افغانستان اولاق لیگی آلتینچی باسقیچی فاینلیده، یما پترول اولاق تیرمه جماعهسی اوشبو مسابقهلرنینگ ساورینداری اعلام بولدی.
بوگون (۲۶-قوس، دوشنبه) کابل شهری حدودلریگه قرهشلی «یکه توت» منطقهسیده فاریاب یاشلری و بدخشان اولاق تیرمه جماعهلری، اوچینچی و تورتنچی اورین اوچون بیلشدیلر.
بو مسابقهده، ایکّی جماعه رسمی وقتلرده ۲-۲ حسابی بیلن مساوی گه تن بیردیلر و اضافه وقتلرنینگ سۉنگیده، فاریاب یاشلری غالبلیک اولاق نی بیلگیلنگن دایرهگه تشلش گه اولگوریب و بدخشان گه ۳-۲ حسابی بیلن غلبه قازاندیلر.
بیزلرنینگ فیسبوک صحیفهمیزگه باش اورینگ!
اوشبو مسابقهلرنینگ فاینلیده، یما پترول رقیبی بولگن سرپل اولاق تیرمه جماعهسی ایریم دلیللر طفیلی مسابقهده حاضر بولمهگنی اوچون، مسابقه ۳-۰ حسابی بیلن یما پترول نفعی گه حسابلندی. شو اساسده یما پترول بیرینچی، سرپل ایکّینچی، فاریاب یاشلری اوچینچی اعلام بولدی.
افغانستان اولاق لیگی آلتینچی باسقیچی یریم فاینلیده یما پترول، بدخشان اولاق تیرمه جماعهسی و سرپل اېسه فاریاب یاشلری گه غلبه قازانیب و اوشبو مسابقهلرنینگ فاینلیستی بولگن اېدیلر.
بو ییل مملکت اولاق ملی لیگینینگ آلتینچی باسقیچیده، اولکه اولاقچیلری گه قۉشیمچه قرغیزستان و تاجیکستان کبی مملکتلردن اولاقچیلر قتنشگن و تورلی ولایتلردن ۱۱ جماعه اشتراک اېتگن اېدیلر.
بیزلرنینگ «ایکس» ترماغی ده هم تعقیب قیلینگ!
افغانستان اولاق لیگی آلتینچی باسقیچی ۱۴۰۳-ییل ۱۵-قوس، رسمی طرزده پایتخت کابل شهری حدودلریگه قرهشلی «یکه توت» ده باشلنیب و اوشبو قویاش ییلنینگ ۱۶-قوس کونیگچه دوام تاپدی.
اولاق بیلشوولری هر ییلی کوز، قیش و کوکلم موسملریده مملکت اینیقسه شمالی ولایتلرده اۉتکزیلهدی.
اولاق بیلشووی افغانستان شمال ولایتلری اینیقسه تورکتبارلرنینگ ایسکی عنعنهلریدن سنلهدی.
