تفتیش عالی اداره مسئوللری بوگن کابل‌ده خبری بیرییغین‌ده اوشبو اداره نینگ ۱۴۰۰ – مالی ییل یوتوق وفعالیت‌لرینی ترقتدیلر. عالی تفتیش ادارسی نینگ مصلحتچی‌سی فضل‌الله نظامی نینگ ایتیشیچه، مذکور اداره افغانستان قانون-قاعده‌لری قنده‌ی رعایت ایتیلیشی مقصدیده کیلگوسی مالی ییلده ۲۰۰ دولتی اداره‌نی تیکشیریش‌نی ریجه له‌گن.
اوشبو اداره، مستقل روشده فعالیت قیلیشینی تاکیدلب ایتیشیچه، کیمسه نینگ اره‌لشمسلیگی بیلن تیکشیرو اوتکزیله‌دی. عالی تفتیش اداره‌سی نینگ مصلحتچی‌سی فضل‌الله نظامی نینگ اوشبو ییغین‌ده ایتیشیچه، عالی تفتیش اداره‌سی هرییل ۳۰۰ دولتی سکتورنی تیکشیره‌دی، بیراق۱۴۰۱- مالی ییل ریجه‌سی اساسیده ۲۰۰ دولتی اداره نینگ تیکشیریلیشی ممکن.
نظامی جنابلری نینگ کوپیتیریشیچه، عالی تفتیش اداره‌سی هیچ بیردولتی ارگان گه باغلیق ایمس و بو اداره فعالیت‌لری مسلکی روشده و قانون اساسیده بجریله‌دی.
بیزلرنینگ فیسبوک صحیفه‌میزگه باش اورینگ!
شونینگدیک عالی تفتیش اداره‌سی نینگ مالی واداری اورین باسری نجیب‌الرحمان رحمانی ۱۴۰۰-ییل گزارشی توغرسیده معلومات بیریب ایتیشیچه، اوشبو مالی ییلده ۷۷۵ میلیون افغانی درآمد توپله‌نیب دولت خزینه‌سی گه توله‌نگن.
رحمانی جنابلریگه کوره، مملکتده سونگی اوزگریش‌لردن کیین، عامه بایلیک‌لرتالان ایتیلگن‌لیگی توغریسیده خواطرلرکوپه‌یگن ایدی و بو خواطرلراوشبو اداره نینگ کیسکین اقدام قیلیشی‌گه سبب بولگن.
رحمانی جنابلری ایتیشیچه: «اوزگریش‌لردن کیین برچه‌میزعامه بایلک‌لرضررکوریشی توغریسده خواطرده ایدیک، عالی تفتیش اداره بونی اوز بورچی بیلیب دولتی اداره‌لربایلیک‌لری نینگ تیکشیریش نی باشله‌دی و ۵۹ دولت عامه سکتوری تیکشیرو آستیده قرارتاپگن.»
بیزلرنینگ توییترده هم تعقیب قیلینگ!
عین‌حالده، عالی تفتیش اداره نینگ معلوماتی گه کوره، تیکشیروولراساسیده صلاحیت‌دن ناتوغری فایده‌له‌نیش، اوغریلیک و دولتی ییرلرنی تارتیب آلیش کبی ۱۷ قضیه رویخط گه آلینگن و ۱۱۷ میلیون افغانی گه یقین دولت خزینه‌سی گه ضرر ییتشگن.
قاعده و قانونلر رعایت قیلنیشی نی تیکشیریش، دولت اداره‌لری نینگ قیلنگن فعالیت‌لرینی کوزه‌تیش، معلوماتی سیستم نینگ تیکشیریش عامه بایلیک‌دن ناتوغری فایده‌له‌نیش قضیه‌لرینی باش قاره‌لاوچیلیک اداره‌سی گه یوباریش عالی تفتیش اداره‌سی نینگ مسئولیت‌لریدن سنه‌له‌دی.
