ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبهه‌لی ۱ مینگ و ۴۷۶ واقعه تیکشیریلگن، کیم بولردن ۲۱۲ ته‌سی ایجابی انیق‌لنگن و شونینگدیک بو مدت ده کرونا گه چلینگن ۱۶ کسل جان بیرگن.
ساغلیک وزیرلیگی نینگ گزارشی اساسیده، اوتگن بیر کیچه و کوندوز ده ۲۳ کسل دارولنگن.
مذکور ینگی واقعه‌لر ۱۶ ولایتده قید ایتیلگن. جان بیرگن‌لردن ۶ ته‌سی کابل، اوچ اوچ ته‌سی هرات و بلخ و شونینگدیک باشقه بیر بیرته‌سی ننگرهار، قندوز، لوگر و غزنی ولایت‌لریگه تیگیشلی دیر.
ساغلیک وزیرلیگی نینگ معلوماتی گه کوره، مملکتده حاضرگچه ۴۵ مینگ و ۴۹۰ کیشی کرونا ویروس گه چلینگن، کیم بولردن ۱ مینگ و ۷۲۸ ته‌سی جان بیرگن.
شونینگدیک حاضرگچه کرونا گه چلنیگن ۳۶ مینگ و ۱۴۵ کیشی دارولنگن.
شونده‌ی بیرحالده، دنیا ده ۶۰ میلیون دن آرتیق کیشی کرونا گه چلینگن، کیم بولردن ۱ میلیون و ۴۱۶ ته‌سی جان بیرگن.
