عبدالرووف ناملی بلخ‌لیک باله ۹ آیدن بویان آدم اوغیرلاوچیلرنینگ قولیگه دیر و اونینگ قوییب یوباریلیشی اوچ میلیون و بیش یوز مینگ آمریکالیک دالر تولله‌نیش گه باغلیق دیر.
عبدالرووف ینگی بیر سیسلی کلیپ ده کسل‌لیککه چلینگنیدن اَیتگن. عبدالرووف نینگ آته‌سی محمد نبی ترکمن نینگ ایتیشیچه، باله‌سی نینگ قوییب یوباریلیشی مقصدی ده اهالیدن پول توپلش اوچون بانکی حساب آچیش نی ایسته‌دی، بیراق حکومت اونگه توسیق بولگن.
اونگه کوره، آدم اوغیرلاوچیلر عبدالرووف نینگ قوییب یوباریلیشی بدلی ده بیرینچی ده اوچ میلیون دالر طلب قیلگن ایدی، بیراق حاضر بیر میلیون و ۲ یوز مینگ دالر طلب قیلگن. عبدالرووف نینگ آته‌سی محمدنبی ترکمن نینگ ایتیشیچه، باله‌سی ینگی بیر کلپ ده کسل‌لیکدن شکایت قیلیب و قوییب یوباریلیشی نی سوره‌گن.
اونینگ کوپه‌یتیریشیچه: «بانکی حساب آچیش نی ایسته‌دیک، بیراق دولت رخصت بیرمه‌دی، رخصت بیرگنده بانکی حساب آچیب و اهالیدن یاردم سوره‌شیمیز ممکن. نیچه مرته والی و امنیت باشلیغی گه مراجعت قیلدیک، بیراق رخصت بیرمه‌دیلر.
بلخ حاکمی محمدفرهاد عظیمی بو توغریده هیچ بیر نرسه دیمه‌گن، بیراق کوپه‌یتیریشیچه، عبدالرووف نینگ دوسیه‌سی مرکزی دولت گه تاپشیریلگن. بو توغریده مرکزی حکومت مسئوللری نینگ فکرینی اورگه‌نیش ایسته‌دیک، بیراق کوپینچه سعی و حرکت بیلن موفق بولمه‌دیک.
جناب عظیمی نینگ ایتیشیچه، عبدالرووف نی تاپیب و قوییب یوباریش اوچون سعی و حرکت‌لرنی دوامی بار.
عبدالرووف نینگ اوغیرلنگنیدن ۱۱ آی اوتگن، بیراق حاضرگچه اونینگ قییرده‌لیگی توغریسیده هیچ قنده‌ی معلومات قولگه کیلمه‌گن.
۹ یاشیده بولگن عبدالرووف کمیده ۶ آی آلدین آدم اوغیرلاوچیلر تامانیدن اوغیرلنگن و حاضرگه‌قدر اوغیرلاوچیلر نظارتیگه دیر و ینگی‌لیکده اونینگ آدم اوغیرلاوچیلر تامانیدن قیناققه سالینیش سیسی اجتماعی ترماقلرده قولمه‌قول بولگن
آدم اوغیرلاوچیلر عبدالرووف ناملی ۹ یاشر باله نینگ آزاد ایتیلیشی‌گه قرشی اونینگ عایله‌سیدن پول طلب قیلگن‌لر.
اوغیرلنگن باله نینگ آته‌سی محمد نبی نینگ ایتیشیچه، بو سیس‌نی اوتگن کونی یوبارگن‌لر و آدم اوغیرلاوچیلر باله‌سی نینگ قوییب یوباریلیشی‌گه قرشی بیر میلیون و ۲ یوز مینگ دالر ایسته‌گنلر. او، حکومت و امنیتی نهادلرنینگ ایش‌سیزلیگی‌دن تنقید قیله‌دی.
عبدالرووف نینگ عایله اعضالری و اقارب‌لری ۶ آیی‌دن بویان بلخ ولایت مقامی برابریده تحصین خیمه‌سی قوریب اونینگ آزاد ایتیلیشی‌نی ایستب کیلماقده، لیکن حاضرگه‌قدر اوشبو باله نینگ قییر ده بولگنی و کیم‌لر تامانیدن اوغیرلنگنی خصوصیده هیچ‌قنده‌ی معلومات یوق.
باشقه بیر تاماندن یوزلرچه موتر ایرته ساعت ۷ دن بویان جاده نینگ ایکی تامانیده بند قالگن و کیلیب-کیتیش اوچون اولرگه رخصت بیریلمه‌گن.
