کابل شهری کوتهیسنگی منطقهسینینگ گوجوم بازاریده موترلر سیسی بیلن ساتووچیلرنینگ توارلری ساتیلیشی اوچون چقیریقلری و یولاوچیلرنینگ اوتیب-قیتیشی آرهسیده، بیر ایرکک نازک و ایسکیرگن بیر گیلمچه اوستیگه اولتیریب و دقت بیلن باشقهلرنینگ بوتلرینی تیکیب و رنگلمقاده.
او اسمینی احمد دیب و ایتیشیچه، صناعتچی ایکن و اسلام امیرلیگی تامانیدن موسیقه بولیمیده ایشلشنینگ تقیقلنگنیدن سونگ، دسترخوانی اوستیگه بیر لقمه نان آلیب باریش و موسیقه چلیش فکریدن اوزاق بولیش اوچون بوت تیکیشگه یوز کیلیترگن.
موسیقه بولیمیده ۳۰ ییل تجربه گه ایگه بولگن احمدنینگ کوپهیتیریشیچه، صناعت ساحهسیده ایشینی قولدن بیریش حیاتینی اوزگرتیریب، عایله نیازلرینی تامینلشده امکانیتینی اورتهدن کیتگزگن. اونینگ کوپهیتیریشیچه: «۱۶ یاشرلیکده اهالینینگ خوشلیک مراسملریده موسیقه چلیشگه باشلهدیم. اوشه پیتلرده هر بیر توی و مراسمده ایکی-اوچ مینگ درآمدیم بار ایدی و روزغاریم یخشی ایدی.»
بیزلرنینگ «ایکس» ترماغی ده هم تعقیب قیلینگ!
احمد، صناعت بولیمیده ایشیدن اوزاق بولگنی و عایله نیازلرینی تامینلشده امکانیتسیزلیک سبب، اوینی ساتیب و کرایی جایلرده حیات کیچیریشنی چیدهش گه مجبور بولگن. «اوییمیز بار ایدی، قولیمدن کیتدی؛ چونکه بیراز قرضدار بولدیم و کیین قولیمدهگی بار پول هم یکونلندی.»
مذکور صناعتچیگه کوره، موسیقه ساحهسیدن اوزاقلش حیاتی یولینی اوزگریشگه علاوه، اونده ساغینچ و اجتماعدن اوزاقلش حسینی هم اویغتگن. «تبله چلهر ایدیم و ایشیمگه قیزیققن ایدیم. حاضر مینی اوچون بو ایش کوپ قیین؛ چونکه مینده ساغینچ حسینی اورته گه کیلتیرگن.»
احمد، هر کونی ایرتهلب ساعت سکیزده ایش امیدی بیلن چهارقلعهی چهاردهی منطقهسیدن بو ییرگه کیلیب و ایش اوسکونهلرینی قرشیسیگه تیریش بیلن، بیری کیلیب بوتینی رنگلش یا-ده تیکیشینی کوتیب تورهدی.
احمدنینگ قولی حاضر موسیقه اوسکونهلری اورنیده برس و بوت تیکیش اوسکونهلری بیلن اورگهنیب، تیز و راحت بیر شکلده بوتلرنی برس اورهدی. «بیران کون ایشی بار و بیران کون ایش یوق. اوییمیز کرایی دیر، بعضا اوی کرایهسی و بعضا ایسه برق و سوو پولینی تامین قیله آلمهیمن.»
بیزلرنینگ فیسبوک صحیفهمیزگه باش اورینگ!
احمددن قولگه کیلتیرهدیگن درآمدی توغریسیده سوال قیلگنیده، کوزلریگه یاش اَیلنهدی و باغزی تولیب ایتیشیچه، کونده ۷۰-۸۰ افغانی ایشلهیدی که بو پول حتا ییتی کیشیلیک عایلهسیگه قوروق نان آلیب باریش اوچون هم ییترلی ایمس. «بعضا ۷۰ و بعضا هم ۸۰ افغانی قولگه کیلتیرهمن. اوتگن کونی ۳۰ افغانی ایشلهگن ایدیم و اوشه پول بیلن اویگه کیتدیم. اوی قیینچیلیکلرینی قندهی حل قیلسم دیب تشویشگه قالگنمین.»
سونگی نیچه ییلینی بوت تیکیشدن تاپگن آز درآمد بیلن حیاتینی اوتکزگن احمدنینگ کوپهیتیریشیچه، عایله نیازلرینی تامینلش توغریسیدهگی قیینچیلیک سبب، ساغلیگیگه توجه قیله آلمهیدی. «کوپینچه پیت آچلیقنی چیدهیمن که بو رقم اویگه بیران نان آلیب بارهی، ساغلیق قیینچیلیگیم بار، معدهم و ایاقلریم آغریدی؛ بیراق چاره یوق. فیس بیریش و دارو ساتیب آلیشگه پولیم یوق.»
کون یریمگه یقینلشر ایکن، احمد ینه بیر ایش کونیگه امید بیله قرهیدی که بو رقم، یولاوچیلرنینگ تینیمسیز قتنهشووی آرهسیده بیران مشتری اونینگ آلدیگه بارسه. مذکور بوت تیکووچینینگ روزغاری، شرایط اوزگرگنی و آز درآمد بیلن ایشلش سبب حیات نیازلرینی تامینلشده قیینچیلیک بیلن روپهره بولگن مینگلب ایرککنینگ ایتمهگن حکایهسی دیر.
