اسلام امیرلیگی ساغلیق‌نی سقلش وزیرلیگی سرپرستی نورجلال جلالی، خلق‌ارا ساغلیق‌نی سقلش تشکیلاتی‌دن افغانستان ساغلیق سکتوری بیلن قوشمه شکلده ایشلشینی ایستهگن.
ساغلیق‌نی سقلش وزیرلیگی سوزلاوچیسی شرافت زمان امرخیل، بوگون (۲۹-عقرب، سه‌شنبه)، اوز اکس صحیفه‌سیده بیر بیانیه آرقه‌لی یازیشیچه، جلالی بو موضوع نی خلق‌ارا ساغلیق‌نی سقلش تشکیلاتی نینگ منطقه‌یی ایشلری بوییچه مدیری حنان حسن بلخی و اونینگ همراه هیئتی بیلن اوچره‌شگنی‌ده بیان قیلیب و افغانستان ساغلیق سکتوری بیلن یاردم‌لری دوامی نی ایستهگن.
بیزلرنینگ «ایکس» ترماغی ده هم تعقیب قیلینگ!
امرخیل نینگ کوپه‌یتیریشیچه، اوشبو اوچره‌شووده ایکی تامان دوالنیش خذمتلری ارائه‌سی نینگ کینگه‌یشی، پولیو واکسینی تطبیق بولیشی و افغانستان ساغلیق بولیمی‌ده خلق‌ارا یاردم‌لرنی قولگه کیلتیریش خصوصیده صحبت قیلگنلر.
بیانیه‌ده کیلیشیچه، خلق‌ارا ساغیلق‌نی سقلش تشکیلاتی و بو تشکیلات گه تیگیشلی باشقه نهادلر، افغانستان ده ساغلیق سکتوری رواجلنیشی خصوصیده همکارلیک قیلیش گه سوز بیرگنلر.
بیزلرنینگ فیسبوک صحیفه‌میزگه باش اورینگ!
شونینگدیک اوتگن کون، اسلام امیرلیگی تشقی ایشلر وزیرلیگی سرپرستی امیرخان متقی، خلق‌ارا ساغیلق‌نی سقلش تشکیلاتی آرقه‌لی افغانستان ساغلیق سکتوری رواجلنیشی و تمویل بولیشی نی ایستهگن ایدی.
افغانستان ساغلیق‌نی سقلش سکتوری، کوپراق دنیا یاردم‌لری گه تیگیشلی بولگن بولیم‌لردن دیر. اوتگن اوچ ییل‌ده اسلام امیرلیگی رسمی‌لری نیچه مرته مملکتلر و خلق‌ارا نهاد‌لردن افغانستان ساغلیق‌نی سقلش سکتوری بیلن همکارلیک بولینیشینی ایستهگن.
