پایتخت کابل شهریده سودا و صناعت اتاقی تامانیدن ۲۳-قوس/۱۴-دیسمبر، یکشنبه کونی، «شین لاری» آتیده قول صناعتی ایکی کونلیک کورگزمهسی آچیلدی.
عیاللر سودا و صناعت اتاقینینگ مدیره هیئت باشلیغی فریبا نوری گه کوره، شین لاری کورگزمهسی تدبیرکار عیاللرنی قۉللب-قوتلش و اولرنینگ توارلریگه بازار قیدیریش اوچون اۉتکزیلگن.
او شوندهی دیېدی: «بو کورگزمه عیاللر سودا و صناعت اتاقی ایش بولیمی دیر – عیاللرنی سودا توزیلمهسی مقصدیده بیرلشتیریشی ممکن؛ اوشبو کورگزمه عیاللرنینگ مالی حمایتی بیلن اۉتکزیلگن.»
عیاللر سودا و صناعت اتاقینینگ بشری منبعلر آمری تهمینه منگل گه کوره، اوشبو کورگزمهده بغلان، پروان، بدخشان، کاپیسا و پکتیکا ولایتلریدن تدبیرکار عیاللر، قول صناعتینی کورگزمه گه قویلگنلر.
اونگه کوره: «اوشبو کورگزمهنی عیاللر یانیده فعالیت گه دوام بیریش اوچون یخشی نیت بیلن آچدیک؛ تورلی محصولاتلر کورگزمه گه قوییلگن؛ بو یول آرقهلی تدبیرکار عیاللر بیلن علاقه قوریش اوچون عیاللر اشتراک ایتگنلر.»
شو بیلن بیرگه، شین لاری کورگزمهسیده قول صناعتلرنی کورگزمه گه قویگن عیاللردن بعضیلری، محصولاتلری سوداسی و بازار قیدیریش اوچون بو کبی کورگزمهلر اۉتکزیلیشینی اونیملی بیلهدیلر.
قول صناعتینی کورگزمه گه قویگن پکتیکالیک برشنا شوندهی دیېدی: «گند افغانی ساتهمن؛ یشاوچیلردن بو کورگزمه گه کیلیب و تدبیرکار عیاللرنی قۉللب-قوتلشلرینی اېستهی من.»
تدبیر کار عیاللردن بولمیش زهرا محمدی، شین لاری کورگزمهسی یکونیده یخشی درآمد قیلیشگه امیدوارلیک بیلدیرهدی. «چیزگنلریمنی کورگزمه گه قویگن من؛ اهالی ترغیب و حمایت قیلسهلر، بوندن یخشیراق ایشلب و ترغیب بولهمیز.»
شین لاری کورگزمهسیده چمهسی ۶۰ عیال ۳۰ میزده، قول صناعتلری جملهدن عیاللر و ایرککلر گه عاید کییم-کیچک، قیمت و یریم قیمتبها تقینچاقلر، کلچه و «گند افغانی» کییملرینی نمایش گه قویگنلر.
