ساغلیق‌نی سقلش وزیرلیگی مسئوللری نینگ ایتیشلریچه، اوتگن میلادی آی‌ده افغانستان ده ۲۶۵ مورد کانگو کسل‌لیگی ثبت بولیب و اوندن آلدینگی آی گه قره‌گنده تورت فایز کوپه‌یگنی نی کورسته‌دی که می آیی‌ده ۸۴ مورد کانگو کسل‌لیگی ثبت بولگن.
اوشبو وزیرلیک سوزلاوچیسی شرافت زمان نینگ ایتیشیچه، جاری میلادی ییل نینگ باشلنگنی‌دن حاضرگچه کانگو کسل‌لیگی طفیلی ۲۱ کیشی جان بیرگن. اونینگ کوپه‌یتیریشیچه: «جاری میلادی ییل نینگ باشلنگنی‌دن حاضرگچه کانگو کسل‌لیگی طفیلی ۲۱ کیشی جان بیرگن؛ می آیی‌ده ۸۴ مورد کانگو کسل‌لیگی ثبت بولگن و کیینگی آی‌ده ایسه ۲۶۵ مورد ثبت بولیب و تورت فایز کوپه‌یگنی نی کورسته‌دی.»
بیزلرنینگ «ایکس» ترماغی ده هم تعقیب قیلینگ!
کابل نینگ انتانی کسل‌خانه‌سیده‌گی کانگو کسل‌لیگی گه چلینگن کسل‌لردن قطاری نینگ ایتیشلریچه، کنه چاقیشی بیلن بو کسل‌لیککه چلینگنلر.
قصاب‌لیگی بولگن و کانگو کسل‌لیگی گه چلینگن همایون نینگ ایتیشیچه: «قربان هییت بیرمی‌ده قربان‌لیک قیلدیم و مذکور چاروه‌ده کنه‌سی بار ایکن و کنه منی چاقدی؛ نیچه کوندن کیین بو کسل‌لیککه چلیندیم.»
شونینگدیک نیچه کوندن بیری کانگو کسل‌لیگی گه چلینگن اکرم نینگ ایتیشیچه، توجه‌سیزلیک و ساغلیک توصیه‌لر نی رعایت قیلمسلیگی سبب بو کسل‌لیککه چلینگن. اونینگ کوپه‌یتیریشیچه: «باشقه یشاوچیلردن چاروه‌لر یانیگه باریشلری پیتده، قول و یوزلری نینگ یاپیشلری و اونینگ یانیگه بارگنلریدن کیین قوللری نی یوویشلرینی ایسته‌یمن که بو کسل‌لیککه چلینمه‌سینلر.»
کانگو یوقمه و اولدیره‌دیگن بیر کسل‌لیک دیر که کنه نینگ چاقیشی بیلن چاروه ایچی گه کیریب و اوندن کیین چاروه گه یقین بولیش یا-ده اونینگ افلاسلنگن گوشتی‌دن قوللنیش بیلن انسان گه اوته‌دی.
شفاکارلردن قطاری قتیق ایسیتمه، باش آغریق، جان آغریق، بیل آغریق، کوز نینگ قیزریشی، افسرده‌لیک و غضب‌لنیش نی کانگو کسللیگیگه چلینیش اصلی سبب‌لریدن دیگنلر.
بیزلرنینگ فیسبوک صحیفه‌میزگه باش اورینگ!
انتانی کسل‌خانه‌سیده‌گی متخصص ترینر فرید‌الله عمری، اهالی‌دن کانگو کسل‌لیگی گه چلینمسلیک اوچون، ساغلیک توصیه‌لر نینگ رعایت قیلیشلری نی ایسته‌گن. اونینگ کوپه‌یتیریشیچه: «قولیمیز یره‌لنگنی صورت‌ده، چاروه گه یقین بولمسلیگی‌میز کیره‌ک و شو رقم چاروه نی حلال قیلیش پیتده، دست‌کش، عینک و ماسک‌دن قوللنیب و بو رقم کانگو کسل‌لیگی خوفی‌دن امان قاله‌یلیک.»
شونینگدیک اوتگن ییل بیر مینگ ۲۴۴ مورد کانگو کسل‌لیگی افغانستان ده ثبت بولیب و قریب ۱۰۰ کیشی بو کسل‌لیککه چلینیش طفیلی جان بیرگن.
