افغانستان اوچون بیرلشگن ملتلر تشکیلاتینینگ مخصوص امانی صندیغی، افغانستان یشاوچیلریگه سویدننینگ ۶.۴ میلیون دالر یاردم بیرگنینی معلوم قیلگن.
بیرلشگن ملتلر تشکیلاتینینگ اوشبو نهادی، بوگون (۲۱-جدی، یکشنبه)، اکس صحیفهسیده یازیشیچه، مذکور یاردملر افغانستان ده شاشلینچ خذمتلر کورسهتیلیشی، اقتصادی چیدهملیک کوپهیشی و آوارهلیکدن تاثیرلنگن جمعیتگه هوا اوزگریشلری بیلن قرشی کورهش گه اختصاص بیریلگن.
بیرلشگن ملتلر تشکیلاتی مخصوص امانی صندیغینینگ کوپهیتیریشیچه، اوشبو حساس وضعیتده افغانستان یشاوچیلرینینگ قوللب-قوتلش، «مهم اهمیت» ایگه دیر.
افغانستان ییللردن بویان، بیر قطار اقتصادی، قوروقچیلیک و ایچکی آوارهلیک قیینچیلیکلری بیلن روپهره دیر. عایلهلردن قطاری اینیقسه اوزاق و طبیعی واقعهلردن تاثیرلنهدیگن منطقهلردهگی کیشیلرنینگ انسانسیورلیک یاردملرگه نیازی بار.
