طبیعی آفت‌لر نی باشقریش وزیرلیگی سوزلاوچیسی مولوی محمدنسیم حقانی نینگ ایتیشیچه، غزنی، میدان‌وردک، پکتیا، پکتیکا، لوگر و خوست ولایت‌لریده یوز بیرگن سونگی سوو تاشقین‌لر و یامغیر، اهالی گه کوپینچه زیان ییتیشتیرگن.
محمدنسیم حقانی نینگ کوپه‌یتیریشیچه، تیکشیرووچی تیم‌لر حاضرگچه زیان ییتیشگن منطقه‌لرده ایش گه مشغو‌للر، بیراق بیرینچی معلومات‌لر اساسیده، سووتاشقین‌لر باعث بیر قطار اوی، ایکینچیلیک ییر و اهالی نینگ باغی اورته‌دن کیتگن دیر.
اونگه کوره، طبیعی حادثه‌لر گه قرشی کوره‌ش وزیرلیگی زیان کورگنلر گه یاردم بیره‌آلمه‌یدی و دنیا جماعه‌دن سوو تاشقین‌لر نتیجه‌سیده زیان کورگنلر گه یاردم بیریلیش نی سوره‌گن.
بیزلرنینگ توییترده هم تعقیب قیلینگ!
شونده‌ی بیرحالده، ایکینچیلیک، چاروا‌چیلیک و سوغاریش وزیرلیگی سوزلاوچیسی مصباح‌الدین مستعین نینگ سلام‌وطندار گه ایتیشیچه، سوو تاشقین‌لر و یامغیرلر پکتیکا نینگ ۳ تومنی، غزنی نینگ ۴ تومنی، میدان‌وردک نینگ ۳ تومنی، لوگر نینگ ۳ تومنی، زابل نینگ ۴ تومنی و شونینگدیک پکتیا نینگ ۴ تومنی گه کوپینچه زیان ییتیشتیرگن.
اونینگ کوپه‌یتیریشیچه، سووتاشقین‌لر نتیجه‌سیده خراب بولگن باغ‌لر نی قیته قوریش و سوو ترماق‌لر نینگ تازه‌لش اوچون سعی و حرکت قیلینماقده.
شونده‌ی بیرحالده، لوگر ایکینچیلیک ریاست مسئوللری نینگ ایتیش‌لریچه، اوشبو ولایت نینگ پل علم شهریده و چرخ، خروار، خوشی و محمد‌آغه تومن‌لریده یوز بیرگن سووتاشقین‌لر و یامغیرلر نتیجه‌سیده، کمیده ۷۰۰ جریب ایکینچیلیک ییر اورته‌دن کیتگن. شونینگدیک غزنی ولایتی‌ده یوز بیرگن سوو تاشقین‌لر‌ده اهالی گه ییتیشگن مالی زیان‌لر یانیده ۲ باله هلاک و باشقه ۳ کیشی ایسه یره‌لنگن.
غزنی ولایتی طبیعی حادثه‌لر گه قرشی کوره‌ش رئیسی عمر حقانی نینگ ایتیشیچه، مذکور ولایت نینگ تورلی تومن‌لریده یوز بیرگن سووتاشقین و یامغیز، یوزلرچه جریب ایکینچیلیک ییر نی اورته‌دن کیتکزیب و یوزلرچه چاروا نی تلف قیلگن.
بیزلرنینگ فیسبوک صحیفه‌میزگه باش اورینگ!
شونینگدیک پروان ولایتی شیخ‌علی ولسوالی ذبیح‌الله ترابی نینگ ایتیشیچه، مذکور ولایت‌ده یوز بیرگن سوو تاشقین‌لر باعث، بیرکیشی هلاک و یوزلرچه چاروا تلف بولگن.
بوگون مملکت هوا‌شناسلیک اداره‌سی نینگ پیش‌بین‌لیگی گه کوره، مملکت نینگ ۱۰ ولایتی‌ده سوو تاشقین و یامغیر نینگ جریانی بار.
ایتیش کیره‌ک که، نیچه هفته آلدین تورلی ولایت‌لرده یوز بیرگن سوو تاشقین‌لر و یامغیرلر ایکینچی‌لر گه کوپینچه زیان ییتیشتیرگن ایدی.
