اجتماعی ترماق‌لر قریب بیر سنه دن بېری افغانستانده یاشلر نینگ حیاتی بیر بولیمی گه اۉزگریب و یاشلر بوندن تورلی خیل فایده‌لنماقده‌لر. یاشلردن بیرقطاری وقت اۉتکزیش و ایشدن قوچیش اوچون اجتماعی ترماق‌لردن فایده‌لنماقده و باشقه بیرقطاری هم اوقیش و مهارت‌لرینی آشیریش مقصدیده.
بو گزارش ده ۱۳ قیز و ییگیت بیلن صحبت قیلینگن اولر نینگ کوپینچه‌سی بیر کیچه-کوندوز ایچیده تورت-بیش ساعت‌‌لرینی اجتماعی ترماق‌لردن فایده‌لنیشگه اۉتکزه‌دیلر. اولر نینگ ییتّی نفری فکر-ملاحظه‌لری، ایده، تجربه، معلومات‌لرینی شریک قیلیش و مهارت‌لرینی آشیریش اوچون اجتماعی ترماق‌لردن قوللنه‌دیلر، آلتی نفری اېسه ایشدن قوچیش اوچون.
بامیان‌لیک حسیبا تاتاری، آلتینچی صنف دن یوقاری قیزلر نینگ مکتب باریشی تقیق‌لنگچ، یازیش گه یوز کېلتیرگن ایتیشیچه، اجتماعی ترماق‌لر یازوولرینی باشقه‌لر بیلن شریک قیلیش اوچون یخشی فرصت دیر. او هر کونی ۶-۷ ساعت نی اجتماعی ترماق‌لردن قوللنیش ده اۉتکزه‌دی. اونینگ کوپه‌یتیریشیچه: «آنلاین اکادمیه تأسیس قیلگن‌میز هم سبق اورگته‌من و هم اوقیمن؛ شونینگدیک آنلاین کتاب‌خانه توزه‌تگن‌میز آنلاین شکلده یاشلر گه کتاب ساته‌من؛ شعر و رومان یازیب و گروپ‌لرده شریک قیله‌من.»
بیزلرنینگ فیسبوک صحیفه‌میزگه باش اورینگ!
اجتماعی ترماق‌لر علیحده ویژه‌لیک‌لری بیلن، وقت اۉتکزیش یانیده انسان‌لر اوچون یخشی فرصت‌لرنی یره‌تیب و قنده‌ی قوللنیش انسان‌لر نینگ اۉزی گه باغلیق دیر.
تخارلیک ۲۴ یاشر وحیده، اجتماعی ترماق‌لر ارا انستاگرام و فیسبوک دن کوپراق قوللـه‌نیشینی اېته‌دی. اونگه کوره، دستلب اجتماعی ترماق‌لردن وقت اۉتکزیش اوچون قوللـه‌نردی؛ بیراق حاضرگی کونده کوپراق اورگه‌نیش برنامه‌لرنی اېزله‌یدی. «دستلب یالغیز وقت اۉتکزیش اوچون اېزلر اېدیم؛ بیراق حاضر اجتماعی ترماق‌لردن تیکووچیلیک، گل‌دوزلیک و مهارت‌لریمنی آشیریش اوچون قوللنه‌من.»
اجتماعی ترماق‌لردن قوللنه‌دیگن کوپینچه کیشی‌لر ارا اولردن بیرقطاری وقت اۉتکزیش و باشقه ایشلری یوق‌لیگ طفیلی، اجتماعی ترماق‌لردن قوللنیش گه یوز کېلتیرگن.
تخار بیلیم یورتی انگلیسچه ادبیات فاکولته‌سیدن فارغ بولگن احسان حیدری گه کوره، ایش‌سیزلیک طفیلی کوپینچه وقتینی اجتماعی ترماق‌لردن قوللنیش ده اۉتکزه‌دی. اونینگ ایتیشیچه: «هر کونی ۴ دن ۵ ساعت اجتماعی ترماق‌لردن قوللنه‌من و باشقه ایشیم یوق‌لیگی اوچون اجتماعی ترماق‌لردن قوللنه‌من.»
بیزلرنینگ «ایکس» ترماغی ده هم تعقیب قیلینگ!
کابل‌لیک حبیب‌الرحمان اوچ ییل آلدین بدخشان بیلیم یورتی ادبیات و اجتماعی بیلیم‌لر فاکولته‌سیدن فارغ بولگن و حاضرگچه ایش‌سیز دیر، ایش‌سیزلیک و وقت اۉتکزیش اوچون اجتماعی ترماق‌لردن قوللـه‌نیشینی اېته‌دی. اونینگ کوپه‌یتیریشیچه: «بیر ییگیت اوله‌راق ۱۶ ییل درس اوقیدیم؛ بیراق ایش‌سیزلیک طفیلی کوپینچه وقتیمنی فیسبوک دن قوللـه‌نیشده اۉتکزه‌من؛ آدم ایش‌سیز بولگن حالده وقتینی هر جای ده اۉتکزیش گه مجبور بوله‌دی.»
شو بیلن بیرگه ایش بیلرمان‌لر نینگ ایتیشلریچه، اجتماعی ترماق‌لر گه یوز کېلتیریش آدملر نینگ اوقیش و باشقه اونملی ایش‌لردن اوزاق‌لشتیره‌دی. بو استه-سیکین یاشلر نینگ روحی سلامت‌لیگی اوستیگه سلبی تأثیر قیلیشی ممکن.
جمعیت‌شناس و بیلیم یورت استادی راشد صدیقی گه کوره: «روحی‌میز اوستیگه تأثیر قیله‌دی و روحی‌میزنی کنترولدن چیقره‌دی؛ ایکّینچیدن وقتی‌میز ناحق ضایع بوله‌دی.» صدیقی جنابلری نینگ کوپه‌یتیریشیچه، اجتماعی ترماق‌لردن کوپ قوللـه‌نیش اجتماعی مناسبت‌لر گه نقصان یېتکیزه‌دی.
جمعیت‌شناس‌لردن باشقه بیری جمال‌الدین سلیمانی، افغانستانده اجتماعی ترماق‌لردن ناتوغری قوللـه‌نیلیشی یاشلر نینگ تربیه‌سی اوستیگه تأثیر قیلیشینی اېته‌دی.
افغانستان اهالیسی اینیقسه یاشلر نینگ کوپینچه‌سی اورگه‌نیش و وقت اۉتکزیش اوچون اجتماعی ترماق‌لردن قوللنه‌دی. بیلرمان‌لر نینگ ایشانچی گه کوره، اجتماعی ترماق‌لر نینگ زیان‌لرینی کمه‌یتیریش اوچون قوللـه‌نیش طرزی فرهنگ‌سازلیک بولیشی کېره‌ک.