شانگهای همکارلیک تشکیلاتی گه اعضا مملکتلر تشقی ایشلر وزیرلری نینگ ییغیلیشی، ۱-جوزا، سه‌شنبه کونی قزاقستان پایتختی آستانه شهری ده بولیب اۉتدی، باشقه مسئله‌لر گه علاوه بو ییغیلیش ده افغانستان مسئله‌سی محاکمه قیلینگن.
گزارش‌لر اساسیده، اوشبو ییغیلیش ده شانگهای همکارلیک تشکیلاتی گه اعضا مملکتلر افغانستان ده ثبات برقرار اېتیلیشی، عصیانچی گروه‌لر و بنگی‌وار ماده‌لر گه قرشی کوره‌ش بولیم‌لریده بو مملکت بیلن همکارلیک بولیشینی اېسته‌گنلر.
ایش بیلرمان‌لر افغانستان ده‌گی وضعیت حلی اوچون شانگهای همکارلیک تشکیلاتی رولینی اونیملی بهالب ایتیشلریچه، بو تشکیلات گه اعضا مملکتلر افغانستان نینگ تقدیرسیزلیک دن قوتقریش و دنیا اېستک‌لرینی قبول قیلیش اوچون سرپرست حکومت نی قانیقتیریش خصوصیده سعی-حرکت قیلیش‌لری کېره‌ک.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان عبدالجبار اکبری نینگ سلام‌وطندار گه ایتیشیچه: «بو مملکتلر بیر فکر-ملاحظه ده بولسه، افغانستان ده حاضرگی وضعیت گه چېک قوییش و سیاسی چارچوبه ایجاد اېتیش و موجود کېسکین‌لیک‌لر گه چېک قوییش و افغانستان نی دنیا همجمعیت گه یقین‌لشتیره‌دی دیب اویله‌ی من.»
اوشبو ییغیلیش ده پاکستان تشقی ایشلر وزیری اسحاق‌دار افغانستان سرپرست حکومتی دن عصیانچی گروه‌لر گه قرشی کوره‌شنی سۉره‌ش گه قۉشیمچه، افغانستان اوچون شانگهای تشکیلاتی نینگ تماس گروهی شکللنیشنی اېسته‌گن.
شو بیلن بیرگه، ایش بیلرمان‌لر مملکتلر نینگ خواطرلری گه چېک قوییش و افغانستان ده‌گی قیینچیلیک‌لر حلی اوچون، منطقه اېنیقسه شانگهای همکارلیک تشکیلاتی گه اعضا مملکتلر بیر فکر ده بولیشینی مهم دیه بهاله‌یدیلر.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان نجیب‌الرحمان شمال نینگ بوتوغریده سلام‌طندار گه ایتیشیچه: «شانگهای همکارلیک تشکیلاتی منطقه مملکتلردن تشکیل اېتیلگن، قینچیلیک‌لر حلی اوچون منطقه ده اساسی رول اوینه‌ماقده.»
شونینگدیک، خوفسیزلیک ایش بیلرمان صادق شینواری گه کوره: «شانگهای همکارلیک تشکیلاتی نینگ مقصدی افغانستان نی بو تشکیلات گه قۉشیش و افغانستان ده عصیانچی گروه‌لرنینگ تهدیدلری گه دایر خواطرلر گه چېک قوییش دیر.»
اسلام امیرلیگی، شانگهای تشکیلاتی گه اعضا مملکتلر تشقی ایشلر وزیرلری نینگ ییغیلیشی ده افغانستان مسئله‌سی گه دایر بیانات گه مناسبت بیلدیرمه‌گن و بو حکومت سۉزلاوچیلری بوتوغریده سلام‌وطندار نینگ سواللری گه جواب قیترمه‌گنلر.
ایتیش کېره‌ک شانگهای همکارلیک تشکیلاتی تشقی ایشلر وزیرلری نینگ اۉتگن کونگی ییغیلیشی ده افغانستان مسئله‌سی گه علاوه، اۉرته شرق ده‌گی اۉزگریشلر و اوشبو تشکیلات اوچون ینگی باش کاتب تعیینلنیش مسئله‌سی محاکمه قیلینگن.