قندهار ولایتینینگ اسپینبولدک چیگرهسی آرقهلی، ۱۰ یاشر امید بیرینچی مرته افغانستان توپراغیگه قدم باسهدی. او پاکستان نینگ کراچی شهریده دنیا گه کیلگن.
مملکتیگه قیتیش توغریسیدهگی خورسندلیگینی بیان قیله آلمهگن امید؛ پاکستان پولیسینینگ ناتوغری یاندهشوویدن ناراحتلیگی و او ییردهگی دوستلری حقیده گپلشیب و ایتیشیچه: «ینگیلیکده پاکستان دن چیقریلدیک. حاضر اولکهمیز گه قیتگنمیز. درست اوقیب و کوپ نرسهنی اورگهنیشگه قرار آلگنمین که کیلهجگیمنی توزتسم و اهالی همده اولکهم گه خذمت قیلسم. گرچند دوست و صنفداشلریم او ییرده قالدی؛ بیراق بو ییر اولکهم دیر.»
اسپینبولدک چیگرهسیدن مملکت گه قیتریلگن قاچقینلر، حاضر قندهارنینگ تختهپل تومنیدهگی وقتینچهلیک قاچقینلر کمپیده حیات کیچیرماقدهلر. مذکور قاچقینلر پاکستان پولیسینینگ یامان یاندهشووی و او ییردهگی یامان خاطرهلرینی تیل گه کیلتیرهدیلر.
بیزلرنینگ «ایکس» ترماغی ده هم تعقیب قیلینگ!
اولرنینگ ایتیشلریچه، اویلری و برچه قیمتبها نرسهلری زوردن آلینیب و شونینگدیک قاچقینلردن قطاری ایسه عایلهلری یانلریده بولمهگنی بیرحالده، مملکتگه قیتیش گه مجبور بولگن.
بو توغریده پاکستان دن قیتریلگن قاچقینلردن نوراحمدنینگ ایتیشیچه: «پاکستان پولیسی کیکسه، یاش و کسل گه قرهمهیدی، یالغیز اسمی افغان بولگن کیشینینگ قولگه آلیب و اولر بیلن یامان یاندهشهدیلر. حتا قولگه آلینگن قاچقینلرگه آزیق-آوقتنی قیمت پول گه ساتهدیلر. آوقت اوچون پول بیریشیمیز کیرهک ایدی.»
شونینگدیک پاکستان دن قیتریلگن قاچقینلردن باشقه بیری عبدالرحماننینگ ایتیشیچه: «پاکستاننینگ کراچی شهریدن کیلدیک. حاضر یالغیز بیر تورلی کارتی بولگن کیشیلر اوچ آی اوی ییرده قاله آلهدی. باشقه کارتلر بیکار قیلیندی. هیچ قندهی کارتی بولمهگن کیشیلر یا حبس گه تشلنهدی یا-ده مملکتدن چیقریلهدی. مجبور بولمهگن کیشی او ییرده حیات کیچیرمسلیگی کیرهک؛ چونکه جودهیم یامان وضعیت بولگن.»
قندهار ده قاچقینلر و چیگره، قوم و قبیلهلر ریاستلریده مسئوللرگه کوره، اوتگن اوچ کونده پاکستان دن یوز عایله مملکت گه قیتریلگن و کونده بو رقم قریب ۳۰ عایلهگه ییتیشهدی.
شونینگدیک مذکور مسئوللرنینگ ایتیشلریچه، اوشبو قاچقینلردن قطاری پاکستان پولیسی تامانیدن قولگه آلینیب و حبسگه تشلهنیشدن کیین افغانستان گه یوباریلهدی.
قندهار ده چیگره، قوم و قبیلهلر باشلیغی عبدالبارینینگ ایتیشیچه: «مین کوردیم که قاچقینلردن قطاریده کارت بار ایکن؛ بیراق ینه هم چیقریلگن. مذکور قاچقینلرنینگ بیر قطار شکایتی بار. اسلام امیرلیگی تامانیدن برچه امکانیتلر تامینلنگن. شونینگدیک نهادلر یاردملری هم شفاف شکلده اولرگه ییتیشگن و کوپینچه یاردم بیریلیشی اوچون سعیوحرکت قیلماقدهمیز.»
بیزلرنینگ فیسبوک صحیفهمیزگه باش اورینگ!
اسپین بولدک چیگرهسی آرقهلی مملکت گه قیتریلهدیگن قاچقینلرنی ثبت قیلیش مسئولی عبداللطیف حکیمینینگ بو توغریده ایتیشیچه: «پاکستان تامانیدن افغانستانلیک قاچقینلرگه وقت بیریلگنیدن بویان، کونده ۳۰-۳۵ عایله مملکت گه قیتریلهدی. شونینگدیک اولر آرهسیده حبس گه آلینگنلر هم بار که کیین پاکستان دولتی آرقهلی قوییب یوباریلیب و مملکت گه قیتریلگن.»
پاکستان ۲۰۲۵-ییل بیرینچی اپریلدن بویان، افغانستانلیک قاچقینلرنی چیقریش پروسهسینی باشلهگن. اسلام امیرلیگی نیچه مرته بو توغریده پاکستان تامانی بیلن صحبت قیلگنی بیرحادلده، بیراق کورینیشیدن بو صحبتلر نتیجه بیرمهی و شونینگدیک قاچقینلرنینگ چیقریلیش پروسهسی دوام قیلماقده.
شونینگدیک خلقارا سطحیده هم پاکستاننینگ بو اقدامیگه نسبت تنقیدلر کوپهیگن و خلقارا نهادلرگه کوره، پاکستان رسمیلری و کوچلری قاچقینلرنی چیقریش جریانیده خلقارا قاچقینلیک قاعده-قانونی و انسانی ارزشلرنی رعایت قیلمهی و افغانستانلیک قاچقینلر بیلن یامان شکلده یاندهشیب، اولرنینگ قولگه آلیب و افغانستان گه قیترهدی.
