ده هم تعقیب قیلینگ!
کابل شهری ده محتاج کیشی‌لر دن باشقه بیری عبدالحلیم گه کوره: «ایش یوق، ایرته‌لب آخشم‌گچه ۱۰۰ افغانی ایشله‌ی میز، بو پول بیلن نیمه قیلیشنی بیلمه‌ی میز، آزیق-آوقات و یاقیلغی ماده‌میز یوق، ایکی کیچه دن بیری قوروق چای ایچه‌میز.»
شو بیلن بیرگه، اسلام امیرلیگی سوزلاوچیسی ذبیح‌الله مجاهد، افغانستان ده اقتصادی قیینچیلیک‌لرنی قبول قیلیب و اولکه‌لر دن یاردم‌لری گه دوام بیریش‌لرینی سوره‌گن.
او نینگ کوپه‌یتیریشیچه: «افغانستان ده اقتصادی قیینچیلیک بار، اولکه‌لر صادق لیک بیلن افغانستان گه انسان پرورلیک یاردم‌لری گه دوام بیرسه‌لر بو قیینچیلیکلر حل بوله‌دی، اولر دن انسانی و بشری مسئله‌لرنی سیاسی قیلمسلیک‌لرینی ایسته‌ی میز.»
برچه‌سی بیلن، اروپا اتفاقی و سکیز مملکت نماینده‌لری نینگ قوشمه بیانیه‌سیده بیرلشگن ملتلر تشکیلاتی نینگ انسان پرورلیک یاردم‌لرینی هماهنگ قیلیش دفتری نینگ گزارشی دن نقل قیلینیب، ۲۰۲۱-ییل نینگ آگست آی دن بیری افغانستان گه دولت‌لر و تورلی خیل تشکیلات‌لر تامانیدن ۶.۳ میلیارد دالر، که افغانستان گه ۷۴ فایز انسان پرورلیک یاردملرنی تشکیل بیره‌دی همکارلیک بولگن.
