ینگی‌لیکده، پاکستان ملی بانکی (SBP) ۲۰۲۲-ییل گه نسبتن ۲۰۲۳-ییل نینگ اون آیی ده افغانستان نینگ پاکستان گه صادرات میزانی ۵۷ فایز کمهیشیدن خبر بیریب ایتیشیچه، ۲۰۲۲-ییل گه قره‌گنده ۲۰۲۳-ییل نینگ جولای آیی دن اکتوبر آیی گه قدر، پاکستان نینگ افغانستان گه صادرات میزانی قریب ییتتی فایز آشگن.
شو بیلن بیرگه، افغانستان سوداگرلیک و سرمایه یاتقیزیش اتاقی افغانستان نینگ پاکستان گه صادرات میزانی ۵۷ فایز کمه‌یشینی رد قیلیب، ۲۰۲۳-ییل ده افغانستان نینگ پاکستان گه صادرات میزانی ۲۰ فایز کمه‌یشینی معلوم قیله‌دی.
بیزلرنینگ فیسبوک صحیفه‌میزگه باش اورینگ!
سوداگرلیک و سرمایه یاتقیزیش اتاق نینگ خذمت‌لر ایشلری بوییچه اورین باسری نصیراحمد عرب نینگ سلام‌وطندار گه ایتیشیچه: «پاکستان سونگی کون‌لرده افغان‌لر اوچون ایریم قیینچیلیک‌لرنی یره‌تگن، بیر تاماندن پاکستان بازارلریده دالر آزلیگی دیر، افغانستان‌لیک سوداگرلر بو مملکت گه یوبارگن صادرات‌لری اورنیده دالر آلیش‌لری کیره‌ک، کلدار بیلن معامله قیلیشه آلمه‌یدی، دالر یوق‌لیگی باعث پاکستان گه صادرات‌لرینی کمه‌یتیریشگن.»
سوداگرلردن بیرقطاری، اوشبو ییل ده پاکستان دولتی تامانیدن افغانستان‌لیک سوداگرلر برابری جاری ایتیلگن قاعده‌لردن شکایت قیلیب ایتیشلریچه، میلادی اوشبو ییل ده بو مملکت گه سوداگرلیک توارلری صادراتینی کمه‌یتیرگنلر.
تازه میوه و سبزه‌وات سوداگری غلام رسول‌حضرت گه کوره: «حکومت‌لر آره‌سیده نیمه جنجل بارلیگینی اصلا بیلمه‌یمیز، بیر کون بیر قانون باشقه کون باشقه قانون، بو احوال سوداگرلر نینگ زیانی گه دیر. حاضرگی کونده یوزلب سبد آلمه ساووقخانه‌لرده دیر، بازار یوق‌لیگی اوچون آلمه‌لریمیزنی صادر قیله آلمه‌یپمیز.»
صناعت و سوداگرلیک وزیرلیگی سوزلاوچیسی آخوندزاده عبدالسلام جواد گه کوره، افغانستان‌لیک سوداگرلر نینگ توارلری انتقالی اوچون قیینچیلیک تاپیلیشی باعث، بو وزیرلیک بدیل یوللر اوستیگه ایش آلیب بارماقده.
بیزلرنینگ «ایکس» ترماغی ده هم تعقیب قیلینگ!
او نینگ کوپه‌یتیریشیچه: «۲۰۲۲-ییل ده پاکستان دن بیر میلیارد ۳۱ میلیون دالرلیک توار وارد قیلگندیک، ۲۰۲۳-ییل نینگ ۱۱ آیی ده بیر میلیارد ۳۰۷ میلیون دالر بولگن، سابق بو مملکت گه کوپ صادر قیلر ایدیک. سوداگرلر گه قیینچیلیک تاپیلیشی باعث باشقه یوللر اوستیگه ایشله ماقده‌میز.»
پاکستان ملی بانکی معلوماتی نینگ بیر بولیمیده کیلیشیچه، ۲۰۲۲-ییل گه نسبتن ۲۰۲۳ییل نینگ دستلبکی تورت آیی ده پاکستان نینگ افغانستان گه صادرات میزانی ۲۱ فایز آشگن.
ایتیش کیره‌ک، پاکستان دولتی اوشبو ییل ده افغانستان‌لیک سوداگرلر نینگ توارلری گه سالیق‌نی آشیرگن، بو ایش سوداگرلر صادرات‌لرینی کمه‌یتیریش گه سبب بولگن.
