هلمند ولایتی گرمسیر تومنی یشاوچیلری نینگ ایتیش‌لریچه، ایچیملیک پاک سوو گه قول تاپه آلمه‌یشلری سبب، کوپینچه قیین‌چیلیک بیلن روپهرهلر.
مذکور تومن صفار منطقه یشاوچیسی بولمیش محمد‌اکبر نینگ سلام‌وطندار گه ایتیشیچه، اوشبو منطقه‌ده ایچیملیک پاک سوو یوقلیگی سبب، هر کونی باله‌لری اوزاق منطقه‌لر گه باریب سوو آلیش گه مجبور دیر.
عین حالده، اوزاق منطقه‌لر گه سوو آلیش اوچون کیته‌دیگن اوشبو منطقه یشاوچیلریدن بیری محمد‌ولی نینگ ایتیشیچه، مذکور منطقه نینگ سووی شور و عایله‌لردن قطاری ایچیملیک پاک سوو گه قول تاپه آلمه‌یش سبب، اوی و جای‌لری نی قوییب کوچ قیلیش گه مجبور بولگنلر.
بیزلرنینگ فیسبوک صحیفه‌میزگه باش اورینگ!
محمد‌ولی نینگ کوپه‌یتیریشیچه: «انه شوو سوو سبب، باله‌لریمیز اسهال گه چلینه‌دی. باله‌لریمیز سوو قولگه کیلتیریش اوچون اوزاق منطقه‌لر گه کیته‌دیلر و هوا نینگ ایسیق‌لیگی سبب، ایسیق اوره‌دی. عایله‌لردن کوپ قطاری کوچ قیلگنلر، چونکه بو ییرده‌گی سوودن انسان هم قوللنه آلمه‌یدی و حیوان هم.»
گرچند صفار منطقه‌سیده‌گی کیچیک بازار، هلمند نینگ سوداگرلیک باشقه بازارلری گه قره‌گنده کوپ شهرت گه ایگه دیر؛ بیراق ایچیملیک پاک سوو گه قول تاپه آلینمه‌یش، اوشبو منطقه یشاوچیلری نینگ جدی قیین‌چیلیک‌لریدن دیر.
عین حالده، مذکور منطقه یشاوچیلریدن بیری مطیع‌الله، مسئوللردن اوشبو قیین‌چیلیک نینگ حل بولینیشی نی ایسته‌ب سلام‌وطندار گه ایتیشیچه: «بو منطقه نینگ سووی شور و ایچیلیش گه مناسب ایمس. سوو نینگ درست بولمه‌گنی باله‌لر نینگ اسهال بولیشی گه سبب بولگن.»
شونینگدیک اوشبو منطقه یشاوچیلریدن باشقه بیری صبغت‌الله نینگ ایتیشیچه: «صفار منطقه‌سی یشاوچیسی‌میز. بو بیر چیگره بازار دیر. اسلام امیر‌لیگی تامانیدن شیرین سوو یره‌تیلیشی خصوصیده امیدیمیز بار.»
بیزلرنینگ توییترده هم تعقیب قیلینگ!
شونده‌ی بیرحالده، گرمسیر تومنی محلی مسئوللری نینگ ایتیش‌لریچه، اوشبو قیین‌چیلیک نینگ اساسی شکلده حل قیلیش اچون هلمند ده‌‌‌گی تیگیشلی اداره‌لر و بیر قطار یاردم بیرووچی نهاد‌لردن همکارلیک ایسته‌گنلر.
گرمسیر تومنی سوزلاوچیسی موساکلیم ثانی نینگ سلام‌وطندار گه ایتیشیچه: «یشاوچیلر صفار و بنادر تومنی‌ده اوشبو قیین‌چیلیک بیلن روپه‌ره دیر. بو توغریده ولایتی مسئوللری و نهاد‌لر بیلن صحبت قیلدیک و مذکور قیین‌چیلیک نینگ حل بولینیشی خصوصیده امیدیمیز بار.»
ایتیش کیره‌ک که، سونگی نیچه ییل‌ده دواملی قروقچیلیک سبب، هلمند نینگ بیر قطاری تومن‌لریده‌گی یشاوچیلری ایچیملیک سوو تیارلش و ایکینزارلری نینگ سووغاریش خصوصیده سوو کم‌لیگی بیلن روپهرهلر.