شونده‌ی بیرحالده، فاریاب ترکمن‌لریدن هم بیر قطاری عبدالرووف نینگ قوییب یوباریلمه‌گنی اوچون اعتراض بیلدیریب و آقینه بندری نینگ قتناو یولی نی باغله‌گنلر.
آقینه قتناو یولی نی باغله‌گن فاریاب ترکمن‌لری
فاریاب ولایتی اندخوی تومن یشاوچی‌لریدن بیری سردارمحمد نینگ ایتیشیچه، عبدالرووف آدم اوغیرلاوچیلرنینگ قولیدن قوییب یوباریلگونگه قدر بو قتناو یول آچیلمه‌یدی. اونگه کوره، حکومت عبدالرووف نی تیزلیککه آدم اوغیرلاوچیلرنینگ قولیدن آزاد قیلیب و عایله‌سیگه تسلیم بیریشی کیره‌ک، بولمه‌گنده اعتراض‌لریگه دوام بیره‌دیلر.
عین حالده، یوزلرچه موتر قتناویول نینگ ایکی تامانیده بند قالگن و کیتیب-کیلیش اوچون اولرگه رخصت بیریلمه‌گن.
کسل‌دار یولاوچی‌لردن قطاری نینگ ایتیش‌لریچه، حکومت نینگ توجه‌سیزلیگی باعث بو وضعیت یوزبیرگن و بو قیینچلیکلر حل ایتیلیشی اوچون حکومت تیزلیککه اقدام قیلیشی کیره‌ک.
شونده‌ی بیرحالده، بلخ و قندوز یشاوچی‌لری هم ناراضلیک نمایش یولگه قوییش بیلن ۹ یاشر عبدالرووف نینگ قوییب یوباریلیشی نی سوره‌شگن. قندوز ولایتیده اونلرچه ترکمن ۹ یاشر عبدالرووف نینگ قوییب یوباریلمه‌گنی اوچون اعتراض بیلدیریب و شیرخان بندر قتناو یولی نی نیچه ساعت ترافیک یوزیگه یاپگنلر.
قندوز اعتراضچی‌لری
قندوز اعتراضچی‌لری نینگ ایتیش‌لریچه، عبدالرووف نینگ اوغیرلنگنیدن ۱۰۰ کوندن آرتیق اوتماقده، بیراق بلخ محلی اداره‌سی و مرکزی حکومت اونینگ قوییب یوباریلیشی اوچون ییترلیچه اقدام قیلمه‌گن.
قندز ولایتی کینگش باشلیغی محمدیوسف ایوبی، حکومتدن اهالی نینگ ایسته‌گی گه توجه قیلیشی نی سوره‌گن. جناب ایوبی گه کوره، اهالی عدالت‌سیزلیک برابریده سیس چیقاریش اوچون حقلی دیر.
شونده‌ی بیرحالده، بلخ حاکمی محمدفرهاد عظیمی بوگون خبری بیر ییغین اوتکزیب ایتیشیچه، اوتگن کیچه عبدالرووف نینگ قوییب یوباریش اوچون ۸ عملیات یولگه قویگنلر و عیاللر، باله‌للر شامل داعش گروهی گه تیگیشلی قطار کیشی‌لرنی قولگه آلگنلر. بیراق بلخ حاکمی قولگه آلینگن کیشی‌لرنینگ کیم‌لیگی توغریسیده معلومات بیرمه‌گن.
بلخ پولیس قومندانی سید معراج‌الدین سادات نینگ ایتیشیچه، عبدالرووف نینگ قوییب یوباریش اوچون حاضرگچه ۲۸ عملیات یولگه قویگنلر و شونینگدیک قطار کیشی‌لرنی قولگه آلگنلر. بیراق قولگه آلینگن کیشیلر توغریسیده ییترلیچه سند و حجت بولمه‌گنی باعث قیته قوییب یوباریلگن.
عبدالرووف نینگ عایله اعضاسینی ایتیش‌لریچه، آدم اوغیرلاوچیلر خصوصیده بولگن بوتون معلومات‌لر بیللی دیر، لیکن حکومت اوشبو باله‌نی قوتقریش اوچون اراده قیلمه‌یدی.
مذکور باله نینگ آته‌سی محمدنبی نینگ ایتیشیچه، اوغلی‌نی آزاد قیلیش اوچون طالبان نینگ سعی و حرکتی حکومت ایش‌لریگه قره‌گنده تاثیرلی دیر.
