جوزجان دهگی دهقانلرنینگ ایتیشلریچه، قوروقچیلیک، سوو منبعلری کملیگی و اوسیملیک آفتلری کوپهیشی سبب، بو ولایتدهگی دهقانلر کوپینچه قیینچیلیک بیلن روپهره بولگنلر.
جوزجان ولایتیدهگی دهقانلردن بیری مخینینگ سلاموطندار گه ایتیشیچه، کیتمه-کیت قوروقچیلیک و اوسیملیک آفتلری نتیجهسیده، ایکینچیلیک محصوللری سطحی جدی شکلده کمهیگن.
اونگه کوره، اوتمیشده بیر سیر بوغدایدن ۳۰ سیر حاصل قولگه کیلتیرگنی بیرحالده، بیراق حاضر ایسه بو رقم ۸ سیر گه ییتیشگن. «سونگی ییللر قوروقچیلیک جدی شکلده حاصلات توغریسیده تاثیر قویگن. قوروقچیلیک و شونینگدیک اوسیملیک آفتلری سبب جدی شکلده زیان کورگنمیز. یاغینگرچیلیک یوقلیگی و قوروقچیلیک اوچون اوسیملیکلر ریشهدن قوریگن.»
بیزلرنینگ فیسبوک صحیفهمیزگه باش اورینگ!
جوزجان دهگی دهقانلردن باشقه بیری یوسفنینگ ایتیشیچه، بو ولایتده اوسیملیک آفتلری و کسللیکلر طفیلی، سونگی نیچه ییلده ایکینزارلریدن قانیقرلی شکلده حاصل قولگه کیلتیره آلمهگن.
اونینگ کوپهیتیریشیچه: «بیش ییلدن بیری ایکینزاریمدن قولگه کیلگن حاصلاتدن یخشی فایده قولگه کیلتیره آلمهیمن. برچه نرسهمنی اوشبو ییرلر اوچون صرفلهدیم؛ بیراق فایده قولگه کیلتیره آلمهدیم. هر ییل زیان کورهمن. اقلیم اوزگریشی و یامغیر یوقلیگی دهقانلر گه زیان ییتیشتیرگن.»
مذکور جوزجانلیک دهقانلر، قوروقچیلیک، اوسیملیک آفتلری و کسللیکلرنینگ محصوللری کمهیشی اصلی عامللری دیب و ایکینچیلیک وزیرلیگیدن، قوشنی مملکتلر همکارلیگی بیلن بو توغریده کوپینچه تدقیقات قیلیب و همکارلیک قیلیشلرینی ایستهگنلر.
ایکینچیلیک بوییچه ایش بیلرمان عبدالرشید، ایکینچیلیک محصوللری اوچون یاغینگرچیلیک فایدهسی گه تاکیدلب و ایتیشیچه، یاغینگرچیلیک میزانی ۵۰ ملیمتردن کوپ بولمهگنی صورتده، حاصلات سطحی کمهیشی ممکن.
عبدالرشیدنینگ کوپهیتیریشیچه: «یاغینگرچیلیک سطحی ۵۰ کیلومتردن آشگنی صورتده، یخشی حاصل قولگه کیلیشی ممکن، عکسینچه حالده، یخشی بیر شکلده حاصل قولگه کیلتیره آلمهیدیلر. اقلیم اوزگریشی برچه بولیملر گه سلبی تاثیر قویگن.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، جوزجان ایکینچیلیک، سووغاریش و چاروهچیلیک باشلیغی عبدالقادر وحدت سلاموطندار بیلن اوتکزگن صحبتلریده بو ولایتدهگی دهقانلر قیینچیلیگی نی تصدیقلب و ایتیشیچه، اوشبو قیینچیلیکلرنی حل قیلیش اوچون اوزونمدتلی برنامهلرنی قولگه آلگنلر.
جناب وحدتنینگ کوپهیتیریشیچه: «جوزجان کوپینچه ایکینچیلیک ساحه گه ایگه دیر؛ بیراق ییترلی سوو گه ایگه ایمس. بو ولایتدهگی سوو منبعلری قوشنی ولایتلر گه باغلیق دیر. قوروقچیلیک کیلگنیده بو ولایت یشاوچیلریگه کوپینچه زیان ییتکزهدی. قیغو بیلن ایکینچیلیک ریاستی قوروقچیلیک قیینچیلیگی حلی اوچون مخصوص بودجهسی یوق، لیکن بو توغریده کمراق سوو گه نیازی بولگن کوچتلرنینگ دشتلر گه ایکیش کبی برنامهلرنی عملگه آشیرماقده.»
افغانستان شمالیده جایلشگن جوزجان، آزراق سوو منبعلری گه ایگه بولگن ولایتلردن بولیب و ایکینچیلیک ییرلری اوچون نیاز بولگن سوولردن کوپینچهسینی قوشنی ولایتلردن تامینلهیدی.
