اسلام امیرلیگی سوزلاوچیسی ذبیح‌الله مجاهد‌نینگ ایتیشیچه، قندهار ده اسلام امیرلیگی رهبری شیخ هبت‌الله آخوندزاده رهبرلیگی‌ده، امنیتی ییغیلیش اوتکزیلگن.
اسلام امیرلیگی سوزلاوچیسی، بوگون ایرته‌لب (جمعه، ۸-حمل)، اوز اکس صحیفه‌سیده یازیشیچه، ملی مدافعه وزیرلیگی سرپرستی محمدیعقوب مجاهد؛ ایچکی ایشلر وزیرلیگی سرپرستی سراج‌الدین حقانی؛ استخبارات عمومی باشلیغی عبدالحق وثیق؛ ملی مدافعه وزیرلیگی اورین‌باسری عبدالقیوم ذاکر و ایچکی ایشلر وزیرلیگی اورین‌باسری محمدنبی عمری، قندهار ده مملکت‌نینگ امنیتی گزارشی‌نی اسلام امیرلیگی رهبری حضوری‌گه تقدیم قیلگنلر.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد، اوشبو ییغیلیش‌نینگ قچان اوتکزیلگنی حقیده هیچ بیر نرسه دیمه‌گن.
اسلام امیرلیگی سوزلاوچیسی‌نینگ کوپه‌یتیریشیچه: «بو ییغیلیش‌ده تیگیشلی امنیتی اداره‌لر‌نینگ تکلیف‌لری تیگلندی و اولرگه ایش یوریتیش و فعالیت یونه‌لیشلری بوییچه ضرور کورستمه‌لر بیریلدی. شونینگدیک نظم یخشی‌لنیشی، بو نهاد‌لر جهازلنیشی و ظرفیتی آشیشی اوچون کیره‌کلی قرارلر آلیندی.»
شونده‌ی بیرحالده، اسلام امیرلیگی رهبری شیخ هبت‌الله آخوندزاده، ۷-حمل، پنج‌شنبه کونی رمضان هییت بیرمی مناسبتی بیلن بیر پیام آرقه‌لی، برچهدن افغانستان اهالی‌سی‌نینگ ارزشلری‌گه حرمت قیلیب و بو مملکت ایچکی مسئله‌لری‌گه اره‌لشمسلیکلری‌نی ایستهگن.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی رهبری‌نینگ هییت بیرمی پیامیده کیلیشیچه: «برچهدن افغانستان اهالی‌سی‌نینگ ارزشلری و عقیده‌لری‌گه حرمت قیلیشلری، ایچکی مسئله‌لری‌میز گه اره‌لشمه‌سلیک‌لری و ثبات، امنیت و ترقیاتی‌میز‌گه توسیق بولمه‌سلیک‌لرینی ایسته‌میز.»
هبت‌الله آخوندزاده‌نینگ ایتیشیچه، اسلام امیرلیگی «اسلامی برادرلیک اساسیده، اسلام دنیاسی بیلن یخشی و مستحکم مناسبت‌لری بولیشی» نی سوره‌یدی. اونینگ کوپه‌یتیریشیچه، اسلام امیرلیگی باشقه مملکت‌لر بیلن قاعده-قانون گه تینگ، «یخشی و فایده‌لی مناسبت‌لر» گه ایگه بولیش‌‌نی ایسته‌یدی.
