سونگی بیر ییلده، ایران و پاکستان دن افغانستانلیک قاچقینلرنینگ قیتیشی کوچهیب و یوزلب مینگ کیشی کیلهجکلری بیللی بولمهگنی بیرحالده، بیر لقمهنان و باشپنه تاپیش اوچون ترک ایتگن جایلریده قیته قوریشگه مجبور بولگنلر.
پاکستان دن افغانستانلیک قاچقینلر جبری شکلده چیقریلیشینینگ بیرینچی باسقیچی اوتگن ییل عقرب آییده باشلنیب و اونده، بیر میلیون ۳۰۰ مینگ کیشی افغانستان گه قیتریلگن. قاچقینلر وزیرلیگینینگ معلوماتی اساسیده، بو جریاننینگ ایکینچی باسقیچی جاری ییل حمل آییده باشلنیب و ۱۵-اسدگچه پاکستان دن افغانستان گه ۲۰۰ مینگدن آرتیق کیشی جبری شکلده قیتریلگن.
پاکستان دن کیین، شونینگدیک ایران هم افغانستانلیک قاچقینلرنینگ چیقریلیش جریانینی کوچهیتیرگن. جاری قویاش ییل جوزا آیینینگ باشیدن حاضرگچه، بو مملکتدن ۷۶۰ مینگدن آرتیق کیشی افغانستان گه قیتریلگن.
بیزلرنینگ فیسبوک صحیفهمیزگه باش اورینگ!
افغانستاننینگ شمال، شرق و غرب حوزهلریده، نیچه آی آلدین اولکه گه قیتریلگنلردن قطارینینگ ایتیشلریچه، اویسیزلیک و ایشسیزلیکدن اذیت چیکهدیلر.
نیچه ییل آلدین نبیرهلری نیازلرینی تامینلش مقصد ایران گه کیتگن تخار یشاوچیسی و اوچ کیشیلیک عایله سرپرستی بولمیش بیبینثاری، بو مملکتده ییللر ایشچیلیک قیلیشدن کیین، نیچه آی آلدین افغانستان گه قیتریلگن. او، سرپرست حکومتدن مملکت گه قیتریلگنلر اوچون باشپنه و ایش زمینهسی یرهتیلیشینی ایستهگن. «دولتدن بیزلرگه ایش تاپیلیشینی ایستهیمیز، بیزلرگه نان و کییم بیریشلری نی ایستهیمیز. باشقه ایستهگیمیز یوق. اوییمیز هم یوق و بیر خدام بار و اوچ ته نبیرهم بار خلاص.»
افغانستان گه نیمروز ده جایلشگن پلابریشم چیگره قتناو یولیدن نیچه آی آلدین قیتریلگن بلخ یشاوچیسی بولمیش عزیزالله، ایشچیلیکدن شکایت قیلیب و ایتیشیچه: «ایش ییریدن قولگه آلدیلر و قیغو بیلن افغانستاننینگ اقتصادی وضعیتی جودهیم ضعیف دیر. اقتصادی وضعیت اوچون کیتگن ایدیک. افغانستان گه قیتگنیمیزدن بیری قیغو بیلن هفتهده فقط ایکی کون ایش تاپه آلهمن و باشقه کونلر ایشسیز قالهمن.»
نیچه پیت آلدین ایران دن قیتریلگن غزنی یشاوچیسی بولمیش شبنمنینگ ایتیشیچه، تورموش اورتاغی ایشسیز بولیب و اوزی هم عیاللر ایشیگه یرهتیلگن چیکلاولر سبب، افغانستان ده ایشیگه دوام بیره آلمهیدی. «عایله اعضاسیدن برچهسی ایشسیز دیر و تورموش اورتاغیمنینگ هم ایشی یوق. عیاللرگه ایش شرایطی اصلا یوق و مین اوزیم آرایشگرلیکنی بیلهمن؛ لیکن بو ییرده آرایشگرلیککه رخصت بیریلمهیدی.»
اون آی آلدین پاکستان دن چیقریلگن ننگرهار یشاوچیسی جانمحمدنینگ ایتیشیچه، برچه نرسهسی او ییرگه قالگن. اونینگ کوپهیتیریشیچه، سرپرست حکومت اولرگه اوی و ایش زمینهسی یرهتیلیشیده ایشانچ بیرگن ایکن؛ لیکن اون آی اوتگنی بیلن، بو سوزلر عملگه آشیریلمهگن. اونگه کوره: «بیللی بیر ایشیم یوق. بیران ییردن بیران ایش تاپیلهر دیب کوتیب تورگنمیز. بیزلردن کیلیب سورهلمهگن که اوییلرینگیز بار می یوق دیب.»
اقتصادی قیینچیلیکلر و ایش خوفسیزلیگینینگ قویی سطحی بیلن قرشی کورهشه یاتگن بیر جمعیتده میلیونلب قاچقیننینگ قیتیشی، حکومت گه یوز بیرگن بو وضعیتنینگ مدیریت بولیشینی قیینلشتیرگن که اوشبو وضعیت، خلقارا نهادلر اینیقسه بیرلشگن ملتلر تشکیلاتی همکارلیگینی طلب قیلهدی.
بیزلرنینگ «ایکس» ترماغی ده هم تعقیب قیلینگ!
قاچقینلر قیینچیلیگیگه ییتیشیش بوییچه عالی کمیسیونی مسئوللرینینگ ایتیشلریچه، ایران و پاکستان دن قاچقینلرنینگ جبری شکلده چیقریلیش جریانی باشلنگنیدن حاضرگچه، مذکور ایکی مملکتدن قریب اوچ میلیون کیشی افغانستان گه کیلگن. اوشبو کمیسیون سوزلاوچیسی احمدالله وثیقنینگ ایتیشیچه، اسلام امیرلیگی قیتگنلرگه ایش و باشپنه زمینهسی یرهتیلیشی مقصد، بیر قطار برنامهلری بار. جناب وثیقنینگ کوپهیتیریشیچه: «خدمت کورسهتووچی کمیته، حکومت امکانیتیده بولگن برچه خذمتنی مملکت گه قیتگنلر اوچون کورستگن و اوزون مدتدهگی اسلام امیرلیگینینگ برنامهلری، افغانستانلیک قاچقینلر اوچون ایش و باشپنع زمینهسینی یرهتیش دیر.»
شوندهی بیرحالده، قاچقینلر حقوقی فعاللریدن قطارینینگ اورغولشیچه، خلقارا نهادلر ایش و باشپنه یرهتیلیشی توغریسیده، مملکت گه قیتگنلرگه یاردم بیریشی کیرهک. قاچقینلر حقوقی فعاللریدن آصفه استانکزینینگ ایتیشیچه: «ییر ترقهتیلیشی، آز خرهجتلی یشش لایحهلر یرهتیلیشی، عاجل نیازلردن دیر و ایکینچیلیک فن و مسلک اورگهتیش برنامهلری، قول صناعتی و ایکینچیلیک لایحهلری آرقهلی ایش فرصتلرینی یرهتیش بیلن، مهاجرلرنینگ خودکفالیگیگه یاردم بیره آلهدی و بو بولیمده خلقارا نهادلرنینگ همکارلیگی نیاز دیر.»
قاچقینلر وزیرلیگی مسئوللریگه کوره، یالغیز جاری قویاش ییل باشلنگنیدن بویان، ایران و پاکستان دن بیر میلیون ۴۰۰ مینگدن آرتیق کیشی جبری شکلده افغانستان گه قیتریلگن.
