کابل شهریده خصوصی مکتبلردن بیریده اونلب اوقووچی، توپلم شکلده کیرهکسیز نرسهلر بیلن، ربات توزتهدیلر. مذکور یاش اوقووچیلرنینگ ایتیشلریچه، ایجادکارلیک و کیرهکسیز نرسهلردن قیته فایدهلنیلیشی مقصد، دستلبکی و ایشگه یرهگن نرسهلرنی توزهتیشگه سعیوحرکت قیلگنلر.
کابل شهریدهگی خصوصی مکتبلردن بیریده سکیزینچی و آلتینچی صنف اوقووچیلری بولمیش عطاءالرحمان و مدینهنینگ سلاموطندار گه ایتیشلریچه، کارتن و آیسکریمنینگ چوبچهلریدن فایدهلنیب، تیمیر یولی و تاووشقان توزهتگنلر.
عطاءالرحماننینگ ایتیشیچه: «اهالینینگ فایدهلنمهی، تشلهگن نرسهلریدن تیمیر یولی توزهتدیک. تشقریدن ییغگنیمیز پیپسی قوطیسینینگ قپاقلری و آیسکریم چوبچهلریدن تیمیر یولی توزتگنمیز. بو بولیمگه جودهیم کوپ قیزیقهمیز؛ عملی درسلرنینگ کوپراق بولیشی کیرهک؛ بولرگه نسبت یخشیراق نرسه هم توزتهمیز.»
شونینگدیک مدینهنینگ ایتیشیچه: «اوچ آیده کارتن و باشقه نرسهلر بیلن تاووشقان رباتینی توزتدیک. بو رباتگه بیر موتور و بیر باتریدن هم فایدهلنگنمیز. بیزلرگه امکانیت یرهتیلگنی صورتده، یخشیراق نرسهلرنی توزهتهمیز.»
کابل ده «ستارگان تابان» خصوصی مکتب مسئوللریگه کوره، اوقووچیلرنینگ استعدادلری رواجلنیشی و جمعیتگه یخشی و فایدهلی نرسهلرنی یرهتیش مقصد، اوقووچیلرنی کیرهکسیز نرسهلردن فایدهلنیش بیلن ربات توزهتیشگه تشویق قیلهدیلر.
مذکور مکتب مدیرمسئولی پرویز احمدینینگ ایتیشیچه: «یگانه مقصدیمیز اوقووچیلرنینگ استعدادلرینی رواجلنتیریش دیر. ۳-صنفدن ۹-صنف اوقووچیلریگچه ۱۰۰دن آرتیق کیشی، بو لایحهده حصه قوشیب و بو ییرده پروژهلرینی نمایش گه قویه آلگنلر. ماشینلرگه نیازیمیز بار که اوقووچیلر کوپراق و کتهراق ایشلرنی قیلسهلر.»
شونینگدیک معارف وزیرلیگی مسئوللری، زمانهوی یا-ده رواجلنگن بیلیملردن افغانستاننینگ تعلیمی تیزیمی اوزاق قالگنیگه اشاره قیلیب و ایتیشیچه، اوسمیرلرنینگ ایجادکارلیک و یخشی برنامهلرینی حمایت قیلهدیلر.
بو توغریده تعلیمی آلینچی حوزهنینگ علمی اعضاسی فواد کاظمیگه کوره: «تعلیم و تربیه توزیمینینگ یالغیز مقصدی، الفبا اورگهنیلیشی بولمسلیگی کیرهک، اونده حصه قوشهدیگن اوقووچیلرنینگ فکری و رباتیک موضوعلری هم دنیا ده مهم دیر. افغانستان ده درس بیریلهدیگن موضوعلر دنیا تعلیمی توزیمیگه نسبت کوپ باشلنغیچ دیر. ینه هم یاشلر و اوسمیرلر تدبیرکارلیگیدن حمایت قیلهمیز.»
ایتیش کیرهک که، مذکور اوقووچیلر دستلبگی رباتلرینی ۱۲-عقرب، دوشنبه کونی کابل ده اتکزیلگن بیر کورگزمهده نمایش گه قویگنلر. مذکور اوقووچیلرنینگ ایتیشلریچه، کوپینچه عملی درسلر و امکانیتلر یرهتیلگنی صورتده، یخشیراق و فایدهلی نرسهلرنینگ توزهتیشلری ممکن.
