بیرلشگن ملتلر تشکیلاتی خوفسیزلیک کینگشی ۱۰-اسد، چهارشنبه کونی حماس نینگ سیاسی رهبری اسماعیل هنیه اولدیریلیشی گه دایر، ایران نینگ اېسته‌گی بیلن شاشیلینچ ییغین اۉتکزدی. اوشبو کینگش اعضالری، اۉرته شرق ده کوچلی اوروش یوز بیریش احتمالیدن آگاه‌لنتیرگنلر.
بو ییغیلیش ده الجزایر، لبنان و چین کبی اسرائیل نینگ تنقید قیلووچی مملکت‌لر نینگ وکیللری، اسرائیل هجوملرینی منطقه صلح اوچون زیانلی دیگنلر؛ بیراق امریکا و فرانسه مملکت‌لری ایران منطقه ده‌گی گروه‌لریدن قوللنیب و اۉرته شرق نی کوچلی اوروش گه آلیب بارماقچیلیگینی ادعا قیلگنلر.
بیرلشگن ملتلر تشکیلاتی خوفسیزلیک کینگشی ییغیلیشی ده، خلق‌ارا قاعده‌لر رعایت اېتیلیشی و اوروش تامان‌لری اوروش گه چېک قوییش اوچون دیپلماتیک سعی-حرکت‌لر گه تن بیریش‌لری اوستیگه تأکید اېتیلگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، بیلرمان‌لر اۉرته شرق ده‌گی احوال دن خواطر بیلدیریب، سۉنگی اۉزگریش‌لر منطقه ده احوالنی مرکب‌لشتیریشی ممکن دیگنلر.
اولر نینگ ایتیشلریچه، اۉرته شرق نینگ بعضی منطقه‌لریده دوام اېته‌یاتگن اوروش و تهران ده حماس نینگ سیاسی رهبری اسماعیل هنیه ترور اېتیلیشی، منطقه ده کوچلی اوروش یوز بیریش احتمالینی کوچه‌یتیرگن.
خلق‌ارا مناسبت‌لر ایش بیلرمانی سیدروح‌الله هاشمی گه کوره: «حاضرگی احوال غزه اوروشی گه چېک قوییش اوچون امیدلرنی یوق قیلیب و اۉرته شرق ده کوچلی اوروش یوز بیریش احتمالی گه سبب بولیشی ممکن، اسرائیل و ایران اۉرته‌سیده‌گی اوروش گه امریکا نینگ اره‌لشیشی کوتیله‌دی و بو بحران اۉرته شرق ده‌گی احوال نی مرکب‌لشتیره‌دی.»
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، «نیویورک تایمز» ایران حکومتیدن اوچ منبع دن نقل قیلیب یازیشیچه، اوشبو مملکت لیدری سیدعلی خامنه‌ای اۉتگن کون ایران ملی خوفسیزلیک کینگشی ییغیلیشی ده، بو مملکت نینگ سپاه پاسداران و اردوسی گه اسرائیل گه مستقیم هجوم قیلیش بویروغینی بیرگن.
بیلرمان‌لر نینگ ایشانچی گه کوره، ایران قصاص آلیش اوچون هجوم اویوشتیریشی ممکن؛ بیراق اسرائیل و ایران اۉرته‌سیده حربی توقنشوو یوز بیریشی گه شبهه بیلن قره‌یدیلر.
خلق‌ارا مناسبت‌لر ایش بیلرمانی ولی فروزان نینگ ایتیشیچه: «ایران احتمال اسرائیل گه قرشی هجوم اۉیوشتیریشی ممکن، کوچلی اوروش بو هجومدن سۉنگ اسرائیل و امریکا نیمه قیله‌دی یا که حزب‌الله، حوثی‌لر و حشدالشعبی کبی گروه‌لر نیمه قیلیشه‌دی، اولر گه باغلیق دیر.»
حربی ایش بیلرمان‌لر نینگ ایشانچی گه کوره، اۉرته شرق ده خوفسیزلیک احوال کونسه‌یین خواطرلی بولماقده و سۉنگی اۉزگریش‌لردن کېین منطقه احوالی کېسکین‌لشی ممکن.
اسرائیل و ایران انچه مدت دن بویان استخباراتی و سیاسی شکلده اوروش قیلیب کېلماقده.
