ایکینیچلیک، سوغاریش و چاروهچیلیک وزیرلیگی، قویاش ۱۴۰۴-ییلده مملکتده «ییر توت» یېتیشتیریش ۹ فایز کوپهیگنینی معلوم قیلگن.
اوشبو وزیرلیک، ۳۰-میزان، چهارشنبه کونی بیر بیانیه ترقهتیب، اوشبو قویاش ییلده مملکت مقیاسیده ۶۸۱ متریک تُن ییر توت یېتیشتیریلگن و اوتگن ییل گه قرهگنده ۹ فایز کوپهیگنیدن خبر بیرگن.
ایکینیچلیک، سوغاریش و چاروهچیلیک وزیرلیگینینگ بیانیهسیگه کوره، قویاش ۱۴۰۴-ییلده مملکت آلتی ولایتیده جمعی بیر مینگ ۸۱ هکتار ییرده ییر توت ایکیلگن و اېنگ کوپ بلخ، هرات و ننگرهار ولایتلریدن ییر توت ییغیلگن.
بیانیه اساسیده، بلخ، هرات و ننگرهار ولایتلریگه قوشیمچه بدخشان، پنجشیر و دایکندی ولایتلریده هم بو میوه یېتیشتیریلهدی.
ییر توت مملکتنینگ زراعتی مهم محصولاتلریدن بیری حسابلنهدی و اقلیم مناسبلیگی سببلی اونینگ ایکیش و یېتیشتیریشی کېنگهیماقده. بو میوه صفتی نقطهی نظردن خارجی محصولات بیلن رقابت قیلیب و مملکت ایچیده یخشی بازار گه ایگه.
ایکینچیلیک، سوغاریش و چاروهچیلیک وزیرلیگی محنتکارلرنی قۉللب-قوتلب و ساووقخانهلر قوریش بیلن مملکتده بو میوهنی رواجلنتیریش گه سعی-حرکت قیلماقدهلیگینی ایتگن.