اوشبو اعتراضده بیرقطار عیاللر هم اشتراک قیلگن. عبدالرووف نینگ آنه‌سی اعتراض بیرینچی قطاریده قرار تاپگن و باله‌سی نینگ ازاد ایتیلیشی اوچون عدالت ایسته‌یدی.
عین‌حالده، بلخ حاکمی فرهاد عظیمی، مملکت جمهور رییسی نینگ ۱۵ کون مهلتی یکونلنگنی خصوصیده ایتیشیچه، بو موضوع سیاسی بولگن و محلی حکومت چیککه‌سیده مرکز هم عبدالرووف نی آدم اوغیرلاوچیلر قولیدن آزاد قیلیش اوچون سعی و حرکت قیلماقده.
بلخ یشاوچی‌لریدن یوزلرچه‌سی بیر اعتراض آرقه‌لی، حکومتدن عبدالرووف نینگ آدم اوغیرلاوچیلر قولیدن آزاد قیلیشی‌نی سوره‌گنلر. اعتراضچیلر «حکومت‌گه اولیم، بیز عدالت ایسته‌یمیز» شعارلری بیلن محلی و مرکزی حکومت‌گه مذکور باله نینگ آدم اوغیرلاوچیلر قولیدن آزاد قیلیش اوچون ۷۲ ساعت مهلت بیرگنلر.
اولرنینگ آگاهلنتیریشلریچه، حکومت کیله‌سی ۳ کون جریانیده عبدالرووف‌نی آزاد قیلمه‌گن صورتده، مملکت بوتون سوداگرلیک بندرلرینی باغله‌یدیلر.
اوشبو اعتراضده عبدالرووف نینگ آته‌سی محمدنبی، اوغلی‌نی آدم اوغیرلاوچیلر قولیدن آزاد قیلیش اوچون حکومت نینگ دقت‌سیزلیگی دن تنقید قیلیب ایتیشیچه، ترکتبارلرنینگ اعتراض‌لریگه قرشی حکومت نینگ قولاغی «کر» دیر.
عبدالرووف نینگ عایله اعضالری و اقارب‌لری، دولت نینگ اوشبو باله‌نی آزاد قیلینیشی خصوصیده وعده خلاف‌لیککه عیب‌لب ایتیش‌لریچه، تحصن و مدنی اعتراض‌لری چیککه‌سیده، بیرلشگن ملت‌لر تشکیلاتی‌گه هم مراجعت قیلیش‌لری ممکن.
بلخ محلی مسووللری، آدم اوغیرلاوچیلر و عبدالرووف نینگ قییرده سقله‌نیشی خصوصیده فکر بیلدیرمه‌یدی، لیکن اونینگ آزاد قیلیش اوچون سعی و حرکت‌لرنی دوامی بولگنی‌نی ایته‌دیلر.
بوندن آلدین مملکت جمهور رئیسی و اونینگ بیرینچی اورین باسری، عبدالرووف نینگ عایله اعضاسیگه کیله‌سی ۱۵ کون جریانیده باله‌لری آدم اوغیرلاوچیلر قولیدن آزاد قیلینیشی‌دن ایشانچ بیرگن ایدی. جناب غنی و صالح، عبدالرووف آزاد قیلینمه‌گن صورتده، بلخ محلی مسووللری چیکلنتیریلیشی‌نی بیلدیرگن ایدی، لیکن اونینگ اوغیرلنگنیدن ۱۰۰ کون اوتیش بیلن هم، آزاد قیلینمه‌گن.
عبدالرووف نینگ اقارب‌لریگه کوره، ۳۹ کوندن بویان بلخ ولایت مقامی برابریده خیمه قوریب اعتراض بیلدیرماقده‌لر، بیراق مذکور ۹ یاشر باله نینگ آزاد ایتیلیشی اوچون محلی و مرکزی حکومت هیچ‌قنده‌ی سعی و حرکت قیلمه‌گن.
اعتراضچیلر حکومت دقت‌سیزلیگیدن تنقید قیلیب، خلق ارا جماعه‌سیدن اوشبو باله‌نی آدم اوغیرلاوچیلر نظارتیدن آزاد قیلیشی‌نی سوره‌گنلر.
عبدالرووف نینگ عایله اعضالری، باله‌لری نینگ اوغیرلاوچیلر نظارتیگه بولگنی‌نی تحمل قیله آلمه‌یدیلر، بیراق اوغیرلاوچی‌لرگه هم پول بیرمه‌یشلرینی بیلدیره‌دیلر.
