پاکستان چیگره مسئوللری افغانستان‌لیک یوک تاشووچی موتر هیداوچیلری نینگ پاسپورتی و ویزه‌لری یوق‌لیگی باعث، ۲۳-جدی، تورخم بندرینی سوداگرلیک توارلر یوزی گه یاپدی و اوندن کیین افغانستان چیگره مسئوللری هم پاکستان نینگ یوک تاشووچی موتر هیداوچیلری گه عینی ایشنی قیلدیلر.
تورخم بندری یاپیلگچ افغانستان و پاکستان آره‌سیده‌گی برچه بندرلر یاپیلدی و قریب ۱۱ کوندن سونگ نهایت بوگون (سه‌شنبه، ۳-دلو)، ایرته‌لب ینه بیر مراتبه بو بندرلر سوداگرلیک توارلر گه آچیلدی.
صناعت و سوداگرلیک وزیرلیگی سوزلاوچیسی عبدالسلام جواد آخوندزاده نینگ ایتیشیچه، افغانستان و پاکستان چیگره‌لریده‌گی معما حل بولگن و بو یوللردن سوداگرلیک توارلر نینگ آلیش-بیریش جریانی نورمال حالتی گه قیتگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «تورخم، دندپتان، غلام‌خان و انگوراده بندرلری بوگون ترانزیت یوزی گه آچیلدی و ترانزیت قیینچیلیگی حل بولگن و پاکستان بیلن آلیش-بیریش اوتمیش کبی نورمال حالتی گه قیتگن.»
مذکور وزیرلیک سوزلاوچیسی، ایکی مملکت آره‌سیده‌گی چیگره‌لر آچیلیشی گه دایر پاکستان بیلن افغانستان کیلیشووی حقیده ایضاح کیریتمسه ده؛ بیراق ننگرهار ولایتی سوداگرلیک و سرمایه یاتقیزیش اتاق مسئوللری نینگ ایتیشلریچه، بو بندرلر یوک تاشووچی موترلر نینگ پاسپورت و ویزه قیینچیلیک‌لری حلی اوچون انیق بیر مدت گچه آچیلگن.
ننگرهار ولایتی سوداگرلیک و سرمایه یاتقیزیش اتاق مدیره هیئت اعضاسی زلمی عظیمی نینگ سلام‌وطندار گه ایتیشیچه: «یوک تاشووچی موتر هیداوچیلر نینگ ویزه و پاسپورت قیینچیلیک‌لرینی حل قیلیش اوچون ایکّی آی و یتتی کون مهلت بیرگن و حاضرگی قیینچیلیک حلی اوچون یول آچیلگن و حاضر واردات و صادرات اوچون هیچ قیینچیلیک یوق.»
بیزلرنینگ «ایکس» ترماغی ده هم تعقیب قیلینگ!
افغانستان و پاکستان آره‌سیده تورخم شامل باشقه بندرلر آچیلگن بولسه ده، بیراق بو بندرلر اینیقسه تورخم بندری نیچه مراتبه سوداگرلیک توارلر و یولاوچیلر یوزی گه یاپیلیب و آچیلگن.
عین‌حالده، اقتصادی ایش بیلرمانلر تورخم بندری ده پاکستان نینگ قیینچیلیگی و اوشبو چیگره اهمیتی گه اشاره قیلیب، بو معما سرپرست حکومت تامانیدن بوتونلی حل ایتیلیشی اوستیگه تاکید ایته‌دیلر.
ایش بیلرمانلر سرپرست حکومت گه، افغانستان نینگ توارلری صادراتی اوچون پاکستان اورنیده باشقه بدیل تاپیش گه کوپراق دقت قیلیشنی سوره‌یدیلر.
اقتصادی ایش بیلرمانلر دن عبدالنصیر رشتیا نینگ سلام‌وطندار گه ایتیشیچه: «ینگی بازارلر گه قول تاپیش اوچون پاکستان یولیده‌گی باسیم‌لرنی کمه‌یتیریش کیره‌ک، اوزاق مدت اوچون افغانستان اورته آسیا یوللری گه نیازمند دیر، بناً ایکی تامان اویغون‌لیگی بیلن بو معما گه اساسی یول قیدیریلیشی لازم.»
اقتصادی ایش بیلرمان‌لردن باشقه بیری لعل‌زازی گه کوره: «پاکستان چیگره‌سیده قیینچیلیک تاپیلسه پاکستان سوداگرلری هم زیان کوره‌دی، اما کوپراق افغان‌لر زیان کوریشه‌دی، شونی اوچون ایران چابهار بندری بو یول اورنیده یخشی بدیل بولیشی ممکن.»
ایتیش کیره‌ک، میلادی ۲۰۲۳-ییل ده افغانستان و پاکستان چیگره‌لریده‌گی معما باعث ۲۰۲۲-ییل گه نسبتن افغانستان نینگ پاکستان گه صادرات رقمی کمه‌یگن.
