پایتخت کابل شهری ده سیاحتی شرکت‌لردن بیرقطاری نینگ ایگه‌لری، سالیق یوقاری‌لیگی، تابلو و استیکرلردن نیچه برابر تکس آلینیشیدن نالیب ایتیشلریچه، مسئوللر یشاوچیلر نینگ قیینچیلیکلری گه قره‌مسدن هر قنده‌ی بهانه بیلن اولردن سالیق آله‌دیلر.
اولر گه کوره، اوتگن ییل‌لر گه نسبتن ایش دفتری ده‌گی هر متر مربع تابلولریده تورت برابر سالیق تعینله‌نیب و پولینی تولش اوچن ایکی کون مهلت بیریله‌دی؛ عین‌حالده، اوچیش‌لر توخته‌شی سبب مشتری‌لری سیزیلرلی درجه ده کمه‌یگن.
کابل شهرنوی ده سیاحتی شرکت‌لردن بیری نینگ ایگه‌سی سلطان گه کوره، فعالیت اوچون اوچ_تورت تور جواز آلیش گه مجبور قیلینگنلر هر بیری اوچون پول تولش‌لری کیره‌ک. او نینگ کوپه‌یتیریشیچه: «سابق افغان‌تور ریاستیدن بیر جواز آلر ایدیک، حاضر اوچ_تورت جواز وضع قیلگنلر. سابق سیاحتی شرکت‌لردن سالیق آز آلینر ایدی و سالیق جرم‌لری هم اکثر وقت‌لر کیچیریلردی. بیر متر لوحه نینگ تکسی ۵۰۰ افغانی ایدی، بوگون‌لیک کونده هر متری دن ایکی مینگ آلیشه‌دی.»
بیزلرنینگ فیسبوک صحیفه‌میزگه باش اورینگ!
کابل شهری قلعه‌ی نجارها منطقه‌سیده سیاحتی شرکت‌لردن باشقه بیری نینگ ایگه‌سی ظاهراحمد نینگ ایتیشیچه، اوتگن بیر ییل ده سالیق تولاوچیلر اوستیده‌گی باسیم‌لر باعث، ۷۸ مینگ افغانی گچه سالیق توله‌گن.
او نینگ کوپه‌یتیریشیچه: «ایش بولسه ایدی نالیمس ایدیک. باسیم کوپ دیر. نیچه تور جواز بار، بیر جواز آلیب ۶۰ مینگ توله‌دیک. صنفی جواز اوچون بیش مینگ بیردیک، بیش مینگ ایش جوازی و فعالیت اوچون، سالیق نی تولش اوچون مهلت هم بیرمه‌یدیلر.»
سالیق یوقاری‌لیگیدن یالغیز سلطان و ظاهراحمد نالیمه‌یدیلر، بلکه بیرقطار دکاندارلر و اقتصادی کیچیک فعالیتی بولگن‌لر هم شکایت قیلماقده.
کابل شهری ده سیاحتی شرکت‌لردن بیری نینگ مسئولی شافع گه کوره: «سالیق نی تیکشیریش آتیده دفترلر اوستیده کوپ باسیم کیلتیردیلر و کوپ سانده دفترلر یاپیلدی، قیینچیلیککه اعتبار بیرمه‌ی و گپ نی تینگلمه‌یدیلر. چون و چرا قیلگن حالده مهرولاک قیلیشه‌دی. درآمد یوق، ایش یوق، یورت نی ترک ایته‌یدیک می؟»
سیاحتی شرکت‌لر مسئوللری، دکان‌لر، تابلولر و استیکرلر تکسی تعینی اوچون سالیق یوقاری‌لیگیدن شکایت قیلسه‌لرده، بیراق کابل بلدیه‌سی اوشبو موضوع نی رد قیلیب مذکور اداره یالغیز قانون‌نی عملگه آشیرماقده‌لیگینی معلوم قیله‌دی.
بیزلرنینگ توییترده هم تعقیب قیلینگ!
کابل بلدیه ریاستی سوزلاوچیسی نعمت‌الله بارکزی نینگ ایتیشیچه: «کابل بلدیه‌سی نینگ حجره‌سی و تکسی گه هیچ قول اورگنیمیز یوق، بو سابق تکسی دیر، بیر افغانی کم_کوپ بولگن یوق، یالغیز قانون عملگه آشیریلماقده.»
مالیه وزیرلیگی مسئوللری، سالیق تولاوچیلر گه قولی‌لیک یره‌تیلیشینی ایته‌دیلر.
عین‌حالده، سیاحتی شرکت‌لر گه علاوه، کیچیک اقتصادی فعالیتی بولگن‌لر هم، سالیق یوقاری‌لیگی و درآمد آزلیگیدن شکایت قیلماقده‌لر.
