امریکا نماینده‌لر کینگشی نینگ تشقی مناسبت‌لر ایشلری بوییچه کمیته‌سی ۲۹-حوت، سه‌شنبه کیچه، امریکا اردوسی قۉشمه ستاد سابق باشلیغی جنرال مارک میلی و امریکا مرکزی قوماندان‌لیگی (سنتکام) سابق باشلیغی جنرال کنت مکنزی نی جواب‌‌گرلیکّه تارتیب و افغانستاندن امریکا نینگ چیقیشی خصوصیده ایضاح کېریتیش‌لرینی سۉره‌گن.
مذکور ییغیلیش ده امریکالیک اوشبو سابق حربی‌لر، حاضرگی کونده افغانستان سرپرست حکومتی اوشبو مملکتده عصیانچی گروه‌لر گه باش پنه بیرگن و بو گروه‌لر کېله‌جک‌ده امریکا اوچون تهدید بولیشیدن آگاه‌لنتیرگنلر.
شونینگدیک اولر، افغانستانده داعش و القاعده کبی گروه‌لر آلدی آلینیشی گه تاکید اېتیشگن.
بیزلرنینگ فیسبوک صحیفه‌میزگه باش اورینگ!
بیراق اسلام امیرلیگی امریکالیک مذکور ایکی رسمی نینگ بیاناتینی ناتوغری دیب ایتیشیچه، حاضرگی کونده افغانستانده هېچ خارجی گروه یوق دیر.
اسلام امیرلیگی سۉزلاوچیسی نینگ اۉرین باسری حمدالله فطرت نینگ سلام‌وطندار گه ایتیشیچه: «بو امریکا نینگ تقاعد قیلگن و سابق ایکی عملداری نینگ فکر-ملاحظه‌سی دیر اونچه‌لیک اهمیتی یوق. افغانستانده خارجی هېچ بیر گروه گه فعالیت قیلیش اېزینی بیریلمه‌یدی و داعش هم یوق قیلینماقده.»
شو بیلن بیرگه، افغانستانده ایش بیلرمانلردن بیرقطاری افغانستانده عصیانچی گروه‌لر نینگ فعالیتی و حضوری خصوصیده امریکا قۉشمه ایالتلری نینگ فکر-ملاحظه‌لریدن تنقید قیله‌دیلر.
بیزلرنینگ «ایکس» ترماغی ده هم تعقیب قیلینگ!
اولر نینگ ایشانچی گه کوره، بو مساله گه دایر جهان نینگ قۉشمه بیر فکرده بولمسلیگی و امریکا اوز غایه‌لری گه قول تاپیش اوچون عصیانچی گروه‌لر مساله‌سیدن اوسکونه اوله‌راق قوللنیشی، افغانستانده عصیانچی گروه‌لر مساله‌سی حل بولمه‌ی قالیشی گه سبب بولگن.
ملت‌واحد افغانستان همبسته‌لیک آقیم رهبری محمدزلمی افغانیار پوپل گه کوره: «امریکا نینگ مقصدی بو گروه‌لر گه قرشی کوره‌ش بولسه، افغانستانده ۲۰ ییل بار اېدی بو ایشنی عملگه آشیریشی کېره‌ک اېدی، بوگون بو بیانات قرارگاه‌سی پاکستان‌ده دیر، القاعده گروهی نینگ ییتکچیسی پاکستان هیبت‌آباد ده یوق قیلیندی، پاکستان گه اقدام قیلدیلر می؟ بیراق بوگون پاکستان امریکا نینگ استراتیژیک دوستی دیر.»
ایتیش کېره‌ک سۉنگی ایکّی ییل ده دنیا همجمعیت، افغانستانده عصیانچی گروه‌لر حضوری و فعالیتیدن خواطر بیلدیرماقده اېکن، بیراق اسلام امیرلیگی بو ادعالرنی هردایم رد قیلیب و بو معما حاضرگچه حل بولمه‌ی قالگن.
