ایران ده افغانستان‌لیک قاچقینلر نینگ اوققه توتیلگنی خصوصیده گزارشلر ترقه‌لگنی‌دن ایکی هفته اوتگچ، اسلام امیرلیگی ایران نینگ «کلگان» دره‌سیده افغانستان یشاوچیلریدن قطاری نینگ آتیب اولدیریلگنینی تصدیق‌لگن.
اسلام امیرلیگی سوزلاوچیسی اورینباسری حمدالله فطرت، بوگون (پنجشنبه، ۱۰-عقرب)، اوز اکس صحیفه‌سیده بیر بیانیه ترقه‌تیب یازیشیچه، ایران ده افغانستان‌لیک قاچقینلر آتیب اولدیریلگنینی تیکشیریش مقصدیده تعیین‌لنگن هیئت نینگ قولگه کیلتیرگن معلوماتی گه کوره، ایران ده افغانستان‌لیک یشاوچیلردن قطاری اوققه توتیلگن.
بیزلرنینگ «ایکس» ترماغی ده هم تعقیب قیلینگ!
جناب فطرت نینگ ایتیشیچه، اوشبو واقعه نتیجه‌سیده افغانستان یشاوچیلریدن ایکی ته‌سی اولیب و ۳۴ ته‌سی ایسه یره‌لنگن.
بیانیه‌ده کیلیشیچه: «مذکور واقعه‌ده شهید بولگن ۲ کیشی و یره‌لنگن ۳۴ کیشی، هیئت آرقه‌لی انتقال بیریلیب و اولردن باشقه بیر قطاری ایسه حاضرگچه ایران و پاکستان ده دیر.»
اسلام امیرلیگی سوزلاوچیسی اورینباسری گه کوره، تعیین‌لنگن هیئت نینگ تیکشیرووی حاضرگچه یکونلنمه‌گن و بو توغریده ایش نینگ دوامی بار.
بیزلرنینگ فیسبوک صحیفه‌میزگه باش اورینگ!
۱۶ کون آلدین ییتکرمه‌لردن قطاری، ایران و پاکستان چیگره‌سیده ایران چیگره‌چیلری تامانیدن اونلب افغانستان‌لیک قاچقین نینگ اوققه توتیلگن دیب گزارش بیرگن ایدی. اسلام امیرلیگی ایران ده افغانستان یشاوچیلری نینگ اوققه توتیلگنی خصوصیده ترقه‌تیلگن گزارشلردن کیین، بو واقعه نینگ تیکشیریلیشی مقصد، ایچکی ایشلر وزیرلیگی نینگ خوفسیزلیک ایشلری بوییچه اورینباسری محمدابراهیم صدر باشچیلیگیده بیر هیئت نی تعیین‌لدی.
بوندن آلدین ایران رسمی‌لری جمله‌دن افغانستان اوچون ایران مخصوص نماینده‌سی و ایلچی‌سی حسن کاظمی قمی، ایران توپراغیده افغانستان یشاوچیلری نینگ اوققه توتیلگنی نی رد قیلیب و اونینگ «ناتوغری» دیگن ایدی.
