کابل یشاوچیلریدن قطاری کمبغل‌لیک و قشاق‌لیک‌دن نالیب و ایتیشلریچه، قیش موسومیده آزیق-آوقتلری بولمه‌گنی‌‌گه علاوه، اویلرینی ایسیتیش اوچون هم یاقیلغی ماده‌گه قول تاپه آلمه‌یدیلر.
تورت کیشی‌لیک عایله سرپرستی بولمیش کابل یشاوچیسی خیرالله‌‌گه کوره، قیش موسومیده اوی‌نی ایسیتیش اوچون یاقیلغی ماده‌لری یوق و باله‌لری بیلن کیچه‌لرنی ساووق هوا‌ده اوتکزیش‌گه مجبورلر.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «اوی‌ده هیچ نرسه‌میز یوق، پولی‌میز هم یوق که باریب اوی‌نی ایسیتیش اوچون بیران نرسه ساتیب آلسه‌ک. یاردم بیرووچی اداره‌لردن نیازمند کیشی‌لر گه یاردم بیریلیشی‌نی ایسته‌یمیز.»
شونینگدیک قول اوستیده سودا ساتیب عایله نیازلرینی تامین قیله‌دیگن کابل یشاوچیسی عابد، یاردم بیرووچی نهادلردن قیش موسومیده کمبغل کیشی‌لر گه یاقیلغی ماده ترقه‌تیلیشی‌نی ایسته‌گن. «نیازمند کیشی‌لر گه یاغاچ و یاقیلغی ماده کبی نرسه‌لر یاردم بیریلیشی کیره‌ک که بو رقم ساووق هوانی اوتکزه آلسینلر.»
حادثه‌لرگه قرشی کوره‌ش ملی اداره‌سی مسئوللری، جاری ییل جدی آیی‌‌ده ۳۳ مینگ عایله گه آزیق-آوقت ترقه‌تیب و بو پروسه‌نینگ دوامی بارلیگی‌نی ایتگنلر.
اوشبو اداره سوزلاوچیسی محمد‌عبدالله جان سایق‌نینگ ایتیشیچه، اوشبو یاردم‌لر اون، برنج، لوبیا و باشقه بیر قطار نرسه‌دن عبارت بولیب و باشقه بیر قطار کیشی‌‌گه نقد پول هم ترقه‌تیلگن.
اونینگ کوپه‌یتیریشیچه: «حادثه‌لر گه قرشی کوره‌ش ملی اداره‌سی یاردم بیرووچی نهاد همکارلیگی بیلن جدی آیی‌‌نینگ باشی‌دن آخرگی کونی‌گه قدر، ۳۳ مینگ عایله‌گه آزیق-آوقت و نقد پول ترقه‌تگن و بو پروسه‌نینگ دوامی بار.»
بیزلرنینگ فیسبوک صحیفه‌میزگه باش اورینگ!
حادثه‌لر گه قرشی کوره‌ش ملی اداره‌سی مسئوللری‌نینگ ایتیشلریچه، کیله‌سی کونلر نیچه ولایت‌ده سوو تاشقینی یوز بیریش احتمالی پیش‌بینلیک بولیب و بو وضعیت‌‌نی باشقریش اوچون ییترلیچه تیارگرلیک آلینگن.
شونینگدیک بوندن آلدین هم حادثه‌لرگه قرشی کوره‌ش ملی اداره‌سی، مملکت‌ده نیازمند کیشی‌لر گه یاردم ترقه‌تیلیشی‌‌دن خبر بیرگن ایدی.