بوتوغریده بلخ محلی و امنیتی مسووللری فکرینی آلیش اوچون سعی و حرکت قیلدیک، بیراق اولر معلومات بیریش‌گه حاضر بولمه‌دیلر.
۹ یاشیده بولگن عبدالرووف ۶۶ کون آلدین بلخ مرکزی مزارشریف شهریده مکتب باره‌دیگن بیر چاغده حربی کییم‌لی آدم اوغیرلاوچیلر تامانیدن اوغیرلنگن ایدی.
بوگون “سه‌شنبه” جوزجان یشاوچی‌لریدن یوزلرچه‌سی بیر اعتراض آرقه‌لی، ۹ یاشیده بولگن عبدالرووف آدم اوغیرلاوچیلر قول‌لریدن آزاد قیلینیشی‌نی سوره‌گنلر.
اعتراضچی‌لردن بیری عبدالغفار دهقان نینگ سلام‌وطندارگه ایتیشیچه، عبدالرووف نینگ اوغیرلنیشیدن ۵۰ کون اوتماقده، بیراق حکومت اوشبو باله‌نی آزاد قیلیش اوچون هیچ‌قنده‌ی سعی و حرکت قیلمه‌گن.
اونینگ ایتیشیچه، مرکزی حکومت بو توغریده دقت قیلمه‌گن صورتده، مملکت شمالی ولایت‌لریده تیریک‌چیلیک قیله‌دیگن ترکمنلر سوداگرلیک بندرلر و دولتی اداره‌لرنی باغلب و اعتراض‌لریگه دوام بیره‌دیلر.
اعتراضچی‌لرنینگ آگاهلنتیریشلریچه، عبدالرووف نی قوتقریش اوچون تیزلیککه جدی قرارلر آلینمه‌گن صورتده، هرقنده‌ی حرکت‌گه قول اوره‌دیلر و مسوولیتی حکومت بوینیگه دیر.
عین‌حالده، جوزجان مدنی فعاللری، مرکزی حکومتدن شمالی ولایت‌لرده دوامی بولگن هدف‌لی اوغیرلاوچی‌لیکلرگه بی‌فرق قالمه‌یشینی سوره‌ب و مملکت یشاوچی‌لریدن بونده‌ی واقعه‌لرگه قرشی جیم تورمه‌یش‌لرینی ایسته‌گنلر.
شونینگدیک، جوزجان حاکمی لطف‌الله عزیزی، اعتراضچیلر آره‌سیده حضور تاپیب ایتیشیچه، ۹ یاشیده بولگن عبدالرووف نی اوغیرلاوچیلر قولیدن آزاد قیلیش اوچون مرکزی حکومت نینگ برنامه‌سی بار و عملگه آشیریله‌دی.
۹ یاشیده بولگن عبدالرووف بیر آی آلدین مزارشریف شهری نینگ خصوصی مکتبیده درس اوقیدیگن بیر چاغده حربی کیم‌لیک اوغیرلاوچیلر تامانیدن اوغیرلنگن. او کوپینچه ناله و فریاد بیلن آته‌سیدن یاردم ایسته‌یدی.
بوگون بلخ ده قطار ترکتبارلر، عبدالرووف نینگ اوغیرلنگنی اوچون بلخ ولایت مقامی ایشیگی نینگ اونگیده ناراضلیک خیمه‌سینی قورگنلر.
ناراضچی‌لرگه کوره، ایکی کونگچه ۹ یاشیده بولگن عیدالروف، آدم اوغیرلاوچیلر نینگ قولیدن آزاد ایتیلمه سه، حیرتان و آقینه بندرلری نینگ قتناو یولینی باغلش لریدن آگاه لنتیرگنلر.
آدم اوغیرلاوچیلر، بو باله نینگ قویب یوباریش لری اوچون عایله سیدن ۱ یریم میلیون دالر ایسته‌گن.
عبدالرووف آته سی محمد نبی نینگ ایتیشیچه، هر کون وایبرگه آدم اوغیرلاوچیلر اوغلی دن ویدیو یوباره‌‌دیلر. لیکن حاضرگچه ملی پولیس و ملی خوفسیزلیک کوچلری اوغلی‌دن هیچ بیر نشانه تاپالمه‌گن.
شمال حوزه سیده‌گی ترکمنلر کینگشی باشلیغی عبدالصمد حارث نینگ ایتیشیچه، محلی و مرکزی حکومت بو قضیه خصوصده توجه سیزلیک کورستکن و هیچ بیر نشانه آدم اوغیرلاوچیلردن تاپه آلمه گن.
