سونگی کونلردهگی یاغینگرچیلیکلردن کیین، مملکتگه قیتگنلردن قطارینینگ ایتیشیچه، هوا ساووقلیگی، ایشسیزلیک و دستلبکی امکانیتلردن آزراق فایدهلنیش، حیات کیچیریشنی اولرگه قیینلشتیرگن.
ینگیلیکده پاکستان دن چیقریلیب و مملکت گه قیتگن میدانوردک یشاوچیسی میرگلنینگ ایتیشیچه، برچه نرسهسی چیگره اوتامانیده قالیب و حاضرگچه کمپده حیات کیچیرهدی. اونینگ کوپهیتیریشیچه: «برچه نرسهمیز او ییرده قالدی؛ دولتدن آرام بیر حیاتگه ایگه بولیشمیز اوچون بیر باشپنه قوریب بیریشی و امکانیت یرهتیشینی ایستهیمیز.»
ننگرهار یشاوچیسی صفتاللهنینگ ایتیشیچه، پاکستان دن چیقریلگنیدن کیین یامان بیر وضعیتده قالیب و حیات خرهجتلرینینگ توللش امکانیتینی قولدن بیرگن. «کرایی بیر اویده حیات کیچیرهمیز و اونینگ کرایهسی هم جوده یوقاری دیر؛ ایش یوق و اوی کرایهسینی توله آلمهیمیز.»
شونینگدیک ایکی آی آلدین پاکستان دن چیقریلگن لغمان یشاوچیسی حمداللهنینگ ایتیشیچه: «خیمهده حیات کیچیرهمیز، هوا جوده ساووق بولگن؛ هیچ طاقت قیلیب بولمهیدی. دولت ییر بیرگن؛ بیراق اوی قوریشگه کوچیمیز ییتیشمهیدی.»
مملکت گه قیتگن مذکور کیشیلر، اسلام امیرلیگی و یاردم بیرووچی نهادلردن باشپنه قوریلیشی و ایش زمینهسی یرهتیلیشینی سورهگنلر.
بو بیلن بیرگه، قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، اوتگن کون ایران و پاکستان دن ایکی مینگ ۵۱۵ افغانستانلیک چیقریلیب و بیش چیگره قتناو یولی آرقهلی مملکت گه قیتگن.
بوندن آلدین،خلقارا قاچقینلر تشکیلاتی، افغانستان گه قیتگنلردن یالغیز ۱۱ فایزینینگ ایش امکانیتلریدن فایدهلنه آلیشی و مملکت گه قیتهدیگن هر تورت کیشیدن بیرتهسینینگ ایستهدیگنلری ییرده، جایلشه آلمسلیکلرینی معلوم قیلگن.
بو تشکیلاتنینگ معلوماتی اساسیده، ۲۰۲۳-ییل سپتمبر آییدن ۲۰۲۴-ییل یکونیگچه، کمیده ایکی میلیون ۴۰۰ مینگ افغانستانلیک، ایران و پاکستان دن قیتگن.
